FAI CLIC E DESCUBRE O NOVO DESEÑO DA WEB CULTURAL NOTICIASOROSAL.ES

Noticias O Rosal estreou o 7 de marzo novo deseño e contidos. Este blog manterase na rede, de momento, ata novo aviso, como complemento á páxina web

A VILA DO ROSAL DESPIDE CON EMOCIÓN A JOSÉ MARTÍNEZ GONZÁLEZ "PEPIÑO BERDEAL"

O ex-funcionario do Concello do Rosal e presidente da Asociación de Comerciantes da vila, era un dos veciños máis apreciados dos últimos tempos

VITORIA DE GABRIEL MARCELLI EN LLEIDA NO CAMPIONATO DE ESPAÑA DE TRIAL

O piloto rosaleiro vence na categoría júnior na proba valedeira para o “Spa RFME Campeonato de España de Trial Individual 2015”

ACTO DE CLAUSURA DO CURSO DE MONITOR DE FÚTBOL BASE CELEBRADO EN O ROSAL

A Casa Consistorial acolleu a entrega de diplomas e clausura do Curso coa presenza dos coordinadores José Luis Mosquera e Manuel Mosquera.

MÁXIMA EXPECTACIÓN ANTE A CHEGADA DA SEXTA EDICIÓN DA CARPA CARNAVAL DE FORNELOS

Entre outros, actuarán dende o venres 13 ata o martes 17 de febreiro, nestas Festas de Entroido: Traffic House, Dj Carlie, Diego Mei, Vallejo, Micy Dj, etc

A PRAZA DO CALVARIO ACOLLEU A VISITA E RECEPCIÓN DOS REIS MAGOS DE ORIENTE

As Súas Maxestades estiveron durante horas na vila do Rosal repartindo multitude de agasallos a pequenos e maiores, entre eles, libros e lambetadas

A ROMARÍA DE SAN MARTIÑO 2014 EN O ROSAL CELEBROUSE O DOMINGO 30 DE NOVEMBRO

A saída do Santo en procesión dende a igrexa parroquial de Santa Mariña, na Praza do Calvario, ata a súa ermida, foi ás 10:30 horas.

O PILOTO ROSALEIRO GABRIEL MARCELLI PROCLÁMASE TRICAMPIÓN DE ESPAÑA DE TRIAL

Gabriel Marcelli Carballido adxudícase o título tras vencer en Cabanillas de la Sierra (Madrid). Tamén consegue ser Campión Galego por quinta vez.

PRESENTACIÓN DA SEGUNDA EDICIÓN DO EVENTO DEPORTIVO “15K DEL ATLÁNTICO”

A carreira e a andaina 15k del Atlántico celébranse este domingo 5 de outubro percorrendo os concellos de Oia, O Rosal e A Guarda

O ESPECIALISTA DEFENSIVO ARKAITZ VARGAS FICHA POLO ACANOR ATLÉTICO NOVÁS

Na imaxe da presentación, Manolo “Campelo”, Moncho Vicente, Andrés Senra, Daniel Martínez, Arkaitz Vargas, Roberto Fernández e Modesto Augusto

ÉXITO TOTAL DA I EDICIÓN DA ANDAINA E CARREIRA “10K O ROSAL. FEIRA DO VIÑO”

Na imaxe, os gañadores absolutos da carreira 10k O Rosal Feira do Viño. No máis alto do pódium, Nuno Costa e Paula Mayobre. Más info neste enlace.

OS COORDINADORES DO 10K O ROSAL, ENTREVISTADOS NA RADIO MUNICIPAL DE TUI

Os rosaleiros Juan Ramón Martínez Barbosa, Óscar Vicente Rodríguez e Serafín Martínez Acevedo falaron da andaina e da carreira nos estudos da RMT

REPORTAXE FOTOGRÁFICA DA XIV ANDAINA “VAL DO ROSAL. O PARAÍSO DENDE AS ALTURAS”

Na imaxe, os participantes desta andaina, que visitaron o punto máis alto da vila, nos montes do Campo do Couto e os petroglifos próximos á Fonte do Home.

