Exposición no Rosal de "Un mar de mulleres" GAC Ría de Vigo - A Guarda

Desde o 14 ata o 20 de maio do 2011 poderase visitar a exposición fotográfica dos traballos realizados no mar polas mulleres da zona GAC Ría de Vigo – A Guarda, no Concello do Rosal.

Ademais, o luns 16 de maio de 2011, terá lugar as 20:00 horas a celebración da Xornada “Un Mar de Mulleres” organizada polo Grupo de Acción Costeira Ría de Vigo -A Guarda (GAC 7), no salón de exposicións do Concello do Rosal.

Esta idea xurdiu na Mesa da Muller do GAC 7, coa intención de fomentar a igualdade de oportunidades entre as mulleres e homes.

Durante o verán entrevistouse a un grupo de mulleres que traballan en diferentes organizacións profesionais do sector pesqueiro, desde Cangas ata A Guarda. Coa información recompilada realizouse un documental, unha publicación e unha exposición fotográfica.

Nesta xornada presentarase o traballo que levan realizando mulleres da nosa zona (mariscadoras a pé e a flote, redeiras, bateeiras, lonxeiras, etc.), e animarase as persoas asistentes a solicitar axudas ante o GAC 7.

O acto comezará co saúdo do alcalde do Rosal, Jesús Mª Fernández Portela. A continuación, a xerente do GAC 7, Elena Herbello Puentes, explicará á orde de axudas e o Plan Estratéxico Zonal.

María del Pilar Álvarez Rodríguez da Asociación de Mulleres Progresistas do Rosal e membro da Mesa da Muller, e da Xunta Directiva do Grupo de Acción Costeira Ría de Vigo – A Guarda, explicará como xurdiu a idea deste traballo.

Por último proxectarase o documental “Un mar de mulleres”.

Durante as próximas semanas este material irá rotando polos distintos concellos e organizacións profesionais do sector pesqueiro da zona GAC 7 (Cangas, Moaña, Soutomaior, Vilaboa, Redondela, Nigrán, Baiona, Oia, O Rosal e A Guarda).

Ler máis

O Rosal celebra as Festas de San Isidro, patrón dos agricultores

A procesión chegando ao adro da igrexa parroquial (2010)

O sábado 14 de maio comezaron as Festas de San Isidro coa actuación das orquestras Saudade 73 e o grupo Kamelot. O domingo, ás 10 da mañá fará a súa entrada o grupo A Boalleira, de A Gándara. Ás 12, Misa Solemne con Sermón e Procesión.

Xa ás 19:00 horas, presentación da orquestra Poceiro de Pontevedra. A Gran Subasta de produtos típicos da terra terá lugar ás 8 da tarde para seguidamente comezar a verbena de novo coa orquestra Poceiro.

Ler máis

ACOR organiza a VII Feira de Oportunidades na Praza do Calvario

Detalle da Feira celebrada o pasado ano 2010

A Asociación de Comerciantes do Rosal (ACOR), que preside José Martínez González (Pepe Berdeal), organiza o vindeiro 15 de maio a VII Feira de Oportunidades que terá lugar na Praza do Calvario.

A Feira estará aberta dende as 10 da mañá ata aproximadamente as 8 da tarde, coa participación de quince establecementos que porán á venda produtos de calidade: confección, librería, confitería, bisutería, floristería e outros, con importantes descontos e prezos moi asequibles.

Así mesmo, durante a tarde, se celebrará un obradoiro de pintura e globoflexia para os máis pequenos dirixido por Patricia Dorado Pregal. Todos os nenos/as participantes serán agasallados cun estuche de pinturas.

Ler máis

Xa se pode visitar a exposición de libros do mundo na Biblioteca Municipal

O martes 10 de maio chegaron á Biblioteca Municipal do Rosal 15 mochilas cheas de libros de todo o mundo.

