FAI CLIC E DESCUBRE O NOVO DESEÑO DA WEB CULTURAL NOTICIASOROSAL.ES

Noticias O Rosal estreou o 7 de marzo novo deseño e contidos. Este blog manterase na rede, de momento, ata novo aviso, como complemento á páxina web

A VILA DO ROSAL DESPIDE CON EMOCIÓN A JOSÉ MARTÍNEZ GONZÁLEZ "PEPIÑO BERDEAL"

O ex-funcionario do Concello do Rosal e presidente da Asociación de Comerciantes da vila, era un dos veciños máis apreciados dos últimos tempos

VITORIA DE GABRIEL MARCELLI EN LLEIDA NO CAMPIONATO DE ESPAÑA DE TRIAL

O piloto rosaleiro vence na categoría júnior na proba valedeira para o “Spa RFME Campeonato de España de Trial Individual 2015”

ACTO DE CLAUSURA DO CURSO DE MONITOR DE FÚTBOL BASE CELEBRADO EN O ROSAL

A Casa Consistorial acolleu a entrega de diplomas e clausura do Curso coa presenza dos coordinadores José Luis Mosquera e Manuel Mosquera.

MÁXIMA EXPECTACIÓN ANTE A CHEGADA DA SEXTA EDICIÓN DA CARPA CARNAVAL DE FORNELOS

Entre outros, actuarán dende o venres 13 ata o martes 17 de febreiro, nestas Festas de Entroido: Traffic House, Dj Carlie, Diego Mei, Vallejo, Micy Dj, etc

A PRAZA DO CALVARIO ACOLLEU A VISITA E RECEPCIÓN DOS REIS MAGOS DE ORIENTE

As Súas Maxestades estiveron durante horas na vila do Rosal repartindo multitude de agasallos a pequenos e maiores, entre eles, libros e lambetadas

A ROMARÍA DE SAN MARTIÑO 2014 EN O ROSAL CELEBROUSE O DOMINGO 30 DE NOVEMBRO

A saída do Santo en procesión dende a igrexa parroquial de Santa Mariña, na Praza do Calvario, ata a súa ermida, foi ás 10:30 horas.

O PILOTO ROSALEIRO GABRIEL MARCELLI PROCLÁMASE TRICAMPIÓN DE ESPAÑA DE TRIAL

Gabriel Marcelli Carballido adxudícase o título tras vencer en Cabanillas de la Sierra (Madrid). Tamén consegue ser Campión Galego por quinta vez.

PRESENTACIÓN DA SEGUNDA EDICIÓN DO EVENTO DEPORTIVO “15K DEL ATLÁNTICO”

A carreira e a andaina 15k del Atlántico celébranse este domingo 5 de outubro percorrendo os concellos de Oia, O Rosal e A Guarda

O ESPECIALISTA DEFENSIVO ARKAITZ VARGAS FICHA POLO ACANOR ATLÉTICO NOVÁS

Na imaxe da presentación, Manolo “Campelo”, Moncho Vicente, Andrés Senra, Daniel Martínez, Arkaitz Vargas, Roberto Fernández e Modesto Augusto

ÉXITO TOTAL DA I EDICIÓN DA ANDAINA E CARREIRA “10K O ROSAL. FEIRA DO VIÑO”

Na imaxe, os gañadores absolutos da carreira 10k O Rosal Feira do Viño. No máis alto do pódium, Nuno Costa e Paula Mayobre. Más info neste enlace.

OS COORDINADORES DO 10K O ROSAL, ENTREVISTADOS NA RADIO MUNICIPAL DE TUI

Os rosaleiros Juan Ramón Martínez Barbosa, Óscar Vicente Rodríguez e Serafín Martínez Acevedo falaron da andaina e da carreira nos estudos da RMT

REPORTAXE FOTOGRÁFICA DA XIV ANDAINA “VAL DO ROSAL. O PARAÍSO DENDE AS ALTURAS”

Na imaxe, os participantes desta andaina, que visitaron o punto máis alto da vila, nos montes do Campo do Couto e os petroglifos próximos á Fonte do Home.

NOVA VITORIA DE GABRIEL MARCELLI CARBALLIDO NO CAMPIONATO DE ESPAÑA DE TRIAL

O piloto rosaleiro, imparable, é o favorito para facerse -por terceira vez- co Campionato de España de Trial. As próximas citas, Vila de Cruces e Andorra.

