O Rosal. V Gran Premio Deputación de Pontevedra

O pasado sábado 24 de abril e organizado polo Club Ciclista O Rosal tivo lugar o V Gran Premio de Ciclismo Deputación de Pontevedra na súa categoría junior con saída e chegada na Praza do Calvario.

Despois de 84 km percorridos -con metas voantes situadas en Tomiño, A Guarda e O Calvario e co Gran Premio da Montaña no Alto do Morán (San Miguel de Tabagón) e no Alto da Portela (entre Marzán e Portecelo)- o gañador final resultou ser David Rañó, do Club Ciclista Padronés-Aluminios Cortizo, seguido de Iván Roade, do Club Ciclista Vigués e en terceira posición Iago Carro (Cymasa).

Así mesmo Jacobo Ucha, do Club Ciclista Spol Caixanova levouse o triunfo na clasificación da Montaña e novamente David Rañó adxudicouse o das Metas Voantes.

Diferentes representantes do Concello do Rosal e o ciclista profesional da vila Serafín Martínez Acevedo procederon á entrega dos diferentes trofeos, tanto aos gañadores deste V Gran Premio como aos rapaces que participaron nas actividades da Escola de Ciclismo levadas a cabo polo Club do Rosal que preside Gerardo Álvarez Martínez. Velaquí vos deixamos a nosa reportaxe.

Ler máis

Presentouse no Rosal o Camiño Portugués da Costa

O xoves 22 de abril presentouse no Centro Social Polivalente a peregrinación por etapas do recentemente recoñecido Camiño Portugués da Costa que organiza o Concello dende o 8 de maio ata o 12 de xuño.

Abriu o acto o alcalde, Jesús María Fernández Portela, quen deu a benvida e agradeceu a presenza dos asistentes para de seguido dar paso ao representante do departamento de Cultura e Turismo, Juan Ramón Martínez Barbosa, que a grandes rasgos fixo unha descrición dos itinerarios e ía comentando as fotografías que se proxectaban na pantalla.

A concelleira Mª Carmen Alonso Alonso -experta peregrina- tamén interviu para dar uns prácticos consellos e solventar as dúbidas existentes entre os futuros participantes. Para ver máis fotos deste acto, facede clic aquí.

Ler máis

Reportaxe fotográfica da VII Feira do Libro do Rosal

O pasado domingo 18 de abril tivo lugar no Salón de Exposicións municipal a VII Feira do Libro do Rosal. Este evento estivo organizado pola concellaría de Cultura e contou coa participación de varias librerías do Baixo Miño e Val Miñor.

Así mesmo, tal e como estaba programado houbo un obradoiro de "sombras chinescas" a cargo de Olga Abad Prieto e tamén un pequeno concurso de debuxo de marcapáxinas co obsequio dun lote de libros, que gañaron Sandra Lomba Dorado (6 anos), Alba Rodríguez Videira (10 anos) e Genma González Vicente (14 anos). Velaquí vos deixamos a nosa reportaxe fotográfica.

Ler máis

Estamos en obras... perdoade as molestias...

Atopámonos traballando para -pouco a pouco- ir habilitando as distintas funcións do novo deseño, así como na redacción das diferentes reportaxes. En breve, tamén incorporaremos as primeiras crónicas e fotografías dos integrantes do noso equipo. ¡Graciñas a todos/as!

Ler máis

Queremos formar un gran equipo... ¿úneste?

Aínda que seguimos traballando nas nosas últimas reseñas e reportaxes...

-VII Feira do Libro do Rosal

-IV Mostra de Teatro do Miño

-Presentación do Camiño Portugués da Costa polo Concello do Rosal

-V Gran Premio Deputación de Pontevedra de Ciclismo

-Exposición de cómic na Biblioteca Municipal

-O Mecalia Atlético Novás de balonmán, en Badajoz

-Novo premio para a Banda da Agrupación Musical do Rosal

... en novas entrevistas e demais publicacións de interese para a cultura da nosa vila e do Baixo Miño, vémonos na obriga de pechar durante un tempo Noticias O Rosal ata seleccionar colaboradores/as que nos permitan afrontar o progresivo -e ultimamente, masivo- envío de información á nosa redacción e demanda de reportaxes por parte de lectores, institucións culturais, sociais e deportivas. Así mesmo en breve comezaremos un novo gran proxecto turístico-cultural onde abrimos as portas a calquera persoa, empresa ou entidade que desexe participar na iniciativa. Agradecendo calquera axuda que nos podades dispensar, recibide un cordial saúdo. Como sempre, podedes contactar con nós a través do noso correo electrónico noticiasorosal@hotmail.com, na rede social Facebook ou no teléfono 637 311 007.