Un total de 152 contos escritos en 35 idiomas, incluída a linguaxe braille, entre eles: danés, chinés, árabe, italiano, francés, esloveno, checo, etc, estarán con nós do 10 ao 18 de maio. Poderemos disfrutar deles en horario de apertura da biblioteca, de luns a venres de 4 a 8 da tarde.

Esta colección é propiedade do CRA Mª Zambrano e despois de percorrer todas as escolas unitarias do Rosal, están agora na Biblioteca Municipal para todas as persoas que desexen vela.

A magnífica colección procede de doazóns das propias familias de alumnos/as, amigos e profesores do CRA Mª Zambrano que foron recompilando nas súas viaxes polos diferentes lugares do mundo.

É sen dúbida unha estupenda ocasión de ver como a lectura xoga un importante papel na cultura dos pobos e como pode ser un lazo de unión entre todos eles. Dende a concellaría de Cultura convídase a coñecer esta orixinal exposición.

Ler máis

A andaina de maio aprázase ata o sábado día 14 por previsión de mal tempo

A andaina de maio correspondente ao programa “O Rosal. Coñece o teu concello” que debería celebrarse este sábado, aprázase por previsión de mal tempo, ao seguinte, día 14.

Tamén por petición da maioría dos participantes, o horario seguirá sendo o mesmo que nas anteriores etapas (15:30 h).

Polo tanto sairase a esa hora dende a Praza do Calvario para visitar –entre outras- a Aula da Natureza das Aceñas, a ponte vella do Tamuxe e a capela de San Gregorio, en Pías.

Para apuntarse ou solicitar máis información poden dirixirse ao Departamento de Cultura e Turismo, no teléfono 986 62 50 00 ou ben no correo turismo@concellodorosal.es  

Ler máis

Actividades de verán no Rosal para nenos de Educación Infantil ou Primaria

Actividades de verán para nenos/as que no curso 2010/2011 estivesen matriculados en Educación Infantil ou Primaria. Consistirán na realización de obradoiros de manualidades, xogos ao aire libre e sendeirismo.

Participantes:

Nenos de Infantil e Primaria. Poderán participar nenos doutros concellos sempre e cando non se cubran as prazas con nenos do Rosal.

Lugar e Calendario:

Na Escola Unitaria de Couso os meses de xullo e agosto.

Taxas:

Pendente de confirmación. Os nenos que pertenzan a familia numerosa e así o acrediten, terán un desconto do 50% nas taxas.

Prazo e lugar de solicitudes:

As solicitudes poderán realizarse dende xa mesmo ata o 18 de xuño no Centro Social Polivalente, por estrita orde de inscrición.

Ler máis

O Rosal acollerá un "Curso de Iniciación ao Tenis" para maiores de 5 anos

A Federación Galega de Tenis busca achegar o tenis a todos os puntos de Galicia así como incrementar o número de federados neste deporte.

Por iso, se tes como mínimo 5 anos e sen límite de idade, e te interesa participar nun curso de iniciación ao tenis que se realizará os luns polas tardes no Rosal, pasa polo Servizo de Información Xuvenil e Animación Sociocultural a facer a túa solicitude (986 60 94 50).

O curso terá unha duración de dous meses e comezará en canto se teña un mínimo de 20 persoas preinscritas.

O prezo unicamente será a licenza federativa que conleva un seguro da Federación en caso de lesión.

Ler máis

A Agrupación Musical do Rosal cumpre hoxe o seu 25 aniversario

O 4 de maio de 1986, apadrinada pola "Banda de Música Juvenil de Xinzo" (Ponteareas), tivo lugar na Praza do Calvario a presentación oficial da "Banda Juvenil de la Agrupación Musical de O Rosal", baixo a dirección de D. Laureano Matos Barcia, de Camposancos (A Guarda), aínda que a primeira actuación en público levouse a cabo, cun grupo de gaitas "célula base da Banda" o 22 de xaneiro de 1984, festividade de San Vicente, en Marzán.