O ROSAL E O ATLÉTICO NOVÁS QUEREN FACER HISTORIA, por Juan Ramón Martínez Barbosa

Artigo do director de Noticias O Rosal, onde fala da Fase de Ascenso á División de Honor Prata do balonmán nacional que se celebra os días 2, 3 e 4 de maio

DEPORTISTAS E CLUBS, HOMENAXEADOS NO II RECOÑECEMENTO AO MÉRITO DEPORTIVO

O pasado sábado 12 de abril o Auditorio Municipal acolleu os premios aos mellores deportistas e clubs da vila. Na imaxe, autoridades e homenaxeados.

REPORTAXE FOTOGRÁFICA DA XIII ANDAINA O ROSAL. COÑECE O TEU CONCELLO

A vindeira andaina deportivo-cultural pola vila do Rosal celebrarase o vindeiro sábado 10 de maio, con saída dende o Alto da Portela (Marzán)

O 12 DE ABRIL CELÉBRASE O II ACTO DE RECOÑECEMENTO AO MÉRITO DEPORTIVO DO ROSAL

Na imaxe de 2011, na I edición, Gerardo Álvarez (ciclismo), Manolo Armán (balonmán) e Félix Piñel (atletismo) reciben os premios “Mención de Honra”.

ACTUACIÓN DO GRUPO ADREDDE NA FESTA DE ENTROIDO 2014 DE FORNELOS (O ROSAL)

O sábado 1 de marzo achegámonos ata Fornelos para ver en directo a animada actuación do Grupo Adredde e comprobar o ambientazo de Entroido

O LIBRO “MOLINOS” PRESÉNTASE EN PONTEVEDRA CON MENCIÓN ESPECIAL PARA O ROSAL

A nosa vila estivo representada polo alcalde, Jesús Mª Fernández Portela, así como por Tamuxe e Juan Ramón, autores do libro da historia dos Muíños do Folón-Picón

O ENTROIDO DE FORNELOS 2014, SERÁ, SEN DÚBIDA, DOS MÁIS ESPECTACULARES DA HISTORIA

Impresionante programa de Festas, con orquestras e grupos musicais, actuacións para nenos, Corrida do Galo, Frixidelas e como non, a 5ª edición da CARPA.

O ROSAL HOMENAXEA AO CICLISTA RAÚL FERNÁNDEZ, CAMPIÓN DE GALICIA E DE ESPAÑA

Na imaxe, Raúl Fernández na compaña dos seus compañeiros e directivos do Club Ciclista O Rosal, na recepción ofrecida no Concello.

RAÚL FERNÁNDEZ PROCLÁMASE EN CASTELLÓN CAMPIÓN DE ESPAÑA DE CICLOCROSS

Na imaxe, Raúl, flanqueado á esquerda polo exciclista profesional Serafín Martínez Acevedo e á dereita polo triatleta internacional, Óscar Vicente Rodríguez.

PROXIMAMENTE ANUNCIARASE A DATA DA II RUTA GUIADA ORGANIZADA POR NOTICIAS O ROSAL

A I Ruta Guiada Noticias O Rosal levou aos participantes a coñecer todos os segredos da ruta e historia dos emblemáticos Muíños do Folón e do Picón.

OS REIS MAGOS REPARTEN AGASALLOS A CENTOS DE NENOS/AS EN O ROSAL

Reportaxe fotográfica (máis de 300 imaxes) da visita e recepción na vila do Rosal de Melchor, Gaspar e Baltasar.

NOVO CONXUNTO DE GRAVADOS CRUCIFORMES NO LUGAR DAS CORTES

O historiador rosaleiro Xoán Martínez Tamuxe fala no seu blog deste achádego, recreación da cruz cristiá (séculos IV-V d. C.)

SERGIO RODRÍGUEZ, NETO DO CABAQUEIRO MANUEL "TRINTIÑA", INAUGURA “O BAR DO TRINTA"

Na imaxe, Serafín Martínez Acevedo (exciclista profesional e emprendedor deportivo), con Sergio (xerente do Bodegón-Tapería Os Seixiños. O Bar do Trinta).

TABAGÓN EN FESTAS (DÍAS 29, 30 E 31)

EN PROBAS

EN PROBAS

25 abr. 2010

Queremos formar un gran equipo... ¿úneste?

