FAI CLIC E DESCUBRE O NOVO DESEÑO DA WEB CULTURAL NOTICIASOROSAL.ES

Noticias O Rosal estreou o 7 de marzo novo deseño e contidos. Este blog manterase na rede, de momento, ata novo aviso, como complemento á páxina web

A VILA DO ROSAL DESPIDE CON EMOCIÓN A JOSÉ MARTÍNEZ GONZÁLEZ "PEPIÑO BERDEAL"

O ex-funcionario do Concello do Rosal e presidente da Asociación de Comerciantes da vila, era un dos veciños máis apreciados dos últimos tempos

VITORIA DE GABRIEL MARCELLI EN LLEIDA NO CAMPIONATO DE ESPAÑA DE TRIAL

O piloto rosaleiro vence na categoría júnior na proba valedeira para o “Spa RFME Campeonato de España de Trial Individual 2015”

ACTO DE CLAUSURA DO CURSO DE MONITOR DE FÚTBOL BASE CELEBRADO EN O ROSAL

A Casa Consistorial acolleu a entrega de diplomas e clausura do Curso coa presenza dos coordinadores José Luis Mosquera e Manuel Mosquera.

MÁXIMA EXPECTACIÓN ANTE A CHEGADA DA SEXTA EDICIÓN DA CARPA CARNAVAL DE FORNELOS

Entre outros, actuarán dende o venres 13 ata o martes 17 de febreiro, nestas Festas de Entroido: Traffic House, Dj Carlie, Diego Mei, Vallejo, Micy Dj, etc

A PRAZA DO CALVARIO ACOLLEU A VISITA E RECEPCIÓN DOS REIS MAGOS DE ORIENTE

As Súas Maxestades estiveron durante horas na vila do Rosal repartindo multitude de agasallos a pequenos e maiores, entre eles, libros e lambetadas

A ROMARÍA DE SAN MARTIÑO 2014 EN O ROSAL CELEBROUSE O DOMINGO 30 DE NOVEMBRO

A saída do Santo en procesión dende a igrexa parroquial de Santa Mariña, na Praza do Calvario, ata a súa ermida, foi ás 10:30 horas.

O PILOTO ROSALEIRO GABRIEL MARCELLI PROCLÁMASE TRICAMPIÓN DE ESPAÑA DE TRIAL

Gabriel Marcelli Carballido adxudícase o título tras vencer en Cabanillas de la Sierra (Madrid). Tamén consegue ser Campión Galego por quinta vez.

PRESENTACIÓN DA SEGUNDA EDICIÓN DO EVENTO DEPORTIVO “15K DEL ATLÁNTICO”

A carreira e a andaina 15k del Atlántico celébranse este domingo 5 de outubro percorrendo os concellos de Oia, O Rosal e A Guarda

O ESPECIALISTA DEFENSIVO ARKAITZ VARGAS FICHA POLO ACANOR ATLÉTICO NOVÁS

Na imaxe da presentación, Manolo “Campelo”, Moncho Vicente, Andrés Senra, Daniel Martínez, Arkaitz Vargas, Roberto Fernández e Modesto Augusto

ÉXITO TOTAL DA I EDICIÓN DA ANDAINA E CARREIRA “10K O ROSAL. FEIRA DO VIÑO”

Na imaxe, os gañadores absolutos da carreira 10k O Rosal Feira do Viño. No máis alto do pódium, Nuno Costa e Paula Mayobre. Más info neste enlace.

OS COORDINADORES DO 10K O ROSAL, ENTREVISTADOS NA RADIO MUNICIPAL DE TUI

Os rosaleiros Juan Ramón Martínez Barbosa, Óscar Vicente Rodríguez e Serafín Martínez Acevedo falaron da andaina e da carreira nos estudos da RMT

REPORTAXE FOTOGRÁFICA DA XIV ANDAINA “VAL DO ROSAL. O PARAÍSO DENDE AS ALTURAS”

Na imaxe, os participantes desta andaina, que visitaron o punto máis alto da vila, nos montes do Campo do Couto e os petroglifos próximos á Fonte do Home.

NOVA VITORIA DE GABRIEL MARCELLI CARBALLIDO NO CAMPIONATO DE ESPAÑA DE TRIAL

O piloto rosaleiro, imparable, é o favorito para facerse -por terceira vez- co Campionato de España de Trial. As próximas citas, Vila de Cruces e Andorra.

O ROSAL E O ATLÉTICO NOVÁS QUEREN FACER HISTORIA, por Juan Ramón Martínez Barbosa

Artigo do director de Noticias O Rosal, onde fala da Fase de Ascenso á División de Honor Prata do balonmán nacional que se celebra os días 2, 3 e 4 de maio

DEPORTISTAS E CLUBS, HOMENAXEADOS NO II RECOÑECEMENTO AO MÉRITO DEPORTIVO

O pasado sábado 12 de abril o Auditorio Municipal acolleu os premios aos mellores deportistas e clubs da vila. Na imaxe, autoridades e homenaxeados.

