Rematan as actividades de verán organizadas polo Concello do Rosal a través da OMIX

 

Segundo se pode ver na páxina web municipal, o día 5 de setembro rematan as actividades de verán organizadas polo Concello do Rosal, a través do Servizo de Información Xuvenil, dirixidas a rapaces matriculados o pasado ano en Educación Infantil e Educación Primaria.

Un total de 60 rapaces participaron este ano nas mesmas. Entre as actividades que realizaron están as manualidades, xogos e visitas (concretamente ás Aceñas e á Biblioteca Municipal).

Estas actividades veñen realizándose dende hai xa 10 anos cunha excepcional acollida por parte dos pais dos nenos. (Foto: Concello)