Velaquí vos deixamos con este motivo, a felicitación de Brais Martínez Villa, remitida á nosa Redacción:

"Felicidades á Agrupación Musical do Rosal no seu 25º Aniversario. Foron 25 anos cunha gran traxectoria, con moitos concertos, certames, premios... Oxalá sexan moitos máis anos así. ¡Felicidades!"

Brais Martínez Villa

Ler máis

Este domingo 8, Asemblea Xeral Ordinaria do Atlético Novás de balonmán

A Xunta Directiva da S.D. Atlético Novás de balonmán, convoca a todos os socios á Asemblea Xeral Ordinaria, que se celebrará no Pavillón Municipal o domingo 8 de maio ás 11:30 horas en primeira convocatoria e ás 12:00 horas en segunda, coa seguinte orde do día:

1.Balance deportivo dos equipos desta Sociedade na tempada 2010/11.

2.Estado de contas.                                
3.Xunta Directiva.
4.Rogos e preguntas.

Ler máis

Concurso para a selección do cartel anunciador da XIX Feira do Viño do Rosal

O Concello do Rosal, no seu desexo de promocionar os produtos típicos do municipio, convoca o Concurso para a selección do Cartel Anunciador da XIX Feira do Viño, que tamén se estende ós temas hortícolas e florícolas.

BASES

1.- Poderá participar neste certame calquera persoa, sen límite de idade, tanto residente no noso país como no estranxeiro.

2.- Establécese un premio individual de 400 € para o cartel gañador.

3.- O premio poderá quedar deserto se o xurado así o estimase.

4.- Para optar ó premio, os traballos deben ser orixinais, realizados en cartolina de 44 cm. de ancho por 64 cm. de alto e poderán estar realizados en unha ou varias cores ou fotografía, sen límites en canto a técnicas. Presentaranse en soporte ríxido que permita a súa exposición.

5.- No que atinxe á temática, versará de xeito prioritario sobre o viño, así como a horta e a flor. Deberanse incluír necesariamente os seguintes textos: XIX FEIRA DO VIÑO DO ROSAL e 15, 16 e 17 de xullo de 2011. O cartel non poderá levar inserido ningún logotipo.

6.- Os carteis deberán ser presentados con pseudónimo, acompañados dun sobre pechado no que figure escrito o pseudónimo no exterior e contendo no seu interior o nome e apelidos do autor, DNI ou NIF, enderezo e teléfono de contacto.

7.- Os traballos deberán ser presentados no Centro Social Polivalente (Rúa Cabaqueiros nº 4 - 36.770 O Rosal) na instancia facilitada ó efecto coa indicación: “Concurso para a selección do Cartel Anunciador da XIX Feira do Viño. Concello do Rosal” onde constarán exclusivamente o pseudónimo, o teléfono e a data de presentación.

8.- O prazo de admisión de carteis pecharase o día 20 de MAIO de 2010 ás 13:00 horas.

9.- O Xurado darase a coñecer no momento que se estime oportuno.

10.- Unha vez determinado o gañador do Concurso a decisión do xurado será inapelable, e farase pública antes do día 27 de maio. A entrega do premio realizarase no momento e xeito que se estimara.

11.- O Concello do Rosal poderá difundi-lo traballo premiado do xeito que considere oportuno e dispoñerá de tódolos dereitos sobre o mesmo.

12.- A retirada dos traballos presentados deberá efectuarse durante o mes de xuño de 09:00 a 13:00 perdendo os dereitos sobre os mesmos en caso de non facelo.

13.- A presentación a este concurso implica a aceptación plena das presentes bases.

O Rosal, 14 de abril de 2011.

O ALCALDE

Asdo. Jesús Mª Fernández Portela

Ler máis

Érguete Baixo Miño organiza talleres de prevención sobre adiccións

Pouco falta para rematar este curso escolar e a Asociación Érguete Baixo Miño inicia as súas derradeiras actividades escolares programadas de prevención para estes meses de maio e xuño.

