Créase a Oficina de atención a usuarios/as de electricidade no Baixo Miño

Informa: Susana Luna / Técnico da Oficina

A Oficina comarcal de asesoramento e información para persoas usuarias de electricidade comezou a funcionar o pasado día 2 de setembro no concello de Tui. Trátase dun proxecto da Deputación de Pontevedra en colaboración coa Unión de Consumidores de Galicia.

A oficina prestará asesoramento de forma individualizada a todos os veciños da comarca do Baixo Miño, estando situada na casa do concello de Tui (1º andar) e permanecerá aberta ao público ate o 31 de outubro en horario de 10 a 14 horas.