O rosaleiro Rubén Rodríguez "Trinta" será homenaxeado este venres 24

Rubén Rodríguez "Trinta" participando na Subida a Oia do ano 2007. (Foto: Lalo Rodríguez)

Este venres 24 de outubro celebrarase na Gándara (A Guarda) unha festa-homenaxe na memoria do veciño e piloto rosaleiro Rubén Rodríguez "Trinta" con motivo da VII Subida a Oia, coñecida proba puntuable para o Campionato Galego de Montaña 2014.

O evento, que será público e aberto a todos/as, terá lugar no Bodegón-Tapería Os Seixiños, local rexentado polos seus familiares, a partir das 22:00 horas, coa presentación do antigo coche de Rubén, o Opel Corsa GSI de NT Competición.

Tal e como reza o cartel, haberá playseat, pinchos gratuítos e DJ. Máis información, aquí.