REPORTAXE FOTOGRÁFICA DA XIII ANDAINA O ROSAL. COÑECE O TEU CONCELLO

A vindeira andaina deportivo-cultural pola vila do Rosal celebrarase o vindeiro sábado 10 de maio, con saída dende o Alto da Portela (Marzán)

O 12 DE ABRIL CELÉBRASE O II ACTO DE RECOÑECEMENTO AO MÉRITO DEPORTIVO DO ROSAL

Na imaxe de 2011, na I edición, Gerardo Álvarez (ciclismo), Manolo Armán (balonmán) e Félix Piñel (atletismo) reciben os premios “Mención de Honra”.

ACTUACIÓN DO GRUPO ADREDDE NA FESTA DE ENTROIDO 2014 DE FORNELOS (O ROSAL)

O sábado 1 de marzo achegámonos ata Fornelos para ver en directo a animada actuación do Grupo Adredde e comprobar o ambientazo de Entroido

O LIBRO “MOLINOS” PRESÉNTASE EN PONTEVEDRA CON MENCIÓN ESPECIAL PARA O ROSAL

A nosa vila estivo representada polo alcalde, Jesús Mª Fernández Portela, así como por Tamuxe e Juan Ramón, autores do libro da historia dos Muíños do Folón-Picón

O ENTROIDO DE FORNELOS 2014, SERÁ, SEN DÚBIDA, DOS MÁIS ESPECTACULARES DA HISTORIA

Impresionante programa de Festas, con orquestras e grupos musicais, actuacións para nenos, Corrida do Galo, Frixidelas e como non, a 5ª edición da CARPA.

O ROSAL HOMENAXEA AO CICLISTA RAÚL FERNÁNDEZ, CAMPIÓN DE GALICIA E DE ESPAÑA

Na imaxe, Raúl Fernández na compaña dos seus compañeiros e directivos do Club Ciclista O Rosal, na recepción ofrecida no Concello.

RAÚL FERNÁNDEZ PROCLÁMASE EN CASTELLÓN CAMPIÓN DE ESPAÑA DE CICLOCROSS

Na imaxe, Raúl, flanqueado á esquerda polo exciclista profesional Serafín Martínez Acevedo e á dereita polo triatleta internacional, Óscar Vicente Rodríguez.

PROXIMAMENTE ANUNCIARASE A DATA DA II RUTA GUIADA ORGANIZADA POR NOTICIAS O ROSAL

A I Ruta Guiada Noticias O Rosal levou aos participantes a coñecer todos os segredos da ruta e historia dos emblemáticos Muíños do Folón e do Picón.

OS REIS MAGOS REPARTEN AGASALLOS A CENTOS DE NENOS/AS EN O ROSAL

Reportaxe fotográfica (máis de 300 imaxes) da visita e recepción na vila do Rosal de Melchor, Gaspar e Baltasar.

NOVO CONXUNTO DE GRAVADOS CRUCIFORMES NO LUGAR DAS CORTES

O historiador rosaleiro Xoán Martínez Tamuxe fala no seu blog deste achádego, recreación da cruz cristiá (séculos IV-V d. C.)

SERGIO RODRÍGUEZ, NETO DO CABAQUEIRO MANUEL "TRINTIÑA", INAUGURA “O BAR DO TRINTA"

Na imaxe, Serafín Martínez Acevedo (exciclista profesional e emprendedor deportivo), con Sergio (xerente do Bodegón-Tapería Os Seixiños. O Bar do Trinta).

TABAGÓN EN FESTAS (DÍAS 29, 30 E 31)

EN PROBAS

EN PROBAS

28 dic 2011

NOTICIAS O ROSAL ENTREVISTA A JESÚS GONZÁLEZ ÁLVAREZ, PRESIDENTE DA AGRUPACIÓN MUSICAL DO ROSAL



Como ben é coñecido por todos e todas, este 2011 a Agrupación Musical do Rosal cumpriu 25 anos de existencia, dende que aquel 4 de maio de 1986 se presentara ante o público na Praza do Calvario.

Charlamos pois nun céntrico local da vila co presidente actual da Agrupación, Jesús González Álvarez (Suso), para saber un pouquiño máis sobre esta asociación musical rosaleira e a súa banda, que vén de gañar hai un mes, o 1º Premio da Primeira Sección no V Certame Galego de Bandas de Música. ¡¡Que mellor celebración para este 25 Aniversario!!

-En primeiro lugar, Suso, moitas grazas por concedernos esta pequena entrevista. Comezamos entón, se lle parece, preguntándolle cantos anos leva como directivo e cantos como presidente da Agrupación Musical do Rosal.

Pois fun un dos fundadores, así que os mesmos ca Agrupación. Só quedamos na directiva actual Antonio Granja (vicepresidente) e máis eu. Comecei como vocal, despois estiven de secretario e dende 2006 xa como Presidente, ou sexa, vai xa para 6 anos.

