Entroido de Fornelos: os días 6, 7 e 8 de marzo

Este é o programa de Entroido da activa Comisión de Festas de Fornelos que preside Jorge Rodríguez Álvarez.

Debido ao gran éxito do pasado ano novamente estará instalada nas inmediacións da Praza de Fornelos a CARPA FORNELOS ENTROIDO 2011 (xa dende o venres 4 de marzo), organizada –entre outros- por Rubén Vicente, Pablo Pérez e Óscar Castro e que contará con recoñecidos deejais: DJ Fabián (A Guarda), DJ Ricky (O Rosal), DJ Óscar (Salceda), DJ Gabry (Tui) e DJ Sas (Pontevedra).

DOMINGO 6

Ás 9:30 da mañá, PASARRÚAS polo pobo a cargo do grupo de bombos MUIMENTA de Sobrada.

Ás 11 da mañá, sairán de Fornelos AS CARROZAS para participar ás 12 no GRAN DESFILE na Praza do Calvario.

A partir das 5 da tarde, actuación do grupo AIRIÑOS DO TAMUXE, ata o comezo da verbena.

Para rematar o día, dende as 20:30 h. e ata altas horas da madrugada GRAN VERBENA amenizada polos grupos NARANJA e HIROSIMA.

LUNS 7

A partir das 4 da tarde, na Praza de Fornelos, celebrarase a tradicional CORRIDA DO GALO.

Ás 18:30 horas haberá un pase da orquestra PASARELA.

Ás 22:00 horas comezará unha GRAN VERBENA amenizada polos grupos PASARELA e ALCAZAR.

MARTES 8

A partir das 16:00 h., na Praza de Fornelos, celebraranse as tradicionais FRIXIDELAS.

Ás 21:00 h., comezará unha GRAN VERBENA amenizada polos grupos ALCOTAN e SAUDADE.