Trátase de Talleres dirixidos a mozos e mozas escolarizadas pertencentes aos cursos de 3º, 4º da ESO e 1º e 2º de PCPI e con idades comprendidas entre os 15 e 20 anos. Neles participarán 171 alumnas/os do I.E.S. A Sangriña de A Guarda.

Durante estas actividades, que contan cunha duración de 5 horas con cada grupo de alumnos/as –sumando en total 50 horas-, centrarémonos nos seguintes aspectos:

- A diversión asociada ao consumo de substancias (incluíndo alcohol e tabaco).

- Os seus efectos e consecuencias.

- Mitos, tópicos e falsas crenzas.

- Práctica de habilidades de afrontamento.

- Buscando a diversión saudable.

A finalidade do programa é evitar o desenvolvemento e a consolidación de consumos problemáticos de drogas e tamén doutros trastornos aditivos, reducir a incidencia dos diversos problemas sociosanitarios relacionados co consumo e/ou de abuso de drogas e promover a adopción de estilos de vida saudables entre os/as adolescentes que permanecen vinculados ao sistema educativo.

Ler máis

Cruz Roja no Baixo Miño convoca un concurso de debuxo infantil

Cruz Roja Baixo Miño con la colaboración del CPI Manuel Suárez Marquier de O Rosal y dentro del proyecto “Movéndonos polo Río Miño” organiza y convoca el primer concurso de dibujo infantil denominado “Conserva nuestros ríos”.

Aquí vos deixamos íntegra e literalmente -en castelán- a nota de prensa recibida na nosa Redacción: "Todas las actividades del proyecto “Moviéndonos por el río” se realizan en colaboración con el Ministerio de Medio Ambiente y Medio Rural y Marino a través del Programa de Voluntariado en Ríos y la Confederación Hidrográfica del Miño-Sil, organismo gestor de la cuenca hidrográfica.

Para la puesta en marcha del concurso se realizará una primera fase en la que los voluntariados de Cruz Roja desarrollarán en el CPI Manuel Suárez Marquier una campaña de concienciación para el cuidado y respeto del medioambiente y en especial hacia nuestros ríos a través de una salida de educación medioambiental. Tras la cual se abrirá el plazo para la participación en el concurso de dibujo cuyo objetivo es la conservación y el respeto de nuestros ríos.

La temática del concurso es “Conserva nuestros ríos” y los dibujos podrán realizarse en acuarela, pintura, rotuladores o cualquier otro material en formato din A – 4.

A partir del 11 de mayo se recogerán los dibujos participantes en el centro y se reunirá el jurado, integrado por miembros del comité de Cruz Roja de A Guarda, voluntarios del proyecto y profesorado del centro, que decidirán cuál es la postal ganadora. A todos los participantes se les premiará con una mochila y un cuaderno medioambiental. Además habrá tres menciones especiales que serán galardonados con materiales escolares.

Próximas acciones de intervención

Durante las siguientes jornadas, el equipo de voluntarios procederá, entre otras cosas, a reconocer las características de la fauna y flora de la zona, a la limpieza de los márgenes del río (tanto de especies foráneas como de residuos que puedan existir), mediciones de la calidad del agua y a la realización de un inventario fotográfico de los márgenes del río Folón, de la fauna y flora allí existentes.

Nuestro compromiso

Esta iniciativa surge del compromiso de Cruz Roja Española con los colectivos más vulnerables y que se plasma en una de sus líneas de actuación más relevantes, promover la educación y la dimensión ambiental en todas las áreas de actuación de Cruz Roja como eje transversal y de acción indirecta para reducir la vulnerabilidad y mejorar la calidad de vida de las personas, según el Plan de Acción de CRE 2007/11 y los dictámenes aprobados por la IV Asamblea General de Cruz Roja Española (2007)".

Ler máis

Escolares do Marquier realizarán unha excursión medioambiental ao Folón

Segundo nota de prensa remitida á nosa redacción "81 escolares del Colegio Público Manuel Suárez Marquier de O Rosal realizarán con el equipo de Cruz Roja Baixo Miño una excursión medioambiental en los márgenes de la ribera fluvial del Río Folón".