-¿Cantos músicos forman a Agrupación Musical do Rosal?

Temos sobre 246 alumnos. A banda é o núcleo central, pero en torno a ela, está a Coral, o grupo Lirolai, ou grupo de pandereteiras Orballo. Estase creando un grupo de baile tradicional e outro grupo de pandereteiras. Tamén por suposto, está o grupo Deixandar, o grupo de mozos 5+1, o grupo Kla-son, etc.


-¿Gozan dalgunha subvención ou axuda por parte do Concello do Rosal? ¿Con que outras subvencións contan anualmente?

Si. Contamos cunha subvención do Concello do Rosal e tamén da Xunta de Galicia, Deputación, Fundación O Rosal, a Comunidade de Montes de Santa Mariña e a de San Miguel de Tabagón. Tamén temos a axuda de diferentes empresas do Baixo Miño e por suposto o público en xeral, que sempre nos ten apoiado durante estes anos.

-Existe unha escola e clases de música. ¿Dende cando? ¿Horarios? ¿Cal é a cota mensual? ¿Cantos alumnos hai na Escola? ¿Cantos profesores son?

Temos a Escola de iniciación, que anda sobre os 56 alumnos. Desde os 4 ata os 8 anos. E logo a Escola de Música, que é unha escola oficial da Xunta. As clases son pola tarde, tendo 22 profesores, un para cada instrumento, por exemplo contamos de fagot, chelo, piano, guitarra, gaita…


-¿Ensáiase sempre no Auditorio? ¿Qué outros lugares serviron como locais de ensaio?

Comezamos na Escola de Simón del Mazo, tamén estivemos na Cámara Agraria, na antiga Sindical, etc. O primeiro concerto foi na nave do Barros, practicamente para os pais dos rapaces.

-¿Quen son os directores das distintas bandas?

Diego Javier Lorente López fixo en setembro cinco anos como director da Banda “grande” e Celso Diego Martínez é o director da Infantil. Así mesmo Toñi Santos Vaquero é a directora da Coral, que dá clases de piano e tamén leva o Coro Infantil e o Coro Voces Brancas.



-¿Que teñen que facer uns pais que desexan que o seu fillo/a aprenda música grazas á Agrupación?
Pois moi sinxelo. O único que teñen que facer é pasar polas nosas oficinas, no Auditorio Municipal e alí informarémoslle sen compromiso. Ademais, temos que salientar que o primeiro mes é gratuíto.

-¿A Agrupación aínda fai intercambios? ¿O último foi a Torre Pacheco, en Murcia, non? ¿Teñen algo plantexado neste sentido?

Teño que dicir que eu sempre estou a favor dos intercambios. Parécenme en verdade moi positivos, pero co tema da crise está todo un pouco complicado. Efectivamente a última foi en Torre Pacheco. Estamos en xestións para ver se organizamos outro.

-A banda está considerada das mellores de Galicia, ¿Cómo é isto posible?

Pois sinceramente, a base de traballo, sacrificio, e de buscar os mellores profesionais. Os rapaces son intelixentes en todas as partes do mundo, pero no Rosal hai algo, en todos os eidos. Aquí como se pode comprobar saen grandes músicos (moitos vivindo profesionalmente) ou tamén os mellores deportistas, en calquera eido. Dende os comezos da Agrupación pasaron máis de 500 persoas. O tempo pasa pero a música queda no pobo.




-¿Xa para rematar Suso, algo que queira dicirlle aos nosos lectores, aos músicos da Agrupación, á xente do Rosal e do Baixo Miño?
Simplemente quero lembrar e afirmar con todo convencemento que ás bandas hai que dignificalas. Menos pasarrúas e máis concertos. Coido que ás bandas de música en Galicia lle debemos o pouso do folclore. Despois da Comunidade Valenciana, Galicia é a segunda en cantidade e calidade, e sobre todo a provincia de Pontevedra. É algo que se gañou a pulso.

Aproveito para tamén dar o noso agradecemento pola súa paciencia e comprensión ás nosas donas, porque son moitas horas de dedicación. Grazas a todos os músicos e directivos que pasaron pola Agrupación. Porque este proxecto é de todos. E isto non tocou teito, virán anos mellores, estou convencido. A Agrupación Musical do Rosal aínda ten que dicir moito no mundo da música.

O Rosal, Nadal de 2011.

26 dic 2011

O CLUB CICLISTA O ROSAL, NUN DOS MELLORES MOMENTOS DA SÚA HISTORIA



O Club Ciclista O Rosal e os seus integrantes seguen colleitando nos últimos tempos éxitos e triunfos alá por onde van.

Estes días de Nadal tivo lugar en Santiago de Compostela un novo Campionato de Galicia de Ciclocross, onde Raúl Fernández en categoría cadete e Manuel González en junior, proclamábanse vencedores.

