FAI CLIC E DESCUBRE O NOVO DESEÑO DA WEB CULTURAL NOTICIASOROSAL.ES

Noticias O Rosal estreou o 7 de marzo novo deseño e contidos. Este blog manterase na rede, de momento, ata novo aviso, como complemento á páxina web

A VILA DO ROSAL DESPIDE CON EMOCIÓN A JOSÉ MARTÍNEZ GONZÁLEZ "PEPIÑO BERDEAL"

O ex-funcionario do Concello do Rosal e presidente da Asociación de Comerciantes da vila, era un dos veciños máis apreciados dos últimos tempos

VITORIA DE GABRIEL MARCELLI EN LLEIDA NO CAMPIONATO DE ESPAÑA DE TRIAL

O piloto rosaleiro vence na categoría júnior na proba valedeira para o “Spa RFME Campeonato de España de Trial Individual 2015”

ACTO DE CLAUSURA DO CURSO DE MONITOR DE FÚTBOL BASE CELEBRADO EN O ROSAL

A Casa Consistorial acolleu a entrega de diplomas e clausura do Curso coa presenza dos coordinadores José Luis Mosquera e Manuel Mosquera.

MÁXIMA EXPECTACIÓN ANTE A CHEGADA DA SEXTA EDICIÓN DA CARPA CARNAVAL DE FORNELOS

Entre outros, actuarán dende o venres 13 ata o martes 17 de febreiro, nestas Festas de Entroido: Traffic House, Dj Carlie, Diego Mei, Vallejo, Micy Dj, etc

A PRAZA DO CALVARIO ACOLLEU A VISITA E RECEPCIÓN DOS REIS MAGOS DE ORIENTE

As Súas Maxestades estiveron durante horas na vila do Rosal repartindo multitude de agasallos a pequenos e maiores, entre eles, libros e lambetadas

A ROMARÍA DE SAN MARTIÑO 2014 EN O ROSAL CELEBROUSE O DOMINGO 30 DE NOVEMBRO

A saída do Santo en procesión dende a igrexa parroquial de Santa Mariña, na Praza do Calvario, ata a súa ermida, foi ás 10:30 horas.

O PILOTO ROSALEIRO GABRIEL MARCELLI PROCLÁMASE TRICAMPIÓN DE ESPAÑA DE TRIAL

Gabriel Marcelli Carballido adxudícase o título tras vencer en Cabanillas de la Sierra (Madrid). Tamén consegue ser Campión Galego por quinta vez.

PRESENTACIÓN DA SEGUNDA EDICIÓN DO EVENTO DEPORTIVO “15K DEL ATLÁNTICO”

A carreira e a andaina 15k del Atlántico celébranse este domingo 5 de outubro percorrendo os concellos de Oia, O Rosal e A Guarda

O ESPECIALISTA DEFENSIVO ARKAITZ VARGAS FICHA POLO ACANOR ATLÉTICO NOVÁS

Na imaxe da presentación, Manolo “Campelo”, Moncho Vicente, Andrés Senra, Daniel Martínez, Arkaitz Vargas, Roberto Fernández e Modesto Augusto

ÉXITO TOTAL DA I EDICIÓN DA ANDAINA E CARREIRA “10K O ROSAL. FEIRA DO VIÑO”

Na imaxe, os gañadores absolutos da carreira 10k O Rosal Feira do Viño. No máis alto do pódium, Nuno Costa e Paula Mayobre. Más info neste enlace.

OS COORDINADORES DO 10K O ROSAL, ENTREVISTADOS NA RADIO MUNICIPAL DE TUI

Os rosaleiros Juan Ramón Martínez Barbosa, Óscar Vicente Rodríguez e Serafín Martínez Acevedo falaron da andaina e da carreira nos estudos da RMT

REPORTAXE FOTOGRÁFICA DA XIV ANDAINA “VAL DO ROSAL. O PARAÍSO DENDE AS ALTURAS”

Na imaxe, os participantes desta andaina, que visitaron o punto máis alto da vila, nos montes do Campo do Couto e os petroglifos próximos á Fonte do Home.

NOVA VITORIA DE GABRIEL MARCELLI CARBALLIDO NO CAMPIONATO DE ESPAÑA DE TRIAL

O piloto rosaleiro, imparable, é o favorito para facerse -por terceira vez- co Campionato de España de Trial. As próximas citas, Vila de Cruces e Andorra.

O ROSAL E O ATLÉTICO NOVÁS QUEREN FACER HISTORIA, por Juan Ramón Martínez Barbosa

Artigo do director de Noticias O Rosal, onde fala da Fase de Ascenso á División de Honor Prata do balonmán nacional que se celebra os días 2, 3 e 4 de maio

DEPORTISTAS E CLUBS, HOMENAXEADOS NO II RECOÑECEMENTO AO MÉRITO DEPORTIVO

O pasado sábado 12 de abril o Auditorio Municipal acolleu os premios aos mellores deportistas e clubs da vila. Na imaxe, autoridades e homenaxeados.