Lembra o comunicado que "todas estas actividades están financiadas por el Ministerio de Medio Ambiente y Medio Rural y Marino y voluntariado en ríos".

Velaquí vos deixamos integramente, tal e como nos foi enviada, a dita nota de prensa:

"El próximo 4 de mayo a partir de las 10.30 h, 81 alumnos del ciclo de primaria del colegio CPI Manuel Suárez Marquier partirán hacia los márgenes del río Folón, acompañados por el equipo de voluntarios de Cruz Roja Baixo Miño, donde están desarrollando una campaña de concienciación sobre el cuidado y respeto del medioambiente. En esta salida uno de los objetivos es medir la calidad del agua de la ribera del río Folón y sensibilizar a los niños sobre la importancia de mantener nuestros ríos limpios y sanos.

Para poder realizar la campaña contamos con los equipos de muestreo entregados por ADECAGUA (asociación para la defensa de la calidad de las aguas).

El muestreo consiste en realizar los siguientes estudios:

Observar y describir el río. Identificar las presiones a las que está sometido. Analizar los parámetros fisicoquímicos (temperatura, oxigeno disuelto, pH, nitratos y dureza del agua). Calcular los indicadores biológicos de la calidad del agua (los macro invertebrados acuáticos y la vegetación de ribera).

Para la puesta en marcha de este proyecto, financiado por el Ministerio de Medio Ambiente y Medio Rural y Marino a través del Programa de Voluntariado en Ríos y con la colaboración de la Confederación Hidrográfica Miño-Sil, se han creado equipos de voluntarios que realizarán acciones formativas, así como diagnósticos y evaluaciones del Miño, que favorezcan y contribuyan a la conservación del río.

Próximas acciones de intervención

Durante las siguientes jornadas, el equipo de voluntarios procederá, entre otras cosas, a reconocer las características de la fauna y flora de la zona, a la limpieza de los márgenes del río (tanto de especies foráneas como de residuos que puedan existir), mediciones de la calidad del agua y a la realización de un inventario fotográfico de las márgenes del río Folón, de la fauna y flora allí existentes.

Nuestro compromiso

Esta iniciativa surge del compromiso de Cruz Roja Española con los colectivos más vulnerables y que se plasma en una de sus líneas de actuación más relevantes, promover la educación y la dimensión ambiental en todas las áreas de actuación de Cruz Roja como eje transversal y de acción indirecta para reducir la vulnerabilidad y mejorar la calidad de vida de las personas, según el Plan de Acción de CRE 2007/11 y los dictámenes aprobados por la IV Asamblea General de Cruz Roja Española (2007).

Además, si desean obtener más información sobre las actividades que desarrollaremos o el voluntariado puede ponerse en contacto en:

Asamblea Comarcal de Cruz Roja Baixo Miño

c/ Agustín Nandín Lomba, nº 1 Bajo. A Guarda

Tfno: 986 61 46 09 / 606 34 84 71

laguardia@cruzroja.es

Ler máis

A andaina de maio comezará ás 10 da mañá dende a Praza do Calvario

O sábado 7 de maio terá lugar unha nova andaina dentro do programa gratuíto “O Rosal. Coñece o teu concello” que levará aos participantes a visitar –entre outras- a Aula da Natureza das Aceñas, a ponte vella do Tamuxe e a capela de San Gregorio, en Pías, ademais de camiñar por incribles paraxes ribeirenses e admirar os distintos elementos da arquitectura civil e relixiosa da vila.

A saída realizarase ás 10 da mañá dende a Praza do Calvario, cambiándose polo tanto o horario habitual das 15:30, para non coller as horas fortes do sol.

Para apuntarse ou solicitar máis información poden dirixirse ao Departamento de Cultura e Turismo, no teléfono 986 62 50 00 ou ben no correo turismo@concellodorosal.es

Ler máis

A exposición "Elas fan Camiño" estará no Rosal ata o 10 de maio

O sábado 30 de abril tivo lugar no Salón de Exposicións municipal a inauguración da mostra “Elas Fan Camiño”, que estará aberta ao público ata o martes 10 de maio, todos os días en horario de 11 a 14 h.