NOVA VITORIA DE GABRIEL MARCELLI CARBALLIDO NO CAMPIONATO DE ESPAÑA DE TRIAL

O piloto rosaleiro, imparable, é o favorito para facerse -por terceira vez- co Campionato de España de Trial. As próximas citas, Vila de Cruces e Andorra.

O ROSAL E O ATLÉTICO NOVÁS QUEREN FACER HISTORIA, por Juan Ramón Martínez Barbosa

Artigo do director de Noticias O Rosal, onde fala da Fase de Ascenso á División de Honor Prata do balonmán nacional que se celebra os días 2, 3 e 4 de maio

DEPORTISTAS E CLUBS, HOMENAXEADOS NO II RECOÑECEMENTO AO MÉRITO DEPORTIVO

O pasado sábado 12 de abril o Auditorio Municipal acolleu os premios aos mellores deportistas e clubs da vila. Na imaxe, autoridades e homenaxeados.

REPORTAXE FOTOGRÁFICA DA XIII ANDAINA O ROSAL. COÑECE O TEU CONCELLO

A vindeira andaina deportivo-cultural pola vila do Rosal celebrarase o vindeiro sábado 10 de maio, con saída dende o Alto da Portela (Marzán)

O 12 DE ABRIL CELÉBRASE O II ACTO DE RECOÑECEMENTO AO MÉRITO DEPORTIVO DO ROSAL

Na imaxe de 2011, na I edición, Gerardo Álvarez (ciclismo), Manolo Armán (balonmán) e Félix Piñel (atletismo) reciben os premios “Mención de Honra”.

ACTUACIÓN DO GRUPO ADREDDE NA FESTA DE ENTROIDO 2014 DE FORNELOS (O ROSAL)

O sábado 1 de marzo achegámonos ata Fornelos para ver en directo a animada actuación do Grupo Adredde e comprobar o ambientazo de Entroido

O LIBRO “MOLINOS” PRESÉNTASE EN PONTEVEDRA CON MENCIÓN ESPECIAL PARA O ROSAL

A nosa vila estivo representada polo alcalde, Jesús Mª Fernández Portela, así como por Tamuxe e Juan Ramón, autores do libro da historia dos Muíños do Folón-Picón

O ENTROIDO DE FORNELOS 2014, SERÁ, SEN DÚBIDA, DOS MÁIS ESPECTACULARES DA HISTORIA

Impresionante programa de Festas, con orquestras e grupos musicais, actuacións para nenos, Corrida do Galo, Frixidelas e como non, a 5ª edición da CARPA.

O ROSAL HOMENAXEA AO CICLISTA RAÚL FERNÁNDEZ, CAMPIÓN DE GALICIA E DE ESPAÑA

Na imaxe, Raúl Fernández na compaña dos seus compañeiros e directivos do Club Ciclista O Rosal, na recepción ofrecida no Concello.

RAÚL FERNÁNDEZ PROCLÁMASE EN CASTELLÓN CAMPIÓN DE ESPAÑA DE CICLOCROSS

Na imaxe, Raúl, flanqueado á esquerda polo exciclista profesional Serafín Martínez Acevedo e á dereita polo triatleta internacional, Óscar Vicente Rodríguez.

PROXIMAMENTE ANUNCIARASE A DATA DA II RUTA GUIADA ORGANIZADA POR NOTICIAS O ROSAL

A I Ruta Guiada Noticias O Rosal levou aos participantes a coñecer todos os segredos da ruta e historia dos emblemáticos Muíños do Folón e do Picón.

OS REIS MAGOS REPARTEN AGASALLOS A CENTOS DE NENOS/AS EN O ROSAL

Reportaxe fotográfica (máis de 300 imaxes) da visita e recepción na vila do Rosal de Melchor, Gaspar e Baltasar.

NOVO CONXUNTO DE GRAVADOS CRUCIFORMES NO LUGAR DAS CORTES

O historiador rosaleiro Xoán Martínez Tamuxe fala no seu blog deste achádego, recreación da cruz cristiá (séculos IV-V d. C.)

SERGIO RODRÍGUEZ, NETO DO CABAQUEIRO MANUEL "TRINTIÑA", INAUGURA “O BAR DO TRINTA"

Na imaxe, Serafín Martínez Acevedo (exciclista profesional e emprendedor deportivo), con Sergio (xerente do Bodegón-Tapería Os Seixiños. O Bar do Trinta).