REPORTAXE FOTOGRÁFICA DA XIII ANDAINA O ROSAL. COÑECE O TEU CONCELLO

A vindeira andaina deportivo-cultural pola vila do Rosal celebrarase o vindeiro sábado 10 de maio, con saída dende o Alto da Portela (Marzán)

O 12 DE ABRIL CELÉBRASE O II ACTO DE RECOÑECEMENTO AO MÉRITO DEPORTIVO DO ROSAL

Na imaxe de 2011, na I edición, Gerardo Álvarez (ciclismo), Manolo Armán (balonmán) e Félix Piñel (atletismo) reciben os premios “Mención de Honra”.

ACTUACIÓN DO GRUPO ADREDDE NA FESTA DE ENTROIDO 2014 DE FORNELOS (O ROSAL)

O sábado 1 de marzo achegámonos ata Fornelos para ver en directo a animada actuación do Grupo Adredde e comprobar o ambientazo de Entroido

O LIBRO “MOLINOS” PRESÉNTASE EN PONTEVEDRA CON MENCIÓN ESPECIAL PARA O ROSAL

A nosa vila estivo representada polo alcalde, Jesús Mª Fernández Portela, así como por Tamuxe e Juan Ramón, autores do libro da historia dos Muíños do Folón-Picón

O ENTROIDO DE FORNELOS 2014, SERÁ, SEN DÚBIDA, DOS MÁIS ESPECTACULARES DA HISTORIA

Impresionante programa de Festas, con orquestras e grupos musicais, actuacións para nenos, Corrida do Galo, Frixidelas e como non, a 5ª edición da CARPA.

O ROSAL HOMENAXEA AO CICLISTA RAÚL FERNÁNDEZ, CAMPIÓN DE GALICIA E DE ESPAÑA

Na imaxe, Raúl Fernández na compaña dos seus compañeiros e directivos do Club Ciclista O Rosal, na recepción ofrecida no Concello.

RAÚL FERNÁNDEZ PROCLÁMASE EN CASTELLÓN CAMPIÓN DE ESPAÑA DE CICLOCROSS

Na imaxe, Raúl, flanqueado á esquerda polo exciclista profesional Serafín Martínez Acevedo e á dereita polo triatleta internacional, Óscar Vicente Rodríguez.

PROXIMAMENTE ANUNCIARASE A DATA DA II RUTA GUIADA ORGANIZADA POR NOTICIAS O ROSAL

A I Ruta Guiada Noticias O Rosal levou aos participantes a coñecer todos os segredos da ruta e historia dos emblemáticos Muíños do Folón e do Picón.

OS REIS MAGOS REPARTEN AGASALLOS A CENTOS DE NENOS/AS EN O ROSAL

Reportaxe fotográfica (máis de 300 imaxes) da visita e recepción na vila do Rosal de Melchor, Gaspar e Baltasar.

NOVO CONXUNTO DE GRAVADOS CRUCIFORMES NO LUGAR DAS CORTES

O historiador rosaleiro Xoán Martínez Tamuxe fala no seu blog deste achádego, recreación da cruz cristiá (séculos IV-V d. C.)

SERGIO RODRÍGUEZ, NETO DO CABAQUEIRO MANUEL "TRINTIÑA", INAUGURA “O BAR DO TRINTA"

Na imaxe, Serafín Martínez Acevedo (exciclista profesional e emprendedor deportivo), con Sergio (xerente do Bodegón-Tapería Os Seixiños. O Bar do Trinta).

TABAGÓN EN FESTAS (DÍAS 29, 30 E 31)

EN PROBAS

EN PROBAS

23 feb 2011

Inauguración da mostra de Gemma Marqués



O mércores 23 de febreiro ás 19:00 horas inaugúrase na Sala 2 de NovaCaixagalicia de Vigo unha exposición pictórica da artista burgalesa afincada na Guarda, Gemma Marqués.

A mostra -titulada Retratos y Bodegones- segundo a autora "constará de una veintena de obras de las series que he realizado en los últimos años, retratos al óleo por encargo, bodegones urbanos, contenedores y bidones, marinas y gamelas de A Guarda y una serie de vespas antiguas".

A exposición estará aberta ao público do 23 de febreiro ata o 30 de marzo deste 2011, en horario de luns a venres, de 18 a 21 horas e fins de semana-festivos de 11 a 14 horas e de 18 a 21 horas.

21 feb 2011

O SLG organiza un curso na vila do Rosal



O Sindicato Labrego Galego da comarca do Baixo Miño vai a desenvolver, a partir do xoves 24 de febreiro, un CURSO DE PODA E ENXERTO en froiteiras e viña no que se afondará sobre as seguintes temáticas:

- No tema da poda, farase fincapé nas froiteiras de pebida e de óso, e tamén na videira. En concreto, explicaranse aspectos como a poda de formación, frutificación e rexuvenecemento; cortes de poda; cicatrización das feridas; formas de poda; e materiais e ferramentas de poda.

