A Liga en Marcha. "Camiña e coñece"

Con este eslogan a Asociación Cultural Recreativa Liga de Amigos de O Rosal convoca aos seus socios este venres ás 22 horas á presentación da actividade que se realizará o vindeiro domingo 25 de xaneiro ao aire libre. Baixo o lema "Vén a camiñar con nós e coñece o noso contorno" a Sociedade anima a realizar unha ruta que ten como percorrido: Liga de Amigos-Pozas do Río da Cal-Liga de Amigos. Así mesmo o venres pola noite na cafetería do local se poderán ver e encargar copias das fotografías da cea do 90 aniversario. Para máis información destas e doutras actividades podedes achegarvos ata a súa sede ou contactar no seu teléfono: 986 62 50 73.