TABAGÓN EN FESTAS (DÍAS 29, 30 E 31)

EN PROBAS

EN PROBAS

22 nov. 2014

Nikolai Tsybanev analiza a previa do partido Acanor Novás-Granitos Ibéricos


Información e fotografías: Acanor Atlético Novás

Nikolai Tsybanev (Volgogrado-Rusia, 1964), está considerado un dos mellores xogadores que pasou pola historia do Atlético Novás.  

Chegou ao Rosal a finais do século pasado e botou raíces aquí. Primeiro como xogador, e logo como adestrador en diferentes categorías, o seu apelido vai  unido ao nome do club dende fai case dúas décadas.

Dende hai dous anos é a man dereita de Modesto Augusto no primeiro plantel (xa fora auxiliar doutros técnicos). Labor que compaxina coa de adestrador do equipo xuvenil.

Hoxe dispútase a décima xornada de Primeira Nacional cumprindo así o primeiro tercio da competición. Se ben é certo que non ocupa o lugar que esperaba, apunta que "este ano a liga e máis larga, polo que penso que aínda temos opcións. O malo é que non dependemos de nós". Xa que o Acanor parte cunha desvantaxe de 7 puntos con respecto aos dos equipos que actualmente están nos postos de privilexio.


 
O que xoga a favor do club é que quizais os 'cocos' do grupo xa os pasou, e de aquí ao final da primeira volta veñen compromisos máis asequibles, "partidos que veñen ben para recuperar a moral, e tamén para recuperar aos lesionados, xa que temos a varios xogadores que veñen acarrexando molestias dende hai varias xornadas".

Entre eles, os seus fillos. Para Nikolai é especial adestralos, sen embargo cre "que eles igual están fartos de min, xa que lles esixo máis que ao resto". Sobre os puntos fortes e débiles de ambos, opina "que de Sergey, quédome co seu lanzamento. De Alex a visión de xogo. O seu lunar, os ligamentos e tendóns. Na súa curta vida deportiva pasaron gran parte no dique seco".

O rival de hoxe é o Granitos Ibéricos (19:45 h), que ocupa a antepenúltima posición. Tras un mal arranque, con Andrés Acuña ao frente, buscaron un revulsivo contratando a Jota. Ata o momento conseguiron dous puntos nas cinco xornadas que leva no cargo. Tsybanev, que compartiu banquillo co adestrador do Morrazo, deséxalle o mellor ao seu amigo Jota "É un bo entrenador e gran persoa. Este ano o vai ter complicado, chegou fai pouco ao club e cun equipo feito. Non é doado adaptar aos xogadores á súa maneira de traballar e visión de xogo. De todos xeitos, penso que salvarán a categoría".


19 nov. 2014

O Novás segue aferrándose á idea do "partido a partido" na volta de Jacobo

Na imaxe, o rosaleiro Jacobo Coello, na I Xuntanza do Novás (agosto de 2013)

Informa: Andrés Senra / Acanor Atlético Novás

'Partido a partido'. A esa frase tan popular nos últimos tempos, é ao que se aferra o Acanor Novás. Esquecidas xa esas tres derrotas consecutivas, o único que pasa pola cabeza do corpo técnico e do plantel é agora mesmo, o Carballal, rival deste sábado (19:45 h).

O Novás, que superou comodamente ao Cañiza o pasado sábado, quere superar agora ao Granitos Ibéricos, nun duelo especial para dúas persoas, Jota, adestrador dende fai 5 xornadas, e Jacobo Coello, flamante fichaxe que case con toda probabilidade debutará este sábado contra o equipo da súa vida.

José Ramón Muñoz (O Porriño, 1973), é, a pesar da súa curta idade, un dos técnicos máis experimentados da Primeira Nacional. Con apenas 26 anos colgaría as zapatillas para pasar a ser adestrador. 