- No tocante ao enxertado, falarase sobre os portaenxertos, técnicas de enxerto (enxertos de xema, estaca ou puxa…), época de enxerto (ollo velando ou durmido), e materiais e ferramentas do enxertado.

A duración do curso será de dúas semanas e contará con sesións teóricas e prácticas, co fin de que os e as asistentes poidan desenvolver no campo as diferentes técnicas explicadas nas clases teóricas.

O curso dará comezo o xoves 24 de febreiro, ás 19:00 horas, na Escola Taller de O Rosal, situada na Mata, concello de O Rosal. As persoas interesadas poden solicitar información ou inscribirse chamando aos teléfonos 986 62 53 94 - 669 80 84 17 ou a través do email: baixominho@sindicatolabrego.com.

15 feb 2011

Orixinal conxunto de esculturas no Torroso





Reportaxe fotográfica: Claudio Martínez Rodríguez

Velaquí vos deixamos esta interesante reportaxe fotográfica dun curioso conxunto artístico gravado en pedra nos montes do Torroso (O Rosal/Salcidos). As imaxes son propiedade de Claudio Martínez Rodríguez, que estivo acompañado nesa visita polo seu irmán Martín Martínez Rodríguez e Ana Elena Castro Dorna.

Segundo as nosas investigacións esta orixinal idea xurde hai uns quince anos aproximadamente, cando os escultores Pepe Antúnez Pousa, Félix G. Fidalgo e Alejandro Durán acordan facer estes gravados no monte, aproveitando certas formas que tiñan as pedras.

O recoñecido artista tomiñés Antúnez Pousa, en declaracións a Noticias O Rosal, afirma que a partir desas figuras naturais das rochas foron completando o que a pedra insinuaba, unido isto -pensamos nós- a unha extraordinaria creatividade e imaxinación, traballando só os domingos. Así mesmo que entre elas había labradas un aguilucho, dúas tartarugas, un polbiño, unha cabeza así como unha imaxe da Virxe. Un ano despois de comezar ese proxecto -confésanos- esa imaxe mariana foi sustraída.



Lembra Antúnez con morriña que con esta obra de arte ao aire libre e nun formidable emprazamento, marabilloso miradoiro cara ao Océano Atlántico, querían crear un pequeno recuncho de paz, tranquilidade, amizade, harmonía e ata de espiritualidade.

11 feb 2011

Sendeiro de Pescadores Río Miño-Tamuxe (2ª et.)


A segunda andaina -de carácter mensual e gratuíta- organizada polo Concello do Rosal, levou a preto de 200 persoas a percorrer o sábado 5 de febreiro o Sendeiro de Pescadores Río Miño-Tamuxe, homologado pola Federación Galega de Montañismo (PR-G 112).

Asistiron a esta nova cita –entre outros- o alcalde da vila, Jesús Mª Fernández Portela, a concelleira de Servizos Sociais, Mª Carmen Alonso e a concelleira de Educación, Mabel Franco Pérez, ademais de persoas de toda a comarca do Baixo Miño e aínda sendeiristas da cidade olívica e arredores.


Comezou a ruta nas inmediacións do Muíño das Aceñas, que proximamente será presentada ao público xa como Aula da Natureza, sendo xestionada conxuntamente polo Concello e Anabam (Asociación Naturalista do Baixo Miño).

Os numerosos participantes disfrutaron dun pequeno paseo ata a Ponte do Tamuxe (s. XIX) -construída sobre unha anterior, quizais romana- para xa enlazar coa Ribeira ata a praia das Eiras, atravesando a Canosa, e por tanto as parroquias de San Miguel e San Xoán de Tabagón.

Se ben o Sendeiro de Pescadores consta de 7’2 km, desta vez realizouse “ida e volta” ata o punto de partida, xa que con estas andainas culturais tamén se quere fomentar a actividade física e o deporte en xeral.

Cara ao final o grupo desviouse da senda un pouquiño para poder visitar o Artístico Arco de Tabagón, que se levantara o día anterior, facendo polo tanto, máis de 15 km de percorrido total.

Dende o Concello do Rosal lémbrase que a seguinte etapa será o vindeiro sábado 5 de marzo ás 15:30 horas, polo que recomendan apuntarse no Departamento de Cultura e Turismo (986 62 50 00) para confirmar o programa definitivo. En principio nesta ocasión percorrerase o tramo rosaleiro do Camiño Portugués pola Costa e ademais visitaranse os barrios de Portecelo e Sanxián, admirando a súa paisaxe marítima, a súa capela, os seus muíños, lavadoiros, cruces, cruceiros, petróglifos, etc.