Aínda que seguimos traballando nas nosas últimas reseñas e reportaxes...
-VII Feira do Libro do Rosal
-IV Mostra de Teatro do Miño
-Presentación do Camiño Portugués da Costa polo Concello do Rosal
-V Gran Premio Deputación de Pontevedra de Ciclismo
-Exposición de cómic na Biblioteca Municipal
-O Mecalia Atlético Novás de balonmán, en Badajoz
-Novo premio para a Banda da Agrupación Musical do Rosal
... en novas entrevistas e demais publicacións de interese para a cultura da nosa vila e do Baixo Miño, vémonos na obriga de pechar durante un tempo Noticias O Rosal ata seleccionar colaboradores/as que nos permitan afrontar o progresivo -e ultimamente, masivo- envío de información á nosa redacción e demanda de reportaxes por parte de lectores, institucións culturais, sociais e deportivas. Así mesmo en breve comezaremos un novo gran proxecto turístico-cultural onde abrimos as portas a calquera persoa, empresa ou entidade que desexe participar na iniciativa. Agradecendo calquera axuda que nos podades dispensar, recibide un cordial saúdo. Como sempre, podedes contactar con nós a través do noso correo electrónico noticiasorosal@hotmail.com, na rede social Facebook ou no teléfono 637 311 007.

23 abr. 2010

Encontro organizado pola ANPA das Escolas Rurais

A ANPA das Escolas Rurais do Rosal que preside Aurora Lomba, celebrará un encontro lúdico no parque de Pías, o día 24 de abril ás 16:00 horas. Organizarán xogos tradicionais: o pión, a cachiza, a carreta, a corda...(invitan a traer os que teñan pola casa). Así mesmo desexan que asistan os avós e avoas para que lles ensinen a xogar. Levarase merenda para compartir entre todos e disfrutarase do parque. Tamén haberá talleres de pintura e globoflexia. En caso de choiva o encontro pasarase para o 8 de maio.

22 abr. 2010

Podemos ver ao Novás en directo por Internet

Grazas á información que remite á nosa redacción Flores, os afeccionados e simpatizantes do balonmán rosaleiro poderán ver neste ENLACE os partidos por Internet da fase de ascenso á División de Honor B que vai a xogar o Mecalia Novás no pavillón "Juancho Pérez" (Badajoz), lembrando que tamén van radiar o encontro. Esta fase está organizada polo Balonmano Pines Extremadura Badajoz.
A programación segundo a páxina web é a seguinte:
-Venres 23, ás 18 horas: Nava Caja Segovia - Mecalia Novás. Ás 20 horas: Sant Martí (Barcelona) - Pines Badajoz. -Sábado 24, ás 17 horas: Nava Caja Segovia - Pines Badajoz. Ás 17:30 horas: Mecalia Novás - Sant Martí. -Domingo 25, ás 10:30 horas: Nava Caja Segovia - Sant Martí. Ás 12:30 horas: Pines Badajoz - Mecalia Novás.

Miguel Rodríguez Amenedo, gañador do cartel da Feira

A XVIII Feira do Viño do Rosal celebrarase os días 16, 17 e 18 de xullo na Praza do Calvario. Nela estarán representadas a maioría das adegas pertencentes á subzona do Rosal. Este ano o gañador do cartel anunciador da “XVIII FEIRA DO VIÑO DO ROSAL” foi o deseñador gráfico guardés Miguel Rodríguez Amenedo. Nos últimos anos este evento recibe a visita de máis de 30.000 persoas para disfrutar dos viños, dunha gran variedade de produtos típicos da zona e das actividades paralelas que completarán a oferta lúdica neses días.

21 abr. 2010

Agustín Hernández visita as obras da VAP (Tui-A Guarda)


