II CAMPUS DE BALONMÁN ATLÉTICO NOVÁS NO PAVILLÓN MUNICIPAL

Informa: Aurora Lomba Álvarez / Atlético Novás

Fotografías: Noticias O Rosal

O venres 13 de xullo, dende as 10 da mañá ás 6 da tarde, terá lugar o II Campus de Balonmán Atlético Novás, que se celebrará no Pavillón Municipal do Rosal.

Este campus-campamento está destinado a nenos de entre 10 e 15 anos, "onde darán os primeiros pasos para iniciarse no deporte do balonmán".

A inscrición é de 3 euros (entregar na entrada do pavillón). A data límite para inscribirse será o 22 de xuño.

Cada neno terá un bocadillo e auga ao mediodía. Entregaráselle a cada participante unha camiseta de recordo deste evento.

Podes solicitar o impreso da inscrición na seguinte dirección de correo electrónico:
baseatlnovas@hotmail.com

Para máis información, podes contactar coa Organización tamén no teléfono 627 790 435.

Nas imaxes, monitores e participantes na primeira edición de 2011.