A Cámara de Tui reuniuse co Alcalde do Rosal



Velaquí vos deixamos -íntegra e en castelán- a nota de prensa relativa á reunión que tivo lugar o xoves 10 de febreiro entre o Comité Executivo da Cámara de Comercio de Tui e o alcalde rosaleiro, Jesús Mª Fernández Portela:

• Después del encuentro de la semana pasada con Portos de Galicia, la Cámara continúa con los acercamientos institucionales y se reúne con el Alcalde de O Rosal

• Uno de los atractivos turísticos de esta zona es la Feria del Vino que el próximo mes de julio llegará a su XIX edición

• El sector vitivinícola rosalino es líder en Pontevedra ya que representa el 23% de la facturación y del empleo de todo el sector de la provincia

El Comité Ejecutivo de la Cámara de Comercio de Tui se reunió el jueves 11 de febrero con el Alcalde de O Rosal, Jesús María Fernández Portela, con el objetivo de conocer la situación actual del municipio y trabajar por la puesta en marcha de iniciativas para fomentar los recursos de la demarcación y en especial, del concello de O Rosal.

Para Gumersindo Alonso, presidente de la Cámara de Comercio de Tui, “el Concello de O Rosal es prioritario para la demarcación por ser referente en el sector vitivinícola autonómico gracias a la presencia de bodegas importantes de la denominación de Origen Rías Baixas. Prueba de ello es la organización, por parte de la Cámara, de recientes visitas en las que importadores de vino procedentes de Estados Unidos firmaron importantes acuerdos comerciales con las bodegas locales”.

Después del encuentro de la semana pasada con Portos de Galicia en el que se anunció un convenio, marco de colaboración para trabajar de manera coordinada en el impulso a la movilidad fluviolitoral en el río Miño, con la instalación de pantalanes de pasaje en Camposancos, Goián y Tui, la Cámara de Tui se reúne esta vez con el Alcalde de O Rosal con el objetivo de plantearle distintas propuestas para la promoción del municipio.

En concreto, iniciativas encaminadas a impulsar el vino de O Rosal con motivo de la Feria del Vino que el próximo mes de julio llega a su XIX edición. En la pasada edición, la Cámara de Tui organizó una misión comercial inversa con once importadores mejicanos de vino en la que pudieron conocer de cerca unos de los sectores más estratégicos de la demarcación, ya que cuenta con trece bodegas, 500 viticultores y 600 hectáreas de viñedos, así como establecer acuerdos comerciales con los bodegueros de O Rosal.

O Rosal, líder en el sector vitivinícola de la provincia

El concello rosalino destaca por sus afamados vinos de la denominación de origen Rías Baixas y representa el 23% de la facturación y el empleo del sector vitivinícola de la provincia de Pontevedra.

O Rosal es el municipio de la provincia donde trabajan más personas en el sector, seguido de Cambados y Salvaterra de Miño. En cuanto a la cifra de negocio, O Rosal ocupa el 2º lugar tras Cambados y por delante de Arbo.

El concello de O Rosal cuenta con una población de 6.570 habitantes, de los que el 2% son extranjeros. La extensión es de 44 km2 y la densidad de población de 149 habitantes por km2.

En el municipio hay registradas 294 empresas, de las que prácticamente el 50% se dedican a actividades industriales y construcción, el 30% son minoristas y el 20% restante, mayoristas y restauración.

10 feb 2011

Javier Riveiro e Abel Martínez, en Barcelos



Información facilitada e redactada por Roberto Valladares.

Despois de ter estreado a finais do ano pasado un Peugeot 206 XS o equipo rosaleiro formado por Javier Riveiro e Abel Martínez, renovan aposta nos rallyes do norte de Portugal con esta montura. Patrocinando este proxecto están:

• Bar D'Bute

• Moto Bar Queima Roda

• Xestoría Asnela

• Nahomar

• Bar Skape 34

• Cafés Musetti

• Transportes Los Gemelos

• Materiais de construción J. Rivero

Esta temporada vai comezar no Rali de Barcelos, proba puntuable para o campeonato Open de Ralis Portugués e organizada polo Clube Automóvel do Minho. Disputarase o sábado día 12, cun percorrido de 169'27 km, dos cales 69'11 km son cronometrados.

Como novidade, este rally introduce tres quilómetros en delicados pisos de terra. Nesta proba tamén sairá o equipo de San Xoán de Tabagón, formado por José Rodríguez e Óscar Rodríguez, co seu Opel Corsa GSI.

¡Moita sorte a ambos!

7 feb 2011

Si Radio ofrece un novo programa do Baixo Miño



A programación de Si Radio no Baixo Miño vese complementada cun novo programa que se emite de luns a venres, de 12 a 13:30 da tarde no Dial 107.1 FM. Trátase aquí especificamente a actualidade e as noticias da nosa Comarca, facendo fincapé en temas de cultura, servizos, asociacións, deporte local... entre outros.