O conselleiro de Medio Ambiente, Territorio e Infraestruturas, Agustín Hernández visitou o luns 19 de abril as obras iniciadas recentemente do tramo III da Vía de Altas Prestacións Tui-A Guarda ao seu paso polo concello do Rosal. Aquí estivo acompañado polo presidente da Deputación de Pontevedra, Rafael Louzán, polo delegado territorial da Xunta en Pontevedra, José Manuel Cores Tourís, pola delegada da Xunta en Vigo, Lucía Molares Pérez, por diversos cargos e técnicos da consellería e da empresa construtora así como polos propios rexedores da Comarca do Baixo Miño. Entre eles, a alcaldesa de Tomiño, Sandra González Álvarez, o alcalde do Rosal, Jesús Mª Fernández Portela e o da Guarda, José Manuel Domínguez Freitas e diversos concelleiros das vilas mencionadas. Tras unha breve información a cargo dos técnicos da empresa –e antes de partir ata o concello de Tui- o Conselleiro interesouse polos posibles problemas xurdidos na obra con relación ás inquedanzas dos veciños, así como das solucións que puidesen minimizar o impacto da mesma. Velaquí vos deixamos a nosa reportaxe fotográfica.

Actividades culturais de Cruz Roja Baixo Miño

Segundo nos informa a nosa colaboradora Neli Rodríguez, aínda quedan prazas vacantes para o novo curso de Primeiros Auxilios e Socorrismo Terrestre que organizará en breve Cruz Roja Baixo Miño. Así mesmo esta Asamblea Comarcal realizará o xoves 22 de abril unha excursión cultural aos Cañóns do Sil e a Celanova coas asistentes ao "Taller de Estimulación de Memoria".

19 abr. 2010

Novás. Festas na honra de San José Obreiro

O venres 30 de abril darán comezo en Novás as Festas de San José Obreiro cunha Gran Verbena a cargo da Orquestra Jerusalén e o Grupo Alkar, que se prolongará ata altas horas da madrugada. O día 1 de maio, ás 11:30 h. da mañá, acompañada da Banda de Música da Agrupación Musical do Rosal, terá lugar a baixada do Santo en Procesión ata a Praza de Ventosela, onde se celebrará ás 12 unha Misa de Campaña na honra de San José, que será cantada pola Coral da dita Agrupación da vila.
Xa de tarde, e a partir das 17:30 h., actuación do Grupo de Pandereteiras Orballo da A.M. do Rosal. De seguido, un dos pratos fortes, O Show dos Campelos, con Roberto (O Grande) e Paco (O Pequeno).
Durante as actuacións haberá unha subasta de produtos típicos do Rosal e galegos. Para finalizar, nova Gran Verbena coas Orquestras Suavecito e Panamá. Dende a Comisión de Festas lembran que o recinto estará cuberto por unha carpa. (Fotos: 2009).

Á venda un cruceiro da autoría de Julio Martínez

Xa está á venda unha das máis monumentais e mellores obras do xove canteiro do Rosal, Julio Martínez Martínez. Trátase dun artístico e impresionante cruceiro galego, de 5’90 metros de altura, que a bo seguro será idóneo por exemplo para un chalet ou casa de campo. O seu prezo: 8500 euros. Para máis información podedes contactar co artista nos teléfonos 986 62 57 33 / 658 050 423.

O V Gran Premio Deputación de Pontevedra, no Rosal


O vindeiro sábado 24 de abril a partir das 17:00 horas, disputarase o V Gran Premio Deputación de Pontevedra categoría Junior organizado polo Club Ciclista O Rosal. Tanto a saída como a chegada terán lugar na Praza do Calvario. As Metas Voantes estarán situadas en Tomiño, A Guarda e O Calvario (dúas veces) e o Gran Premio da Montaña no Alto do Morán (San Miguel de Tabagón) e no Alto da Portela (entre Marzán e Portecelo) tamén dúas veces. Velaquí vos deixamos a nosa crónica e reportaxe fotográfica da edición do pasado ano.

18 abr. 2010

Enlaces de interese e webs da Comarca


Coro Ecos do Folón http://ecosdofolon.blogspot.com/  

Club Ciclista O Rosal http://ccorosal.blogspot.com/

David Gómez Martínez (facebook): https://www.facebook.com/daviddecathlon?fref=ts

Deporte Baixo Miño http://deportebm.blogspot.com/  


Esjaravellando Cabaqueiro http://cabaqueira.blogspot.com/

Foro do Mecalia Atlético Novás http://atlnovas.mforos.com/

Galicia Suroeste http://www.galiciasuroeste.info/

Guía de Pontevedra http://guiadepontevedra.com/ 

Infogauda http://infogauda.blogspot.com/

Infomiño http://www.infomiño.com/

Lirolai-Grupo tradicional galego http://www.lirolai.com/ 


Losgustosmíos (Piño Gómez):
http://losgustosmios.blogspot.com.es/

Mecalia Atlético Novás (facebook): https://www.facebook.com/SDAtleticoNovas?fref=ts

