TABAGÓN EN FESTAS (DÍAS 29, 30 E 31)

EN PROBAS

EN PROBAS

22 mar. 2009

Festival de Música e Poesía no Auditorio

O domingo 22 de marzo tivo lugar no Auditorio Municipal do Rosal un festival de música e poesía con motivo da celebración do Día Mundial da Poesía, onde o tema principal foi a auga e a muller. Organizado polas concellarías de Cultura e de Servizos Sociais, o acto foi presentado por Banesa Cortiñas Brey, técnica de Promoción da Muller e contou coa presenza dos poetas Antonio Rivas e Nilo Brey así como das poetisas Emilia Rosende, Oliva María, Estrella Velasco “Elfa” e Marta Dacosta, que recitaron varios poemas da súa autoría. A música deste evento correu a cargo dos grupos Lirolai e Kla-son da Agrupación Musical do Rosal, que interpretaron distintas pezas moi aplaudidas polo público asistente. Como remate deste acto a concelleira de Cultura, Charo Tabales Perozo, fixo entrega a todos os participantes dun pequeno agasallo en forma de rosa vermella e agradeceu “a presenza e colaboración dos artistas literarios e musicais para que este fermoso e orixinal festival fora posible". Podedes ver a nosa reportaxe fotográfica no seguinte enlace:

0 comentarios:

Publicar un comentario