Si Radio crea desta maneira un novo espazo para todos os oíntes dos municipios que compoñen a bisbarra baixomiñota. Dirixido por Cristóbal Vaquero, trata temas que verdadeiramente nos interesan, dando información puntual de cursos, exposicións, actividades sociais e culturais, ademais do día a día dos nosos concellos e das noticias máis destacadas na prensa diaria en Tui, Tomiño, O Rosal, A Guarda e Oia.

Últimas prazas para novo curso de Cruz Roja



Velaquí vos deixamos a última nota de prensa de Cruz Roja remitida á nosa Redacción:

"Últimos días de inscripción para el curso de Mediadoras/es en Prevención de Conductas Violentas de Cruz Roja Juventud.

La acción se organiza en Vigo para la incorporación de nuevos voluntarios a su proyecto Sen Violencia-Convivencia en las zonas de Vigo, Ponteareas y Baixo Miño.

El período de inscripción finaliza el próximo miércoles 9 de febrero de 2011.

Cruz Roja Juventud en Vigo, Ponteareas y Baixo Miño mantiene abierto el plazo para la inscripción en el próximo curso de mediadoras/es en prevención de conductas violentas, que comienza el próximo 14 de febrero de 2011.

Los destinatarios de esta acción formativa son jóvenes entre 18 y 35 años interesados en realizar actividad voluntaria en el proyecto Sen Violencia-Convivencia con población infantil y adolescente, en convenio con la Diputación Provincial.

El curso se estructura en una parte teórica y otra práctica, es gratuito con el compromiso de realizar actividad voluntaria y se desarrollará en la asamblea comarcal de Cruz Roja Española de Vigo (C/Ecuador, 16)

Las características principales del curso de Mediadoras/es en prevención de conductas violentas, financiado por la Diputación Provincial, y que se celebrará en Vigo, son diploma de 80h repartidas en 50h teórico-prácticas y 30h prácticas. Las horas teórico-prácticas versan sobre los siguientes temas:

Justificación del Programa

Psicología evolutiva

Acoso escolar

Derechos Humanos

Autoestima

Violencia

Violencia de Género

Habilidades sociales

Habilidades de comunicación

Resolución de conflictos

La Mediación

Manejo de grupos y Planificación de talleres

Esta formación está enmarcada entre las acciones que el programa de Prevención de Conductas Violentas “Sen Violencia-Convivencia” viene desarrollando en convenio con la Diputación Provincial de Pontevedra desde el 2003. Entre las acciones desarrolladas destacan los talleres “Sen Violencia-Convivencia” de secundaria, los talleres “Veteri” de primaria, la intervención en resolución de conflictos en los centros de menores, charlas para familias y docentes, formación homologada para profesorado… además de la Jornada anual de Convivencia Escolar que se viene desarrollando año tras año en el Pazo de la Diputación Provincial.

La formación se desarrolla del 14 al 25 de febrero de 2011 en horario de 09:00h a 14:00h .

Para más información e inscripción los interesados podrán dirigirse a:
Asamblea Comarcal de Vigo

c/ Ecuador nº 16, 36203, Vigo
Telf. 986 42 36 66

Asamblea Comarcal O Baixo Miño
c/ Agustín Nandín Lomba, 1 bajo
36780 A Guarda

Tlf: 986 61 46 09

Asamblea Local de Ponteareas

c/ Oriente nº8, Centro Social 1º planta
36860 Ponteareas

Tlf: 986 64 17 94

Luis Sández e Borja Cadilla, en Portugal




Os atletas Luis Sández, de Tui (na imaxe chegando á meta) e Borja Cadilla, de A Guarda, pertencentes ao Club Deportivo San Xerome, participaron o pasado fin de semana na XIII edición da Meia Maratona Manuela Machado, na vila portuguesa de Viana do Castelo.

Masiva participación internacional e moi boa organización do evento, no que se combinaba a proba atlética cunha camiñada pola vila de Viana. Participaron máis de 1.000 persoas, entre elas, quince deportistas e adestradores do noso club.
O keniata Evans Taieget, cun tempo de 1:03:21, foi o vencedor da Meia Maratona, seguido do ruso Oleg Kulkov, e o portugués Sergio Silva.
Borja Cadilla, mellorou a súa mellor marca en 3 minutos, facendo un tempo de 1:37:07. Pola súa banda Luis Sández no seu debut na proba fixo un meritorio tempo de 1:45:33.

O atleta guardés ocupou o posto 675 e Luis o 1030, dos 1475 atletas que conseguiron rematar a proba (o último cun tempo de 2:33:19).

Noraboa a Luis e Borja, que seguen a súa preparación para o Campionato Galego de Campo a Través. Felicitar tamén aos seus adestradores José Morais, Roberto Trigo, David Parada, Mario Lomba e Pepi Vázquez, polo seu enorme e solidario traballo.

