O Rosal participará na "22ª Festa do Vinho Verde e dos Produtos Regionais", que se celebrará esta fin de semana, do 15 ao 17 de xuño, no recinto exterior da Expolima, en Ponte de Lima (Portugal).
A nosa vila terá un stand con material turístico (libros, guías, folletos, etc), de exposición e degustación -e non venda- de produtos da terra e de viño do Rosal.
A inauguración será o venres 15 de xuño, ás 18:30 horas, e será presidida por Daniel Campelo, Secretário de Estado das Florestas e do Desenvolvimento Rural.
Dentro do programa desta Festa, haberá presentación de libros, encontros de profesionais do viño, concertos e festivais musicais, sesión de Dj's, concursos, entrega de premios e animación infantil (malabaristas, globoflexia, etc.)
Máis información, aquí.
.JPG)
.JPG)
.jpg)
0 comentarios:
Publicar un comentario