Destacar así mesmo o 10º posto de Cristóbal Coímbra en cadetes, o meritorio 6º posto de Álex Lomba ou un novo subcampionato galego para Toni Portela na categoría junior.

Na imaxe, Gerardo Álvarez Martínez, presidente do Club Ciclista O Rosal, no podium cos seus pupilos, a punto de abrir a botella de champán para celebrar a xesta conseguida.

Noticias O Rosal presente a partir de hoxe, 26 de decembro, en Twitter



Noticias O Rosal comeza hoxe, luns 26 de decembro de 2011, a súa andaina na rede social Twitter:
(http://twitter.com/NoticiasORosal).

Twitter permite enviar mensaxes de texto de baixo tamaño, cun máximo de 140 caracteres, chamados tweets, que se mostran na páxina principal do usuario.

Agardamos que Twitter sexa, ao igual que Facebook (http://www.facebook.com/noticiasorosal) unha opción máis de contacto e información para os seguidores da nosa web.

22 dic 2011

I TORNEO DE BALONMÁN BENXAMÍN, ALEVÍN E INFANTIL ATLÉTICO NOVÁS


Aurora Lomba / Atlético Novás
 
O vindeiro venres 30 de decembro, a partir das 16:00 horas, no Pavillón Municipal do Rosal, estaremos xogando ao balonmán con varios equipos dos arredores: Oia, A Guarda, Baiona...

Ao finalizar dito torneo celebraremos o sorteo de tres cestas de Nadal, un xamón e tres lotes.

¡¡Agardámosvos!!

17 dic 2011

"PAPANOELADA MOTERA" ORGANIZADA POLO MOTO CLUB QUEIMA RODA




O Moto Club Queima Roda de O Rosal organiza o sábado 24 de decembro unha "Papanoelada Motera" que sairá ás 16:15 horas da súa sede-bar, no Calvario, animando á xente a participar con traxe e calquera tipo de moto.

Percorrido:

Dende o Queima os participantes dirixiranse rumbo á vila da Guarda, percorrendo a rúa Concepción Arenal, con baixada ao Porto, pasando por Brasilino Álvarez e Vicente Sobrino, con parada na Transversal Troncoso.

De volta a O Rosal virase pola Proba, Pancenteo, Marzán, Novás, Caselas e Fornelos para rematar na Praza do Calvario.

16 dic 2011

LOS ASMÁTICOS PRESENTAN O SEU NOVO DISCO VENTOLÍN 2.O ESTE VENRES 23 NA INAUGURACIÓN DA SALA LA HACIENDA



Jorge Alonso / Infomiño Noticias

El grupo de música “Los Asmáticos” de A Guarda presentará el próximo día 23 de diciembre su primer EP titulado “Ventolín 2.0” que recoge los últimos temas de esta Banda Punk/Rock grabados en Baixo Miño Estudios de O Rosal.

"Ventolín 2.0" se compone de un total de 6 canciones clasificadas por el propio grupo como el "mítico punk rock guardés".

El grupo Los Asmáticos está compuesto por Isma en la Percusión, Tate en el Bajo, Álvaro en la Guitarra Rítmica y voz y Javi Negro como Frontman y voz principal (en la imagen), todos ellos con una amplia experiencia musical y bien conocidos en el panorama musical de la zona y alrededores por ser miembros de otras bandas ya desaparecidas como Los Abrasivos, Apupos Radioactivos, Words, Frakaso Skolar, entre otras.

Tras el estreno de su primer videoclip del tema “Mangiare” hace ya unas semanas, que será el tema promocional de este EP, actuarán el próximo viernes 23 de diciembre a las 23:30h en la Inauguración de La Sala La Hacienda en O Rosal, la primera Sala de Espectáculos Multifuncional de la comarca. La entrada para este concierto es gratuita con invitación que se puede conseguir a través de www.facebook.com/salalahacienda y se dispondrá de un servicio de autobuses gratuito desde la Alameda de A Guarda hasta la Sala en O Rosal.

En palabras de Los Asmáticos: “La guerra está servida y el espectáculo asegurado, pónganse las mascarillas y empezamos... 1,2,3...¡GO!”


15 dic 2011

OS CAMPELOS VOLVEN EN NADAL. POR CUARTO ANO CONSECUTIVO ACTUARÁN NO AUDITORIO MUNICIPAL DO ROSAL



Por cuarto ano consecutivo, o popular dúo humorístico rosaleiro “Os Campelos” (Francisco Rodríguez Fernández e Roberto Fernández Rodríguez), actuarán nestas datas de Nadal no Auditorio Municipal.

O evento celebrarase o domingo 18 de decembro, ás 18:00 horas. No caso de completar o aforo -que é de 342 persoas- e que será o máis probable, habería unha segunda función ás 20:00 horas.