Ler máis

Encontro organizado pola ANPA das Escolas Rurais

A ANPA das Escolas Rurais do Rosal que preside Aurora Lomba, celebrará un encontro lúdico no parque de Pías, o día 24 de abril ás 16:00 horas. Organizarán xogos tradicionais: o pión, a cachiza, a carreta, a corda...(invitan a traer os que teñan pola casa). Así mesmo desexan que asistan os avós e avoas para que lles ensinen a xogar. Levarase merenda para compartir entre todos e disfrutarase do parque. Tamén haberá talleres de pintura e globoflexia. En caso de choiva o encontro pasarase para o 8 de maio.

Ler máis

Podemos ver ao Novás en directo por Internet

Grazas á información que remite á nosa redacción Flores, os afeccionados e simpatizantes do balonmán rosaleiro poderán ver neste ENLACE os partidos por Internet da fase de ascenso á División de Honor B que vai a xogar o Mecalia Novás no pavillón "Juancho Pérez" (Badajoz), lembrando que tamén van radiar o encontro. Esta fase está organizada polo Balonmano Pines Extremadura Badajoz.

A programación segundo a páxina web é a seguinte:

-Venres 23, ás 18 horas: Nava Caja Segovia - Mecalia Novás. Ás 20 horas: Sant Martí (Barcelona) - Pines Badajoz. -Sábado 24, ás 17 horas: Nava Caja Segovia - Pines Badajoz. Ás 17:30 horas: Mecalia Novás - Sant Martí. -Domingo 25, ás 10:30 horas: Nava Caja Segovia - Sant Martí. Ás 12:30 horas: Pines Badajoz - Mecalia Novás.

Ler máis

Miguel Rodríguez Amenedo, gañador do cartel da Feira

A XVIII Feira do Viño do Rosal celebrarase os días 16, 17 e 18 de xullo na Praza do Calvario. Nela estarán representadas a maioría das adegas pertencentes á subzona do Rosal. Este ano o gañador do cartel anunciador da “XVIII FEIRA DO VIÑO DO ROSAL” foi o deseñador gráfico guardés Miguel Rodríguez Amenedo. Nos últimos anos este evento recibe a visita de máis de 30.000 persoas para disfrutar dos viños, dunha gran variedade de produtos típicos da zona e das actividades paralelas que completarán a oferta lúdica neses días.

Ler máis

Agustín Hernández visita as obras da VAP (Tui-A Guarda)

O conselleiro de Medio Ambiente, Territorio e Infraestruturas, Agustín Hernández visitou o luns 19 de abril as obras iniciadas recentemente do tramo III da Vía de Altas Prestacións Tui-A Guarda ao seu paso polo concello do Rosal. Aquí estivo acompañado polo presidente da Deputación de Pontevedra, Rafael Louzán, polo delegado territorial da Xunta en Pontevedra, José Manuel Cores Tourís, pola delegada da Xunta en Vigo, Lucía Molares Pérez, por diversos cargos e técnicos da consellería e da empresa construtora así como polos propios rexedores da Comarca do Baixo Miño. Entre eles, a alcaldesa de Tomiño, Sandra González Álvarez, o alcalde do Rosal, Jesús Mª Fernández Portela e o da Guarda, José Manuel Domínguez Freitas e diversos concelleiros das vilas mencionadas. Tras unha breve información a cargo dos técnicos da empresa –e antes de partir ata o concello de Tui- o Conselleiro interesouse polos posibles problemas xurdidos na obra con relación ás inquedanzas dos veciños, así como das solucións que puidesen minimizar o impacto da mesma. Velaquí vos deixamos a nosa reportaxe fotográfica.

Ler máis

Actividades culturais de Cruz Roja Baixo Miño

Segundo nos informa a nosa colaboradora Neli Rodríguez, aínda quedan prazas vacantes para o novo curso de Primeiros Auxilios e Socorrismo Terrestre que organizará en breve Cruz Roja Baixo Miño. Así mesmo esta Asamblea Comarcal realizará o xoves 22 de abril unha excursión cultural aos Cañóns do Sil e a Celanova coas asistentes ao "Taller de Estimulación de Memoria".

Ler máis

Novás. Festas na honra de San José Obreiro

O venres 30 de abril darán comezo en Novás as Festas de San José Obreiro cunha Gran Verbena a cargo da Orquestra Jerusalén e o Grupo Alkar, que se prolongará ata altas horas da madrugada. O día 1 de maio, ás 11:30 h. da mañá, acompañada da Banda de Música da Agrupación Musical do Rosal, terá lugar a baixada do Santo en Procesión ata a Praza de Ventosela, onde se celebrará ás 12 unha Misa de Campaña na honra de San José, que será cantada pola Coral da dita Agrupación da vila.

Xa de tarde, e a partir das 17:30 h., actuación do Grupo de Pandereteiras Orballo da A.M. do Rosal. De seguido, un dos pratos fortes, O Show dos Campelos, con Roberto (O Grande) e Paco (O Pequeno).