A este acto inaugural asistiron –entre outros- o alcalde da vila, Jesús Mª Fernández Portela, a concelleira de Servizos Sociais e Muller, Mª Carmen Alonso, así como José Luis Gómez Martínez, edil de Tráfico, Mabel Franco Pérez, concelleira de Educación e Pablo Flores Díaz, concelleiro de Xuventude.

Segundo afirma Mª Carmen Alonso, responsable e artífice de que esta exposición estea no Rosal, “quérese lembrar a todas aquelas mulleres que tiveron e teñen algo que ver co Camiño de Santiago”.

Estes son os títulos dos distintos paneis que conforman esta interesante mostra:

-Exeria, a primeira peregrina galega coñecida

-Esplendor no Camiño

-Raíñas e Santas

-As protectoras do Camiño

-Hospitaleiras

-Elas marcaron camiños

-Josefina Roselló e María Dolores Vilar, dúas peregrinas de Castellón

-María del Carmen Prego: unha vida dedicada á peregrinación

-Rosa Mª Pérez Testa: o valor dunha hostaleira

-Aleksandra Issakova. Axudarlles aos demais non entende de fronteiras

-María Dolores Faraldo Botana: promotora do Camiño

-Rosa Vázquez Santos: investigadora e protectora dos valores históricos xacobeos

-Emma Gutiérez Castro. As súas palabras revelan os misterios do Camiño.

Ler máis

O Auditorio do Rosal acolleu a inauguración da V Mostra Teatro do Miño

O xoves 28 de abril tivo lugar no Auditorio Municipal do Rosal a inauguración da V Mostra Teatro do Miño.

Comezou o acto coa proxección de varios vídeos relativos a anteriores edicións e á mostra deste ano.

O monologuista Benito Guerreiro foi o primeiro en actuar, dando a benvida aos asistentes cunha “entrada silenciosa” no salón, de “puro teatro”, afirmando que “para isto hai que nacer”, facendo curiosas alusións precisamente ao momento do seu nacemento e infancia, explicando tamén en que consiste para un personaxe, para un actor, estar enriba do escenario.

Os presentadores do evento, Pilar e Óscar, foron os encargados de ler o programa e anunciar os distintos grupos que actuarán nesta V Mostra Teatro do Miño.

A concelleira de Cultura, Charo Tabales Perozo, agradeceu a presenza no Rosal da alcaldesa de Tomiño, Sandra González e a de algúns concelleiros da corporación rosaleira, entre os que se atopaban, Mª Carmen Alonso, Pablo Flores Díaz, Mabel Franco Pérez, Luis Giráldez Álvarez e Mª del Pilar Álvarez.

Así mesmo Tabales Perozo quixo felicitar a todos os participantes nesta Mostra -foran ou non seleccionados- pola súa dedicación, esforzo e sobre todo porque o fan sen beneficio económico algún. Recoñeceu tamén a edil de Cultura o traballo do xurado, pois “ao ter obras tan boas é moi difícil a selección, avaliando moitos aspectos como argumento, montaxe, vestiario…”

Rematou a súa intervención animando a asistir ás diferentes sesións teatrais da fin de semana, felicitando aos organizadores deste evento, a Asociación Cultural Feixó Araúxo, que “dá mostras evidentes de que se supera a si mesma ano tras ano, e isto só pode ser a base de cariño e moito, moito traballo”.

O peche deste acto estivo a cargo do Grupo de Percusión da Banda da Agrupación Musical do Rosal que interpretou tres pezas que foron moi aplaudidas polo público.

Todas as obras desta V Mostra Teatro do Miño poderán verse en Goián (Tomiño), O Rosal e A Guarda durante a fin de semana e ata as 21:30 horas do domingo 1 de maio, que será o acto de clausura.

Ler máis