Conta con experiencia en Portugal, ademais de ser auxiliar de Quique Domínguez no Octavio e lograr o ascenso co Seis do Nadal. Non esquece tampouco os tres anos que viviu no Rosal (2005 a 2008). "Non é un partido máis, no Novás teño moitos amigos e persoas queridas, e a verdade é que gardo moi bos recordos da miña etapa no Rosal", aínda que por suposto o sábado tratará de conseguir a súa segunda victoria coma máximo responsable do Granitos, pese a que recoñece que non será doado, xa que "O Novás ten un plantel espectacular, con dous xogadores de calidade por posto, xente de moita experiencia e calidade. Sen dúbida un dos mellores equipos da liga. O que máis destaco é a portería e a capacidade de correr" todo isto a pesar do seu irregular comezo, que o sitúa na metade da táboa "e cunhas opcións de sector nada doadas, xa que hai varios equipos que se están amosando moi fortes e que é probable que cedan poucos puntos. O Novás ten que pensar en si mesmo, xogar sen presións e ir pouco a pouco".

'Jota' que levaba no 'paro' balonmanístico algo máis de dúas tempadas cre "que era un bo momento para voltar. Cando decidín deixar o Seis foi porque levaba 13 anos adestrando sen parar, e esa fatiga unida á miña familia foron os motivos que me impulsaron a desconectar unha tempada". Todo isto a pesar de ter algunha proposta "cando menos interesante no deportivo, pero decidín que non era o momento".

Agora, enrolado dende hai menos de dous meses no Granitos, recoñece que o "obxectivo pasa por manternos, librarnos do descenso canto antes e poder disfrutar desta liga sen agobios. Estamos traballando ben, pero hai moito que mellorar e que cambiar".

Para conseguir esa meta considerou oportuna a fichaxe de Jacobo Coello, lateral-extremo rosaleiro "que se mostrou interesado en seguir disfrutando deste deporte. Sen dúbida vai aportar experiencia, verticalidade e boa capacidade defensiva. Pero sobre todo, moito sacrificio. É un gran reforzo para o Carballal".

Jacobo, lateral zurdo de 37 anos, desenrolou gran parte da súa carreira deportiva no Acanor Novás, é un dos mellores xogadores que deu a canteira. Proba diso é que formou parte do mellor equipo da historia do Academia Octavio.

O Atlético Novás presume de base e aspira a un equipo "made in O Rosal"

Informa: Andrés Senra / Acanor Atlético Novás
Ha dado mucho trabajo, muchas horas... y ha tenido que pasar su tiempo, pero gracias al esfuerzo principalmente de un grupo de padres, el Novás empieza a recoger sus frutos.
Actualmente el club cuenta con categorías juvenil, cadete, infantil y alevín federado, y un grupo de benjamines y pre benjamines que se divierten en los entrenos y compiten en torneos amistosos. Siempre aprendiendo a la estela de los mejores entrenadores.
Nikolay Tsybanev, Víctor Armán, David Lechuga, Jorge González y Paulo Dacosta son los encargados de enseñar y educar a los más de 60 niños y niñas que, a excepción de los lunes, entrenan en el pabellón.
Un número que sigue creciendo, y eso que hace menos de un lustro incluso había una categoría en la que el club no tenía equipo federado. Se había roto la cadena. Una hecatombe para una entidad que siempre ha presumido de cantera y que aspira a un equipo 'made in O Rosal' a corto-medio plazo.
Los que más destacan, en cuanto a clasificación, son los infantiles. Tras seis jornadas son líderes invictos en su grupo, pero en todas las categorías copan las primeras posiciones. 
Ellos son el futuro más inmediato, el sustento del club que preside Benedicto Sousa. El pasado sábado fue su presentación. Fue en el descanso, ante un pabellón abarrotado salieron todos y cada uno de los canteranos al par que Roberto "Campelo", vicepresidente, cantinero y speaker, cantaba su nombre por megafonía, soñando ser ellos los que jueguen algún día ante tanta gente.
Son los frutos de un trabajo realizado principalmente por Aurora, Eloy, Chari, Vicente... A los que el Acanor Novás le deberá mucho en un futuro no muy lejano. 

18 nov. 2014

Transporte de balde dende O Rosal á Unidade de Exploración Mamográfica


Informa: Concello do Rosal.