Durante as actuacións haberá unha subasta de produtos típicos do Rosal e galegos. Para finalizar, nova Gran Verbena coas Orquestras Suavecito e Panamá. Dende a Comisión de Festas lembran que o recinto estará cuberto por unha carpa. (Fotos: 2009).

Ler máis

Á venda un cruceiro da autoría de Julio Martínez

Xa está á venda unha das máis monumentais e mellores obras do xove canteiro do Rosal, Julio Martínez Martínez. Trátase dun artístico e impresionante cruceiro galego, de 5’90 metros de altura, que a bo seguro será idóneo por exemplo para un chalet ou casa de campo. O seu prezo: 8500 euros. Para máis información podedes contactar co artista nos teléfonos 986 62 57 33 / 658 050 423.

Ler máis

O V Gran Premio Deputación de Pontevedra, no Rosal

O vindeiro sábado 24 de abril a partir das 17:00 horas, disputarase o V Gran Premio Deputación de Pontevedra categoría Junior organizado polo Club Ciclista O Rosal. Tanto a saída como a chegada terán lugar na Praza do Calvario. As Metas Voantes estarán situadas en Tomiño, A Guarda e O Calvario (dúas veces) e o Gran Premio da Montaña no Alto do Morán (San Miguel de Tabagón) e no Alto da Portela (entre Marzán e Portecelo) tamén dúas veces. Velaquí vos deixamos a nosa crónica e reportaxe fotográfica da edición do pasado ano.

Ler máis

Enlaces de interese e webs da Comarca

Agrupación Musical do Rosal http://www.bandadorosal.org/

Agrupación Musical (facebook): 
https://www.facebook.com/pages/Agrupaci%C3%B3n-Musical-do-Rosal/174272082936?fref=ts

A Guarda en imaxens http://fotosaguarda.blogspot.com/ 

Anabam http://www.anabam.org/

ACOR http://comerciodorosal.com/

Asociación Os Cabaqueiros
http://www.asociacioncabaqueiros.blogspot.com.es/

Concello do Rosal http://www.concellodorosal.es/portal/

Coro Ecos do Folón http://ecosdofolon.blogspot.com/  

Club Ciclista O Rosal http://ccorosal.blogspot.com/

David Gómez Martínez (facebook): https://www.facebook.com/daviddecathlon?fref=ts

Deporte Baixo Miño http://deportebm.blogspot.com/  

Esjaravellando Cabaqueiro http://cabaqueira.blogspot.com/

Foro do Mecalia Atlético Novás http://atlnovas.mforos.com/

Galicia Suroeste http://www.galiciasuroeste.info/

Guía de Pontevedra http://guiadepontevedra.com/ 

Infogauda http://infogauda.blogspot.com/

Infomiño http://www.infomiño.com/

Lirolai-Grupo tradicional galego http://www.lirolai.com/ 

Losgustosmíos (Piño Gómez):
http://losgustosmios.blogspot.com.es/

Mecalia Atlético Novás (facebook): https://www.facebook.com/SDAtleticoNovas?fref=ts

O Bar do Trinta: http://obardotrinta.blogspot.com.es/

Óscar Vicente Rodríguez: http://www.oscar-vicente.com/

ProducionsBrais http://camposino1.blogspot.com.es/

Sabine Pfister http://sabinevasion.blogspot.com.es/

TBM Musical http://tbmmusical.blogspot.com/

Terrorismo Ambiental http://terrorismoambiental.espacioblog.com/ 

U.D. Ribera de fútbol: http://www.udriberaorosal.com/index.html

Xoán Martínez Tamuxe: http://www.xoanmartineztamuxe.blogspot.com.es/

Ler máis

V Feira de Oportunidades organizada por ACOR

O pasado domingo 11 de abril tivo lugar na Praza do Calvario a V edición da Feira de Oportunidades organizada pola Asociación de Comerciantes do Rosal que preside José Martínez González (Pepe Berdeal).

Os establecementos estiveron durante todo o día mostrando os seus produtos con importantes descontos á vez que, xa de tarde, se celebraba un concurso-obradoiro de debuxo e de globoflexia, a cargo de Patricia Dorado Pregal.

Precisamente o debuxo gañador foi o de Nerea Alonso Rodríguez, de 11 anos. En segundo lugar quedou o de Marcos López Riveiro e en terceiro, o de Noa A. Rodríguez. Velaquí vos deixamos a nosa reportaxe fotográfica deste -agora- evento anual.

Ler máis

Peregrinación polo Camiño Portugués da Costa

O Concello do Rosal organizará todos os sábados dende o 8 de maio ata o 12 de xuño unha peregrinación a pé por etapas a Santiago de Compostela polo Camiño Portugués da Costa. O custe desta actividade é de 35 euros en concepto de gastos do servizo de autobús. O prazo para inscribirse rematará este venres 16 de abril. Convocarase a todos os participantes a unha reunión conxunta no Centro Social Polivalente o día 23 de abril ás 20:00 horas.

Ler máis