Na imaxe, Paco e Roberto durante un sketch, na súa actuación do ano pasado, onde non puideron evitar -nin eles mesmos- chorar da risa.

Sen dúbida, unha boa oportunidade que nos ofrecen Os Campelos para esquecernos da crise, dos malos momentos e pasalo, aínda que sexa por unhas horiñas, realmente ben.

Os integrantes do Club Ciclista O Rosal seguen a colleitar éxitos en Galicia, España e Portugal


Raúl, Manuel e Toni. (Foto: C.C.O Rosal)

Tal e como se pode ler na web do Club Ciclista O Rosal, os seus integrantes continúan a dominar na modalidade de Ciclocross Junior e Cadete, tanto en Galicia, en Portugal e mesmo en España, tal e como se demostrou no III Gran Premio de Ciclocross de El Escorial valedeiro para a Copa da Comunidade de Madrid.

Ciclistas como Raúl Fernández, Manuel González, Álex Lomba, Cristóbal Coímbra ou o propio Toni Portela, entre outros, dan e darán moito que falar neste deporte durante os vindeiros anos.

¡¡Dende Noticias O Rosal, a nosa noraboa para todos eles, desexándolles moitos máis éxitos!! ¡¡Ánimo rapaces!!

14 dic 2011

TIVO LUGAR A FASE FINAL DO CONCURSO DE COMPOSICIÓN DE PASODOBRES NO XXV ANIVERSARIO DA AGRUPACIÓN




Montserrat Domínguez Otero / Agrupación Musical

El pasado 10 de diciembre de 2011 a las 20,00 h. se celebró en el auditorio de O Rosal la fase final de concurso de composición de pasodobles convocado con motivo de la celebración del 25 aniversario de la banda de música Agrupación Musical do Rosal.

La Agrupación Musical do Rosal interpretó los cinco pasodobles finalistas, que previamente habían sido seleccionados por el jurado de entre los 21 recibidos, que se presentaron con los siguientes lemas:

-Rosal de Plata

-Amparo

-Buena Cosecha

-Música facta est

-Alalimón

El orden de interpretación se estableció según el orden de recepción de las composiciones.

Tras la interpretación de los pasodobles el jurado formado por Javier Viceiro Filgueira, Juan Lois Diéguez y Xosé Manuel Collazo Verde, se retira a deliberar y se procede a la votación del público.

Mientras la banda interpreta la segunda parte del concierto se procede al recuento de votos del público y también de los músicos que ya habían votado previamente.

Tras la finalización del concierto se procede a la entrega de premios:

Premio “Terras Gauda” patrocinado por Bodegas Terras Gauda por valor de 2.000 € , concedido por el jurado al pasodoble Musica facta est del compositor Ángel Antonio Montes Abalde (Ponteareas – Pontevedra)


Premio del público asistente al concierto, patrocinado por la Fundación O Rosal por valor de 600 € al pasodoble Alalimón del compositor Josep Miquel Martínez Giménez (Quart de les Valls – Valencia)

Premio de los componentes de la Agrupación Musical do Rosal patrocinado por la Fundación O Rosal por valor de 600 € al pasodoble Musica facta est del compositor Ángel Antonio Montes Abalde (Ponteareas – Pontevedra)

Los otros pasodobles finalistas fueron:

-Rosal de Plata de Andrés Pérez Fernández (Teo – A Coruña)

-Buena Cosecha de Francisco José Martínez Gallego (Torrent – Valencia)

-Amparo de Bernardo Adam Llagües (Paterna – Valencia)

Según estipulan las bases del concurso al pasodoble ganador “Musica facta est” se le otorgará el nombre que decida la Agrupación Musical do Rosal, siendo el nombre elegido “Terras do Rosal”

Desde la organización queremos agradecer a todos los compositores su participación en este concurso. Asimismo agradecer a Bodegas Terras Gauda y a la Fundación O Rosal su patrocinio y la colaboración de las demás entidades públicas y privadas.

Clara e Jenni disfrutaron do seu premio no Restaurante Juan



O Restaurante Juan (O Rosal) premiou cunha fantástica cea ao equipo XA ESTAMOS AQUÍ, que participou no II Campionato Feminino de Futbolín Noticias O Rosal 2011. 

Jennifer López Álvarez e Clara Lomba Rodríguez foron convidadas o pasado 3 de decembro por este coñecido restaurante da vila. Na imaxe, pousan co seu encargado, José Antonio Mariño Domínguez. 

¡¡Dende Noticias O Rosal o noso sincero agradecemento!!

12 dic 2011

RUTH MARTÍNEZ E MARY DOMÍNGUEZ CONSEGUEN O 5º POSTO NO “XV CAMPEONATO NACIONAL DE FUTBOLÍN”



Finalmente foron once os equipos representantes da Asociación Os Cabaqueiros e do Baixo Miño no "XV Campeonato Nacional de Futbolín" que se celebrou dende o xoves 8 e ata o sábado 10 de decembro en Padrón (A Coruña).