O programa Galego de Detección Precoz do Cancro de Mama pon a súa disposición un medio de transporte de balde, para facilitarlle o acceso desde o Concello de O Rosal ata a Unidade de Exploración Mamográfica sita NA CASA DO MAR en Beiramar, 51-2º planta en VIGO e tamén á viaxe de volta ó Concello.

O uso desde transporte non é obrigatorio, polo que se vostede o desexa, pode acudir polos seus propios medios á cita que se lle achega.

Dependendo da hora na que teña a cita na Unidade de Exploración poderá facer uso do mesmo, tendo en conta as paradas e horarios que figuran máis abaixo.

En O ROSAL (diante do Centro de Saúde)
Horas de parada: 08:00 11:30

En SAN MIGUEL DE TABAGÓN (diante do Centro de Saúde)
Horas de parada: 08:10 11:40

Máis información no Concello ou no teléfono 986 62 50 00.

16 nov. 2014

Os integrantes do Club Ciclista O Rosal conseguen cinco podios en dous días


O Club Ciclista da vila, tal e como se pode ler na súa web, vén de conseguir cinco podius en dous días seguidos de competición na modalidade de ciclocross.

O sábado 15 de novembro celebrábase o Trofeo Comunidade de Montes das EirasMario Fernández (2º), María Correa (3ª) e Zaida González (3ª). 

Xa ao día seguinte, o domingo 16, no Trofeo Cidade de Santiago, María Correa (3ª) volvía a protagonizar o mesmo podio que en Eiras. Pola outra banda, Zaida González melloraba o seu último rexistro, rematando subcampiona da proba.

Carlos Alberto Ramón Pérez, novo director da Agrupación Musical do Rosal

Foto: Brais Martínez / Agrupación Musical do Rosal

Segundo se pode ler na web da Agrupación Musical do Rosal, "Carlos Alberto Ramón Pérez (Crevillent, Alicante), estudante actualmente dun Máster en Maastricht (Holanda) co mestre Jan Cober, convértese no novo director da banda tralo proceso de selección entre máis de vinte candidatos".


Carlos A. R. Pérez realizará o seu primeiro concerto coa banda "o vindeiro 7 de decembro ás 19:00 horas, no Auditorio do Rosal, con motivo do concerto de Santa Cecilia".

14 nov. 2014

O Novás empregará a filosofía de "Cholo" Simeone en busca da remontada

Adrián Freiría e Roberto Rodríguez "Harris" cando militaban xuntos no Novás

Informa: Acanor Atlético Novás.

O Novás, equipo rosaleiro de balonmán, empregará para a súa remontada en Liga, a coñecida filosofía do "partido a partido", ideal instaurado por Diego Pablo "Cholo" Simeone (adestrador de fútbol do Atlético de Madrid).

'Agora debemos ir partido a partido', estas son as declaracións do lateral rosaleiro Roberto Rodríguez Vicente "Harris".
Tres derrotas consecutivas, o que deixan ao Acanor Novás cunha bagaxe de 7 puntos sobre 16 posibles.
'É unha situación coa que ninguén contaba. Sabíamos que este ano non ía ser un paseo pero ninguén pensaba ter menos da metade dos puntos xogados ata o de agora'. Pero tanto Harris coma o resto do plantel están convencidos de que si se segue remando cara o mesmo lado isto non está para nada perdido. 'O outro día en Cisne penso que fixemos un bo partido. O que pasa que tivemos nos minutos finais erros provocados pola falta da confianza e a presión, pero se seguimos nesta liña isto pódese remontar. O que non podemos ver agora é a clasificación, se non ir partido a partido'.
O rival de mañá é o Promens Cañiza (19:00 h), novato na categoría, pero que camiña con paso firme. Ata o de agora suma nove puntos e xa está preto de conseguir o obxectivo de calquera recén ascendido, a permanencia. Manteñen o bloque que lle deu o ascenso e reforzáronse con Adrián Freiría, que o ano pasado xogou nas filas do Acanor, e que este verán decidiu cambiar de aires para voltar a xogar co seu irmán xemelgo, Aitor. Eles dous son, xunto ao canteirán rosaleiro Esteban Martínez, tres dos pilares nos que se sustenta este proxecto. Para Harris será especial enfrontarse a este último, xa que foron compañeiros dende que se iniciaron neste deporte ata os 19 anos. 'Será especial, pero aínda que fóra das pistas sexamos íntimos, mañá cada un defenderá o seu.'
Mañá, sábado 15 de novembro, ademais do encontro, no descanso producirase a presentación de todas as categorías do club.

