Celebrouse hoxe, 20 de xaneiro, a FESTA NA HONRA DE SAN SEBASTIÁN

Tivo lugar hoxe, venres 20 de xaneiro, a festividade de San Sebastián. A misa foi oficiada polo abade de Santa Mariña, D. Julio Ramos Rodríguez e acompañada polo coro parroquial.

Segundo lembra o historiador local Xoán Martínez Tamuxe, as primeiras referencias á capela do Santo atópanse no Libro I de Haciendas y Rentas de la Abadía del Rosal (1530). Dita ermida de San Sebastián, soldado romano e mártir, levántase á beira do Castro de Medas (ou Matamouros) na xuradía de Novás.