Lembramos que participaron invitadas neste novo Campionato de España, as tres primeiras parellas clasificadas no II Campionato Feminino de Futbolín Noticias O Rosal 2011: HAI CHAPA (Mary Domínguez e Ruth Martínez, 5º posto), AS DIVINAS (Conchi Barbosa Vanesa Sánchez, 13º) e BAR FLORO (Maite Martínez e Noelia Álvarez, 15º).
 
Previa inscrición, xogaron este torneo a nivel nacional, na modalidade "parado" os equipos ANXO-DELIO (Ángel Martínez e Rubén Santos, 12º), OS NENOS (Braulio Álvarez e Sergio Rodríguez, 16º), BAR TROYA (Sergio Casal e Juan Martínez, 18º) e PORTECELO (Carlos Álvarez e Marcos Casal, 38º na F-1, tamén en "movemento", 19º).

E o sábado, no "Mixto-F2” os equipos ÁNGEL-ANABEL (Anabel Magariños e Ángel Martínez, 6º), MARVAN (Marcos Casal e Vanesa Rodríguez, 7º), PORTECELO 2 (Marisa Pérez e Carlos Álvarez, 8º) e HAI CHAPA NENOS (Mary Domínguez e Braulio Álvarez, 9º).

O resultado máis destacado da expedición baixomiñota foi o 5º posto conseguido por Ruth e Mary, vencedoras do II Campionato Feminino Noticias O Rosal, que a pesar de xogar na modalidade de movemento (sen parar a bola na dianteira) case chegan ás semifinais, sendo eliminadas polas Campionas de España absolutas, Alba Quiroga e Paula Carreiro, que novamente repetiron triunfo.

Temos que destacar e agradecer dende a Asociación Os Cabaqueiros o compañeirismo e o bo ambiente amosado polos nosos veciños/as e polos centos de equipos participantes, así como deixar constancia do altísimo nivel de xogo existente neste XV Campionato de España de Futbolín. A nosa noraboa.

Fai clic aquí para ver a reportaxe fotográfica completa realizada pola Asociación Sociocultural Os Cabaqueiros do Futbolín.

9 dic 2011

A Agrupación Musical do Rosal honra o sábado 10 de decembro á súa patroa, Santa Icía



Montserrat Domínguez Otero / A. Musical do Rosal

Estes serán os actos que terán lugar o vindeiro sábado 10 de decembro, con motivo da celebración de Sta. Icía (Patroa dos músicos).
 
Neste ocasión, ademais da incorporación dos cinco novos músicos realizaremos a fase final do Concurso de Composición de Pasodobres que se convocou con motivo do noso 25º aniversario.

Así, deste modo, a nosa agrupación pechará un intenso ano cheo de actividades, moito traballo e esforzo dos nosos músicos e tamén de éxitos como o 1º premio acadado no V Certame Galego de Bandas de Música o pasado 27 de novembro no Auditorio de Galicia.

Ás 20,00 horas dará comezo no auditorio do Rosal o concerto onde se interpretarán os cinco pasodobres finalistas seleccionados polo xurado formado por Javier Viceiro Filgueira, Juan Lois Diéguez e Xosé Manuel Collazo de entre un total de 21 recibidos. Durante o concerto o público asistente tamén poderá votar o pasodobre que máis lle guste.
 
Como remate do acto daranse a coñecer os tres premios:

- Premio patrocinado por "Bodegas Terras Gauda" por valor de 2000 € outorgado polo xurado.

- Premio patrocinado pola "Fundación O Rosal" por 600 € outorgado polo público asistente.

- Premio patrocinado pola "Fundación O Rosal" por 600 € outorgado polos músicos.

7 dic 2011

Charla informativa sobre educación e terapia con animais no Polivalente




O pasado 30 de novembro celebrouse no Centro Social Polivalente do Rosal a charla informativa sobre Educación e terapia con animais que reuniu a preto de 60 persoas: nais, pais, nenos e nenas, profesores/as e outros profesionais da educación.

Esta charla foi organizada polo Gabinete de Psicopedagoxía e Logopedia ANA do Rosal e ofertada polo Gabinete de Psicopedagoxía Con.Tacto, Terapia, educación e ocio con animais, de Vigo, composto por Olalla Vergara, mestra e técnico en animais de terapia, e Laura Pazos, psicóloga.



Ó termino da charla, os asistentes disfrutaron de pinchos e bebida que permitiu o intercambio e preguntas ás dúas profesionais. Nenos e nenas puideron tamén disfrutar da presenza dos 3 Golden Retriever (Trasto, Hada e Shiva) que se prestaron a algunha demostración da súa docilidade e paciencia así como do que saben facer.

