A ASOCIACIÓN DE PERSOAS MAIORES DO ROSAL CELEBRA O DÍA DO SOCIO

Segundo nos comunican dende a OMIX, a Asociación de Persoas Maiores do Rosal celebra o vindeiro día 15 de setembro o Día do Socio nas instalacións do Concello cunha comida típica: polbo, carne ó caldeiro, empanadas, etc. Finalizada a comida haberá unha actuación musical para amenizar a tarde. 

A Asociación conta con máis dun cento de socios que participan activamente en diferentes actividades: cursos de informática, ximnasia funcional, excursións, xogos de cartas, bingo social, xornadas gastronómicas, etc.

Se estás interesado en facerte socio pasa polo Centro Social Polivalente e alí te informarán.