La Caixa (O Rosal) entrega a Servizos Sociais alimentos por valor de 1000 €

Informa: Concello do Rosal

A Obra Social La Caixa, a través de Begoña Abraldes Quesada, directora da sucursal de La Caixa no Rosal, acaba de entregar un lote de alimentos por valor de 1.000 €.

Os beneficiarios serán os veciños e veciñas máis desfavorecidos pola situación económica que estamos a sufrir e a súa entrega realizarase a través dos Servizos Sociais do Concello, segundo informa a súa concelleira responsable, Mª del Carmen Alonso Alonso, á vez que agradece en nome do Concello a sensibilidade e solidariedade mostrada pola entidade.