A interesante e amena presentación, acompañada con fotos e vídeos, a cargo de Olalla Vergara, foi aplaudida pola asistencia. Olalla explicou as esixencias, traballo e preparación que necesita este tipo de talleres, sesións, e/ou terapias, que poden ser en grupo ou individuais: moito máis alá de “facer actividades ou xogos con cans”; indicando cales poden ser os obxectivos e beneficios das sesións; así como os distintos colectivos ós que están dirixidas: centros educativos, discapacidade, enfermos mentais, síndrome de down, autismo, centros de maiores, etc.

Os talleres educativos e de terapia con animais xa están en marcha dende setembro no Rosal os mércores cada 15 días de 16h a 17h e de 18h a 19h na rúa Ramón Franco 22-Baixo.


6 dic 2011

O ROSALEIRO DANIEL RODRÍGUEZ RODRÍGUEZ TRIUNFA NA “LIGA PORTUGUESA DE CAVALOS DE CORRIDAS”


Daniel Rodríguez e Otto de Touchyvon

Reportaxe (texto e fotografías) realizada por Silvia Rodríguez Martínez

Existe en Portugal unha Liga Portuguesa de Criadores e Proprietários de Cavalos de Corrida que organiza carreiras de trote e de galope dende o mes de marzo a novembro de cada ano.


A competición, que é a nivel nacional, conta coa participación da Cuadra Rodríguez, fundada hai uns cinco anos. O seu propietario, adestrador e jockey é o rosaleiro Daniel Rodríguez Rodríguez, (naceu en Parada-Novás, o 21 de xullo de 1961), afincado en Goián, que conta coa inestimable colaboración de Carla Alonso Rodríguez, de Marzán, como adestradora e coidadora dos tres cabalos que posúe a Cuadra.



En Galicia apenas se organizan carreiras desta modalidade e menos a nivel oficial, sendo este o motivo de que compitan na Liga Portuguesa.


O pasado 20 de novembro Daniel proclamábase vencedor do "Gran Premio de Portugal" no Hipódromo Quinta da Granja en Felgueiras-Porto (na imaxe entrando en meta). Esta é a carreira máis importante do ano por ser final de tempada e correr máis distancia, ademais de ser a que habitualmente ofrece máis diñeiro en premios.


O jockey rosaleiro gañou as dúas carreiras do día, a primeira sobre unha distancia de 1.800 metros co cabalo Hennir de Joie, e a segunda, o citado Gran Premio de Portugal, cunha distancia de 3000 metros, co cabalo Otto de Touchyvon (trotón francés de 9 anos) adxudicándose un premio de 2000 euros.


Cabe destacar que Daniel Rodríguez xa lideraba nesta tempada a Clasificación Xeral de Jockey de Trote na Liga Portuguesa de Cavalos de Corridas.

Os colaboradores da Cuadra celebrando a vitoria no Gran Premio de Portugal


¡¡Dende Noticias O Rosal desexámoslles moitos máis éxitos!!

1 dic 2011

AXENDA CULTURAL DESTE MES DE DECEMBRO. Non te podes perder...

DECEMBRO

DÍA 8: CAMPIONATO DE ESPAÑA DE FUTBOLÍN


As tres parellas gañadoras do II Campionato Feminino de Futbolín Noticias O Rosal participarán no "XV Campeonato Nacional". Hotel Scala (Padrón-A Coruña), ás 16 horas.

DÍA 10: MISA DE SANTA ICÍA NA IGREXA PARROQUIAL 

Misa ás 17:30 horas na honra de Santa Icía, na igrexa parroquial de Santa Mariña do Rosal, acompañada da Coral da Agrupación Musical do Rosal

DÍA 10: CONCERTO EN HONOR A SANTA ICÍA

Concerto da Agrupación Musical do Rosal. Auditorio Municipal ás 8 da tarde

DÍA 11: TEATRO. Comedia "A Voltas do CDI"


Compañía Mesturanzas de Areas. Auditorio Municipal ás 7 da tarde


DÍA 17: CONTACONTOS DE NADAL


PAPÁ NOEL visita a Biblioteca Municipal ás 12 horas.


DÍAS 17 E 23: AUDICIÓNS DE NADAL

Audicións dos nenos/as ás 8 da tarde e de adultos ás 8'30, tamén da tarde. Escola de Música da Agrupación Musical do Rosal. Auditorio Municipal


DÍA 18: HUMOR EN NADAL


OS CAMPELOS VOLVEN EN NADAL. Auditorio Municipal ás 6 e ás 8 da tarde (no caso de completar aforo na primeira sesión)


DÍA 30: ENCONTRO DE CORAIS.

Auditorio Municipal ás 8 e media da tarde Coro Ecos do Folón, Coral da Agrupación Musical do Rosal, Coral de San Pedro de Domaio (Moaña)


Do 19 ao 30 de decembro, en horario de mañá, mostrarase na Sala de Exposicións do Concello:
·Debuxos dos nenos/as do CPI Manuel Suárez Marquier feitos nas charlas divulgativas da ONG CEMMA sobre as especies animais ameazadas.
·Traballos realizados polos alumnos/as do Pintura do Concello do Rosal.


