O CANTANTE ROSALEIRO JOSÉ PÉREZ ACTUARÁ DE NOVO O VENRES 3 DE MAIO EN LUAR CON "ÉCHAME A MÍ LA CULPA"

Foto: Pablo González

O cantante rosaleiro José Pérez, representante da zona do Miño (Baixo Miño, Condado e Paradanta) no concurso "Recantos" do coñecido programa Luar, da Televisión de Galicia, volverá a actuar  en directo o venres 3 de maio, interpretando a canción "Échame a mí la culpa".

Así mesmo, hoxe sairán as imaxes da gravación previa que fai a TVG antes da súa actuación en Luar para presentalo, con -entre outras- visita a unha adega, a un coñecido bar da vila e aos Muíños do Folón-Picón.