O Bar do Trinta: http://obardotrinta.blogspot.com.es/

Óscar Vicente Rodríguez: http://www.oscar-vicente.com/

ProducionsBrais http://camposino1.blogspot.com.es/


Sabine Pfister http://sabinevasion.blogspot.com.es/

TBM Musical http://tbmmusical.blogspot.com/


Terrorismo Ambiental http://terrorismoambiental.espacioblog.com/ 

U.D. Ribera de fútbol: http://www.udriberaorosal.com/index.html

Xoán Martínez Tamuxe: http://www.xoanmartineztamuxe.blogspot.com.es/




V Feira de Oportunidades organizada por ACOR

O pasado domingo 11 de abril tivo lugar na Praza do Calvario a V edición da Feira de Oportunidades organizada pola Asociación de Comerciantes do Rosal que preside José Martínez González (Pepe Berdeal).
Os establecementos estiveron durante todo o día mostrando os seus produtos con importantes descontos á vez que, xa de tarde, se celebraba un concurso-obradoiro de debuxo e de globoflexia, a cargo de Patricia Dorado Pregal.
Precisamente o debuxo gañador foi o de Nerea Alonso Rodríguez, de 11 anos. En segundo lugar quedou o de Marcos López Riveiro e en terceiro, o de Noa A. Rodríguez. Velaquí vos deixamos a nosa reportaxe fotográfica deste -agora- evento anual.

15 abr. 2010

Peregrinación polo Camiño Portugués da Costa

O Concello do Rosal organizará todos os sábados dende o 8 de maio ata o 12 de xuño unha peregrinación a pé por etapas a Santiago de Compostela polo Camiño Portugués da Costa. O custe desta actividade é de 35 euros en concepto de gastos do servizo de autobús. O prazo para inscribirse rematará este venres 16 de abril. Convocarase a todos os participantes a unha reunión conxunta no Centro Social Polivalente o día 23 de abril ás 20:00 horas.

Disputouse o derbi entre o Ribera e o Guardés

O pasado domingo 11 de abril disputouse no Campo Municipal da Mata -e ante uns 450 espectadores- o derbi comarcal de fútbol entre a U.D. Ribera e o Sporting Guardés. Antes de iniciar o encontro se lle fixo unha pequena homenaxe ao equipo de Benxamíns por ter finalizado a Liga como segundos clasificados do seu grupo no primeiro ano de participación. Os seus compañeiros do equipo "grande" fixéronlles en recoñecemento o coñecido "pasillo". Así mesmo gardouse un minuto de silencio en memoria do socio Domingo Rodríguez, falecido recentemente.
U.D. RIBERA 0 – SPORTING GUARDÉS 0 O partido resultou intenso dada a gran rivalidade existente entre ambos equipos e estivo disputado de poder a poder, aínda que con poucas ocasións de gol. Iso si, as dúas escuadras desplegaron un fútbol que fixo vibrar ás súas aficións.
Estas foron as alineacións presentadas neste "clásico". RIBERA 1 Yago 2 Raúl 3 Alejandro 4 Josiño 5 Valderrama 6 Álex Estévez 7 Nico 8 Álex Tebra 9 Juli 10 Torroña 11 Anselmo Suplentes 12 Marcos 13 David 14 Jorge 15 Miguelito 16 Alberto GUARDÉS
1 Tafe 2 Max 3 Joca 4 Fidel 5 Marcos 6 Sergio 7 Matori 8 Isidro 9 Manu 10 Mariano 11 Álex Suplentes 12 Nico 14 Miguelito 15 Élder 16 Miguel A. 17 Berto O árbitro designado foi o Sr. Freitas. Amonestou por parte do Ribera a Josiño, Jorge e Valderrama. Por parte do Guardés a Mariano, Sergi e Majoni. ·Substitucións na U.D. Ribera: Min. 46 (Jorge, por Torroña); Min. 80 (Alberto, por Nico). ·Substitucións no Sporting Guardés: Min. 59 (Nico, por Matori); Min. 83 (Berto, por Álex).
Dende Noticias O Rosal queremos agradecer a información facilitada por Manuel Iglesias para a elaboración desta reportaxe.