12 nov. 2014

Este sábado 15, o XVII Trofeo Comunidade de Montes de Eiras de Ciclocross


O Club Ciclista O Rosal organiza o vindeiro sábado 15 de novembro o XVII Trofeo Comunidade de Montes de Eiras de Ciclocross.

Segundo se pode ler na súa web, "a competición dará comezo ás 14:45 horas cunha carreira de Promoción para a categoría de Infantís, para as 15:00 horas dar paso ás categorías habituais, como son as Féminas (Cadete, Júnior, Élite), e os masculinos das categorías de Cadete, Júnior, Sub-23, Élite e Máster 30, 40, 50 e 60".

Máis info, aquí.

O curso federativo de "Monitor de Fútbol Base" comeza en O Rosal o día 25


Información e fotografías: Miño Films

O pasado venres 7 de novembro presentouse no concello do Rosal o curso federativo de "Monitor de Fútbol Base", convocado pola Federación Galega de Fútbol, que dará comezo o vindeiro martes 25 de novembro.



Ao acto asistiron, ademais dos propios inscritos -entre outros- a presidenta da U.D. Ribera, Estela Pereira Álvarez, o alcalde da vila, Jesús Mª Fernández Portela e o concelleiro de Deportes, Pablo Flores Díaz, acompañados da tenente alcalde Mª Carmen Alonso e o edil Ángel Martínez Villa.



Igualmente, interviron neste acto de presentación, José Luis Mosquera (ex-xogador do Celta e coordinador dos cursos na comarca de Vigo) e Manuel Mosquera, director da "Escuela Gallega de Entrenadores".



O curso se celebrará no Centro Social Polivalente e no Estadio Municipal da Mata, cunha carga lectiva de 65 horas repartidas desta maneira: 


 Técnica (10 horas)
- Individual y colectiva
 Táctica (10 horas)
- Estrategias y Sistemas
 Entrenamiento Deportivo (10 horas)
- Preparación Física
 Reglas de Juego (10 horas)
 Medicina del Deporte (5 horas)
 Psicología (aplicada) (5 horas)
 Metodología (aplicada) (5 horas)
 Dirección de equipos (5 horas)
 Reglamentación deportiva (5 horas)
- Ley del Deporte
- Real Decreto de Enseñanzas
- Reglamento Federativo
- Cursos de Entrenadores
- Titulaciones de Técnicos

A I Carreira Popular "San Silvestre O Rosal" celebrarase o 31 de decembro


Segundo comunica no seu perfil de facebook o Servizo de Información Xuvenil e Animación Sociocultural do Concello do Rosal, o 31 de decembro deste ano ás 11:00 horas, celebrarase na vila a I Carreira Popular "San Silvestre O Rosal".

Organizada polo Club de Atletismo Manuel Suárez Marquier e o propio Concello, coa colaboración do Comercio do Rosal, será "unha actividade fundamentalmente lúdica e familiar, non competitiva".

Estas son as bases, regulamento e os diferentes premios que aporta o Comercio do Rosal para o seu sorteo.

P.D.: A ENTREGA DE DORSAIS REALIZARASE DE 10.00 A 10.45. A SAÍDA PARA OS CORREDORES SERÁ ÁS 11.000 HORAS E OS QUE QUEIRAN IR ANDANDO COS SEUS FILLOS, AVÓS....E NON QUEIRAN IR CORRENDO, SAIRÁN ÁS 11.30 CUN PERCORRIDO MÁIS CURTO 
¿A QUE ESTADES ESPERANDO? ESPERÁMOSVOS Ó FINALIZAR CUNHA CHOCOLATADA PARA TÓDOLOS PARTICIPANTES E UN MONTE DE PREMIOS A SORTEAR ENTRE TÓDOLOS PARTICIPANTES. RECORDADE QUE PODE PARTICIPAR TODO O QUE QUEIRA. AMPLIAMOS O PRAZO ATA O 19 DE DECEMBRO ¡¡¡¡¡¡

11 nov. 2014

Nova campaña de Nadal da Asociación de Comerciantes do Rosal (ACOR)


Servizo de Información Xuvenil e Animación Sociocultural

A Asociación de Comerciantes e Industriais do Rosal (ACOR), presidida por José Martínez González (Pepe Berdeal) distribuiu 10.000 boletos entre todos os comercios asociados para agasallar aos seus clientes.