26, 27, 28, 29 e 30 de decembro, así como o 2, 3, 4 de xaneiro. CINE DE ANIMACIÓN. Auditorio Municipal ás 5 da tarde.

O 5 de xaneiro os REIS MAGOS chegarán ao Rosal con agasallos e chocolatada. Praza do Calvario a partir das 5 da tarde.

Concurso de Beléns. O Rosal 2011



A Concellaría de Cultura, xunto coa Oficina de Información Xuvenil, organizan unha nova edición do Concurso de Beléns.


1.- Poderán participar tódalas persoas que o desexen. O tamaño, materiais e técnicas empregadas será libre.

2.- Os Beléns deberán ser colocados polos seus autores/as ou persoas que os representen no lugar que se lles indique os días 15 e 16 de decembro das 9:00 ás 12:00 e das 16:00 ás 19:00 horas no Centro Social Polivalente.

3.- Os traballos presentados estarán expostos a partir do 19 de decembro, data na que se inaugura a exposición e na que se fará entrega dos premios, ata o 6 de xaneiro no mesmo centro.

4.- A retirada dos traballos deberá efectuarse os días 9 e 10 de xaneiro de 2012 de 17:00h. a 20:00h, perdendo o dereito sobre os mesmos no caso de non facelo.

5.- Estableceranse dúas categorías:

· Infantil: ata os 12 anos.

· Xuvenil: dos 13 ata os 17 anos.

· Adulto: a partir dos 18 anos.

6.- Haberá un único premio para cada categoría:

· Lote de libros adecuado ao participante gañador/a para a Categoría Infantil e Xuvenil

· Vale de compra por valor de 100 euros no comercio do Rosal para a Categoría Adulto.

7.- O Xurado darase a coñecer no momento que se estime oportuno

8.- A Organización resérvase o dereito de admisión dos traballos presentados a concurso así como de declarar deserto algún ou todos os premios.

9.- O fallo do Xurado realizarase antes de inaugurarse a exposición.

10.- A Organización resérvase o dereito de publicar fotografías dos Beléns participantes en calquera medio que estime oportuno.

11.- Prazo e lugar de inscrición dos Beléns, ata o día 14 de decembro no Servizo de Información Xuvenil e Animación Sociocultural.






























As Divinas, Hai Chapa e Bar Floro xa formalizaron a súa inscrición e xogarán o Campionato Nacional


Asociación Sociocultural Os Cabaqueiros do Futbolín

As tres parellas gañadoras do II Campionato Feminino de Futbolín Noticias O Rosal 2011 disfrutarán o 8 de decembro dun dos seus premios, que non foi outro que ser invitadas coa inscrición gratuíta, a participar no "XV Campeonato Nacional de Futbolín", onde se enfrontarán ás mellores de España.

O equipo campión, Hai Chapa, estará formado pola capitana Mary Domínguez Rodríguez e a xogadora Ruth Martínez Barbosa.

O equipo subcampión, As Divinas, capitaneado por Conchi Barbosa González e a xogadora Vanesa Sánchez Fernández.

O equipo Bar Floro, terceiras clasificadas, terá como capitana a Maite Martínez González e a xogadora Noelia Álvarez Baquero.

Aínda que ninguén dubida da calidade das nosas veciñas deportistas, en Padrón partirán cunha pequena desventaxa, pois non poderán participar na modalidade habitual de "parado" (no Rosal e na Guarda pódese parar a bola na dianteira e facer cambios) e terán que xogar na de "movemento" (prohibido parar a bola adiante). Polo tanto, terán que sobrepoñerse a esta circunstancia e dar o mellor de sí para conseguir traer algún resultado positivo á Comarca do Baixo Miño.

¡¡Dende a Asociación Sociocultural Os Cabaqueiros do Futbolín desexámoslles moita sorte neste evento!!


A Asociación Os Cabaqueiros tramitará as inscricións do "XV Campeonato Nacional de Futbolín"




Se queres participar no "XV Campeonato Nacional de Futbolín" que se celebrará no Hotel Scala, de Padrón (A Coruña) os días 8, 9 e 10 de decembro, envíanos estes datos cubertos antes do domingo 4 de decembro a asociacioncabaqueiros@hotmail.com e encargarémonos de facerte chegar a inscrición á Organización do evento.

CAPITÁN (XOGADOR 1)

XOGADOR 2

DNI

TELÉFONO

DIRECCIÓN

POBLACIÓN

PROVINCIA

EMAIL

A inscrición é de 80 € a parella. Para os xogadores da LNF a inscrición custará 50 €.

MODALIDADES

Parado: 8 de decembro, 16:00 horas

Feminino: 8 de decembro, 18:00 horas

Movemento: 9 de decembro, 10:00 horas

Mixto: 10 de decembro, 11:00 horas