TABAGÓN EN FESTAS (DÍAS 29, 30 E 31)

EN PROBAS

EN PROBAS

15 may 2011

Ten lugar no Rosal a campaña de fomento da lectura "Eu leo, e ti?"



Grazas a unha iniciativa das mestras responsables da Biblioteca do CPI Manuel Suárez Marquier, ponse en marcha esta campaña de fomento da lectura, destinada fundamentalmente a lectores adultos, en colaboración coa concellaría de Cultura do Rosal.

Preténdese achegar os libros a toda a cidadanía, para poder disfrutar da lectura no tempo de lecer, na casa ou mesmo en establecementos públicos.

Trátase de que os libros “rulen” e percorran a vila.


Un total de sesenta distribuídos en tres caixas foron colocados no Centro de Saúde, nunha perruquería e nunha cafetería locais. Pódense ler alí mesmo, nas propias casas ou recomendarllos a amigos.

Unha vez lidos entregaranse en calquera dos tres lugares elixidos para esta campaña (que non ten por que ser o mesmo de onde se escolleron).

Esta actividade é bimensual. Cada dous meses recolleranse e procederase ao seu cambio, por outros libros e outros lugares.

Dende a concellaría de Cultura anímase a participar nesta singular forma de coñecer libros e gozar da lectura.


0 comentarios:

Publicar un comentario