A campaña consiste nun gran sorteo que se celebrará o vindeiro 9 de xaneiro e no que poderán gañar vales de compra e unha cesta de nadal.

10 nov. 2014

Conferencia do historiador rosaleiro Xoán Martínez Tamuxe en A Guarda


O vindeiro xoves 13 de novembro, ás 20:00 horas, o escritor e historiador rosaleiro Xoán Martínez Tamuxe ofrecerá unha interesante charla-conferencia sobre A Prehistoria entre A Gándara e Salcidos (A Guarda) que terá lugar no novo espazo gastronómico-cultural “Bodegón Os Seixiños” rexentado polo tamén veciño, Sergio Rodríguez Rodríguez “Trinta”.

Esta conferencia é a primeira dunha serie de xornadas –libres e gratuítas- que se organizarán nos meses de novembro e decembro con motivo do I aniversario da inauguración deste local guardés.

Xoán Martínez Tamuxe, recoñecido arqueólogo e autor do libro Parroquia de San Lorenzo de Salcidos. Aproximación histórica, desvelará coa súa acostumada e sabia oratoria, moitos dos segredos que agochan os gravados ou os castros da zona. Igualmente haberá unha pequena mostra de material prehistórico e proxección de imaxes dos xacementos arqueolóxicos máis importantes.

*Xoán Martínez Tamuxe (O Rosal, 1930). Historiador, arqueólogo e investigador. Autor de máis dunha ducia de libros, cofundador do Equipo Arqueolóxico do Baixo Miño, é membro do Instituto Padre Sarmiento (Sección de Arqueoloxía) de Santiago de Compostela (1979), da Asociación Colegial de Escritores de España (1982), Grupo de Arqueoloxía Alfredo García Alén de Pontevedra (1983), membro colaborador do Departamento de Prehistoria da Universidade de Santiago (1984). Dende o ano 2007 é o presidente do Instituto de Estudios Tudenses.

5 nov. 2014

Teatro en O Rosal con motivo do Día Mundial contra a Violencia de Xénero



O domingo 30 de novembro (18:00 horas), con motivo do Día Mundial contra a Violencia de Xénero, a compañía de teatro Centro Dramático Clandestino presenta no Auditorio do Rosal a obra "¡Oh Dios mío, somos mamíferos!", apta para maiores de 16 anos.

O Grupo Mascarenhas organiza o día 23 un Festival de Acordeóns en O Rosal

(Foto: Grupo Mascarenhas / facebook)

O Auditorio Municipal do Rosal acollerá o vindeiro domingo 23 de novembro, a partir das 18:00 horas, un Festival de Acordeóns en honor a Santa Cecilia, organizado polo Grupo Mascarenhas* da vila da Guarda.

*Dirixido por José Luis Lorenzo Rodríguez forman o Grupo Mascarenhas: Juan Bande, Víctor Valcárcel, Daniel Vilanova, Iván Rodríguez, Rocío Lomba, Sandra Pérez, Ana Portela, Fátima Daval, Natalia Fernández, Susana Chaver e Raquel Rodríguez. 

ARTE-MAGOSTO en O Rosal (8-9 nov.), organizado pola Asociación + K Arte



Esta fin de semana (sábado 8 e domingo 9 de novembro) celebrarase na rosaleira Praza do Calvario -e durante todo o día- o evento ARTE-MAGOSTO, organizado pola Asociación +K Arte.

Haberá unha feira de artesanía (de 11 a 20 horas), obradoiros infantís (de cantería, de castañas e de globoflexia) e un magosto tradicional (castañas, viño e refrescos a prezos populares), coa actuación do grupo de gaitas Airiños do Folón e do grupo de pandereteiras Orballo.