Actos do 30 Aniversario do Centro San Xerome



Velaquí vos deixamos a nota de prensa íntegra que baixo o título 1981 – 2011:  30  anos construídos entre tod@s foi remitida á nosa Redacción, ao igual que varias imaxes dos inicios do Centro San Xerome:

"O próximo martes día 8 de febreiro, cumpriremos 30 anos de existencia. A nosa historia estase a escribir con sucesivos capítulos cheos de incógnitas, dúbidas, dificultades e satisfaccións, pero nos que o apoio moral, económico e solidario do noso entorno tivo e segue tendo unha gran importancia, suplindo durante anos o abandono e as carencias da Administración. A colaboración cidadá foi clave no noso desenvolvemento.

Queremos celebrar este aniversario, ó longo do 2011, con diferentes actos nos que necesitamos sentir moi preto ese apoio, o estímulo e impulso das persoas que continúan ao noso lado: familias, voluntarios, colaboradores … para renovar as nosas forzas, de cara a acometer os importantes retos que se aveciñan.


O martes día 8, festividade de San Xerome Emiliani, iniciaremos as celebracións e imos facelo coa colaboración do Concello da Guarda. A actividade vai consistir na plantación de 30 carballos na zona do Montiño (Monte Trega), simbolizando estes 30 anos de actividade. Cada carballo terá un valor simbólico, un obxectivo, un logro ou unha reivindicación relacionado co ano correspondente.


A actividade, aberta a todas as persoas que queiran participar, consistirá no seguinte:

- Saída do Cole ás 10 h. da mañá (rúa Galicia, 23)
- Camiñata ata o Montiño
- Prantación dos 30 carballos
- Regreso a pé ata o Cole, aproximadamente ás 12 h.

¡Agardamos a vosa participación!



30 anos, 30 proxectos, obxectivos, logros e reivindicacións.

Estes son os grandes titulares, a letra pequena irémo-la debullando ó longo destes 11 meses de celebracións.

• 1981: Inauguración - Inicio da historia

• 1982: Subsistencia grazas ó peto, a esmola, a caridade…

• 1983: Colectivo de Mariñeiros, empresas e socios, substitúen economicamente á Administración

• 1984: Primeiras axudas de organismos oficiais

• 1985: Primeiras actividades de ocio e creación do grupo de baile “Arco da vella”

• 1986: O invernadoiro xa produce prantas e hortalizas

• 1987: Juan Francisco, Pablo, Miguelito… por fin teñen ascensor no Centro!

• 1988: Primeiro convenio económico coa Consellería de Educación

• 1989: Traslado do Cole á Sangriña, por obras. Outra vez escaleiras!

• 1990: Constitución da ANPA Joaquina de Otero, para apoiar a labor da Xunta Directiva da Asociación San Xerome

• 1991: Reivindicación diante do Presidente da Xunta para consegui-la finalización das obras do novo Centro.

• 1992: Primeira furgoneta

• 1993: Inauguración das obras de remodelación do Centro

• 1994: Abre as súas portas a Tenda Atalaia

• 1995: Constitución do Club Deportivo

• 1996: Posta en funcionamento do Programa de respiro familiar “A Casiña”

• 1997: Inicio das obras dos Talleres ocupacionais, e novo acceso pola Rúa Ramón Sobrino

• 1998: Creación do Centro especial de emprego de xardinería

• 1999: 25 centros galegos e portugueses na VII Convivencia intercentros no Cámping Santa Tecla.

• 2000: Cesión da Quinta das Mercedes na Gándara por parte do Bispado

• 2001: Presentación do documental “Eu son así”

• 2002: Fase de reflexión “O novo San Xerome”. Cambios no Organigrama

• 2003: Xerock. A loita contra a exclusión a golpes de rock and roll.

• 2004: Declarados entidade de utilidade pública

• 2005: Intensificación das actividades de ocio e integración co IES A Sangriña

• 2006: 25 aniversario (Homenaxe ós fundadores da Asociación e Festival IntegrAcción. “Música e solidariedade”).

• 2007: I Mostra da Camelia e I Poxa benéfica de arte

• 2008: En Europa co Proxecto Comenius, e nos escenarios co grupo de teatro Xeratrium

• 2009: Presentación do documental “Cantos rodados”

• 2010: Programa de ocio e vivenda con apoio. Presentación do documental “O sexo sentido”

• 2011: O futuro: Plan estratéxico e calidade

6 feb 2011

Xa está funcionando a Oficina Virtual do Oral



O seu sistema de información está preparado para que os contribuíntes realicen determinadas xestións tributarias a través de Internet de forma segura. O acceso a estas xestións se poden facer mediante o portal web do ORAL (oral.depo.es) ou o portal da Deputación de Pontevedra (http://www.depo.es/). En ambos casos se establece unha conexión segura e en tempo real coa aplicación do ORAL.