14 abr. 2010

O domingo 18, a VII Feira do Libro do Rosal

Este domingo 18 de abril e a partir das 10 da mañá terá lugar no Rosal a VII Feira do Libro. Aínda que nun principio estaba previsto que se celebrase na Praza do Calvario, debido ás posibles inclemencias atmosféricas para ese día optouse porque as distintas librerías do Baixo Miño e Val Miñor participantes estean ubicadas no Salón de Exposicións municipal. Así mesmo ás 5 da tarde comezarán as actividades para os nenos/as organizadas pola concellaría de Cultura consistentes nun "contacontos e un obradoiro de sombras chinescas" a cargo de Olga Abad Prieto, dentro do Programa "Letras Vivas" da Xunta de Galicia para fomentar o hábito lector entre os máis pequenos. Velaquí vos deixamos a modo de lembranza a reportaxe da Feira e do obradoiro de debuxo de Santy Gutiérrez que realizamos o ano pasado.

7 abr. 2010

Sorteo da Asociación de Comerciantes (ACOR)

Sara Carrera, "man inocente", remexe os boletos-vales de compra para o sorteo
O pasado mércores 31 de marzo tivo lugar no local da Asociación de Comerciantes do Rosal o sorteo dos vales de compra e do xamón cos que este organismo agasallaba nese mes aos seus clientes. Ao acto asistiron o propio presidente de ACOR, José Martínez González (Pepe Berdeal), a vicepresidenta, Sara Carrera, así como a súa técnica, Eva Pacheco.
Esta é a relación das afortunadas/o: -1º Premio de 150 €: a María Jesús Chaver, do Rosal, grazas a unha compra realizada en Ferretería O Calvario. -2º Premio de 100 €: a Sandra, do Rosal, compra en Sara Carrera. -3º Premio de 100 €: a Mª Lourdes Sobrino Lemos,do Rosal, consumición na Liga de Amigos. -4º Premio de 50 €: a Marga, de Tomiño, compra realizada en Sara Carrera. -5º Premio de 50 €: a Mª del Carmen Alonso Alonso, do Rosal, compra efectuada en E&M. -6º Premio de 50 €: a Belén González do Rosal, compra en Sara Carrera. -7º Premio, un xamón: a Florencio Domínguez Rodríguez, do Rosal, compra realizada en Pescados Melecho.

6 abr. 2010

O Rosal, na Semana do Audiovisual Galego

O Concello do Rosal participa na programación da “Semana do Audiovisual Galego 2010”, dentro do proxecto Cinemas Dixitais que promove a Consellería de Cultura e Turismo e a Axencia Audiovisual Galega en colaboración con AGADIC. Con este motivo o vindeiro sábado 10 de abril ás 19:00 horas, proxectaranse no Auditorio Municipal os films “Stop explotación infantil” e “Mulleres da Raia”.

Contacontos de Beatriz Permuy Martínez

O pasado sábado 27 de marzo e organizado pola concellaría de Cultura que dirixe Charo Tabales Perozo, tivo lugar un novo contacontos na Biblioteca Municipal do Rosal. Esta vez a encargada de transmitir aos máis pequenos os divertidos relatos foi Beatriz Permuy Martínez, mestra da Escola de Couso. Bea, que é a creadora e coordinadora do blog Cousas de Peques, define a súa intervención como “unha macedonia de contos, na que con axuda dos nen@s que alí estaban, falouse da Ratiña Fachendosa, da Ratiña Bibliotecaria, do Ratiño Pérez, dos Ratos de Campo e de Cidade, de Brancaneves e os sete ananiños, de Riciños de Ouro e os tres osos, dos Tres Porquiños, do Frautista de Hamelin... mais o conto estrela era: EL PEZ ARCOIRIS. Para iso, os nen@s tiveron que pasar unhas probas, facer un xogo para coñecer as normas da biblioteca, formar un puzle para saber que conto se ía ler... un montón de cousas”. (Foto: Concello do Rosal).

5 abr. 2010

Reportaxe do concerto musical "Sons Galegos"

Velaquí vos deixamos a reportaxe fotográfica de Jesús González Álvarez (Suso) que realizou con motivo do primeiro concerto que ofreceu a Agrupación Musical do Rosal baixo o nome de "Sons Galegos", celebrándose o pasado domingo 28 de marzo no Auditorio.