TABAGÓN EN FESTAS (DÍAS 29, 30 E 31)

EN PROBAS

EN PROBAS

5 ago 2010

Festas de Santa Ana 2010


O luns 26 de xullo celebrouse na capela de San Sebastián e Santa Ana en Medas (Novás) a festividade desta última.


Oficiou a misa o abade de Santa Mariña, D. Julio Ramos Rodríguez, sendo cantada polo coro parroquial. Amenizou tamén a festa o grupo de gaitas A Boalleira.


Entre os asistentes a esta cerimonia relixiosa puidemos ver ao alcalde, Jesús Mª Fernández Portela e ás concelleiras de Cultura e Turismo, Charo Tabales Perozo e Ángeles Vicente Manzano.


Inauguráronse novamente diferentes obras que se levaron a cabo no interior da capela, entre elas, a construción de doce bancos, un sillón e unha mesa para o altar maior.


Estes traballos foron deseñados e realizados polo carpinteiro de Novás, Rafael Dorado Rodríguez, que ao mesmo tempo é docente de cursos de Formación Ocupacional e de Obradoiros de Emprego no Rosal e noutros concellos da bisbarra. A Comunidade de Montes de Santa Mariña pagou a man de obra e o Concello os materiais, cun tempo aproximado de 230 horas de traballo.


0 comentarios:

Publicar un comentario