Unha vez identificado o contribuínte de forma segura a través do DNI electrónico se lle permite, en tempo real, xestionar e consultar:

• A súa información ou conta tributaria sen esixir unha segunda acreditación.
• Recibos en voluntaria, executiva ou incluídos nun expediente de apremio.
• Recibos pendentes
• Recibos de multas
• Expedientes de xestión
• Bens (inmobles, vehículos e actividades económicas)
• Localización na cartografía oficial do Catastro
• Domiciliación dos seus recibos
• Alta de autoliquidación de vehículos (só municipios con convenio: Lalín, O Porriño, Ponte Caldelas e Pazos de Borbén)
• Posibilidade de pago de recibos
• Posibilidade de imprimir os seus recibos para poder pagalos posteriormente no seu banco e/ou caixa
• Datos fiscais do contribuínte.

3 feb 2011

O V Torneo de Cachiza de Pías, o sábado 5 de marzo



Xa queda pouquiño! Velaquí vos deixamos o cartel do V Torneo de Cachiza de Pías. San Gregorio, 2011, así como o enlace ás fotos da pasada edición.

Festas da Saúde e San Brais 2011 en Tabagón



A parroquia rosaleira de San Xoán de Tabagón, celebra un ano máis, as súas grandes Festas na honra da Virxe da Saúde e San Brais.

PROGRAMA DE FESTEXOS

VENRES 4 DE FEBREIRO (festivo local) 
·Ás 13:00 horas, haberá unha gran tirada de fogo graneado.

·Ás 16:00 horas, Treboada e xa ás 18:00 horas procederase á Subida do Artístico Arco. Nas últimas décadas vén sendo autor do seu deseño o colaborador e debuxante tabagonés Ángel Pérez, que cada ano é o encargado de que o arco sexa diferente e novidoso. Nesta ocasión alúdese aos oito séculos da consagración da Catedral de Santiago de Compostela (plano xentileza de Roberto Valladares).
·Ás 20:00 horas haberá un animado ambiente tradicional.

SÁBADO 5 DE FEBREIRO
·Ás 10 e ás 11 da mañá, así como ás 6 da tarde, misas rezadas a San Brais, bispo e mártir.
·Tamén ás 11 horas, entrada do grupo de baile Do Lusco ó Fusco (treboada, gaitas e baile).
·Ás 12 da mañá, Misa Solemne na honra de San Brais, con Sermón e Procesión.
·A partir das 22:00 horas, presentación das orquestras Satélites e Trébol.

DOMINGO 6 DE FEBREIRO
·Ao mencer, tirada de bombas de palenque.
·Ás 9, 10 e 11 da mañá, así como ás 6 da tarde, misas rezadas na honra da Virxe da Saúde.
·Ás 11 horas, fará entrada a Banda de Música da Agrupación Musical do Rosal.
·Ás 12 horas, celebrarase a Misa Solemne na honra da Virxe da Saúde, con Sermón e Grandiosa Procesión.
·Pola tarde haberá hinchables para os nenos e chocolate de balde para todos, coas actuacións de Airiños do Tamuxe, a Agrupación Folk Tarxa. Asociación Veciñal de Castrelos.
·Rematarán estas festas da Saúde e San Brais cunha gran tirada de bombas.

2 feb 2011

Singular protesta de J. Enrique (A Competencia)



José Enrique Rodríguez Vicente, propietario do rosaleiro Bar A Competencia, situado en plena Praza do Calvario, realizará hoxe -xoves 3 de febreiro e durante todo o día- unha SINGULAR PROTESTA nas inmediacións do seu local pola nova Lei Antitabaco. Segundo José Enrique “dende que esta lei entrou en vigor trátannos como a apestosos".
 

O empresario, que leva cinco anos rexentando este coñecido establecemento da vila, afirma que “a maioría dos nosos clientes están en contra desta lei” e quéixase das importantes inversións que tiveron que soportar el e os demais hosteleiros hai dous anos para que agora, dende xaneiro, “nos cambien todo e nos teñan de brazos cruzados, con menos ingresos, menos clientes e maior descontento”.

José Enrique recalca que “iso si, prohíbese fumar pero aumentan os sitios onde se pode vender o tabaco… hai cousas que non se entenden”. Reclama abertamente que "haxa máis respeto entre todos" e “a ver se esta pequena acción individual da pé a unirnos ou a que se tomen medidas. Cada local debe ter o dereito a elixir, ten que haber unha alternativa, ¿non estábamos ben como estábamos antes da Lei Antitabaco?”

Nunhas horas saberemos máis da súa manifestación-protesta.

1 feb 2011

A Policía Local xa conta cun novo vehículo




Recentemente o conselleiro de Presidencia, Alfonso Rueda, presidía na Academia Galega de Seguridade Pública (Agasp) de A Estrada, a entrega de 20 vehículos todoterreo e 20 motos para a Policía Local de Galicia.

A este acto asistían alcaldes dos municipios beneficiarios, os directores xerais de Administración Local e Emerxencias -Norberto Uzal e Santiago Villanueva- así como o delegado territorial da Xunta en Pontevedra, José Manuel Cores Tourís.

Ao igual que O Rosal recibiron motos os concellos de Barbadás, Betanzos, Boiro, Bueu, Cambados, Cambre, A Guarda, Melide, Nigrán, A Pobra, Poio, Porriño (2), Ribadeo, Ribeira (2), Salvaterra, Sanxenxo e Soutomaior.

Estas motocicletas de patrulla teñen un deseño e rotulación similar aos vehículos de catro rodas, como poden ser os logos, símbolos, teléfonos de emerxencia, etc. En canto ao seu equipamento, contan cun mastro de luces, luces tipo led, sirena, mando de control, carenado dianteiro para a protección aerodinámica, barras de protección laterais e maletas homologadas e/ou compartimento de carga, con capacidade para aloxar o equipamento básico e as prendas de reserva do motorista.

Segundo afirman os axentes da Policía Local rosaleira “esta moto Piaggio de 300 cc é de patrulla e desprazamento” destacando que “a bo seguro resultará de gran importancia para o servizo dos veciños, en canto a mobilidade e proximidade, xa que poderá acceder a puntos aos que co coche sería imposible ou moi difícil chegar”.

30 ene 2011

Entrevista a Sergio Alonso e Zaira Solla


A parella rosaleira Sergio Alonso e Zaira Solla embarcarase este ano 2011 nunha trepidante aventura. Esta consistiu en primeiro lugar na creación do equipo de rallys Alonso30 Competición, baixo a escudería Racing Sport, para, se é posible, participar na Copa Kumho Senior, proba valedeira para o Campionato Galego.

Cun atractivo, fiable e prometedor Peugeot 106 Rally a bo seguro darán espectáculo a raudais e intentarán realizar un digno papel no seu primeiro ano nesta competición.

Reunímonos con Sergio (piloto) e Zaira (copiloto) no seu piso, en plena Praza do Calvario, na parroquia de Santa Mariña do Rosal, para saber máis do seu novidoso proxecto e as sensacións que teñen, uns meses antes de comezar a temporada en Galicia.


Boas tardes aos dous e graciñas dende Noticias O Rosal por concedernos esta pequena entrevista, xa que desta maneira coñeceremos un pouco mellor o mundo do motor, todo o que rodea aos rallyes, máxime na comunidade galega.

SERGIO ALONSO TREINTA, PILOTO (Novás, 27-I-1986)


-Sergio, temos entendido que esta será a túa quinta temporada no mundo dos rallys (as catro primeiras como copiloto e esta, a de 2011, xa como piloto), ¿como comezou esta afección?
Pois xa dende pequeno, a verdade. Sempre me gustaron os coches, e cando puiden, aos 16 anos, fun a ver a miña primeira carreira, o Rías Baixas. Saquei o carné aos 18 e claro, me interesei aínda máis polos rallyes, bueno, realmente non me perdía un (risas).


-¿Que te levou a dar este paso, o de cambiar de asento, e poñerte agora aos mandos do volante do voso Peugeot 106?

Dende que en maio de 2007 tiven a sorte de comezar neste mundo, como copiloto de Iván Gómez Álvarez, de Martín, a bordo dun Citroën Saxo VTS Grupo A, na coñecida proba do Rally Rías Baixas -no Campionato de España-, sempre souben que o que quería era conducir o meu propio vehículo.

-¿En que probas participaste nesa túa primeira temporada?
No citado Rally Rías Baixas e no Rally de Ferrol, probas pertencentes ao Campionato de España de Rallyes e outra valedeira para o Campionato de Portugal, o Rally Albariño.

 

-¿E que tal vos foi nesa experiencia? ¿O coche respondeu?
Como estábamos comezando o importante era remata-las carreiras, cousa que conseguimos en dúas das tres que disputamos. Na primeira, quizais polos nervios e que ías un pouco a cegas, sufrimos unha avaría e non puidemos finalizar a proba. Logo tanto en terras ferrolás como no Rally do Alvhariño en Monçao (Portugal), foinos ben, o coche non fallou e rematamos como o cuarto equipo español mellor clasificado.



-¿Sempre competiches como copiloto con Iván e o Saxo VTS?

Con Iván e nese mesmo vehículo, disputei en 2008 varias probas do Campionato Galego Volante RACC (Rally de Noia-A Coruña, Rally Sur do Condado-Salvaterra, Rally Ourense Baixa Limia….)

Dende 2009 comecei de copiloto de Juan Pablo Barrio Lorenzo, de Domaio (Moaña), a bordo dun Clío Sport Grupo N, facendo moi boas probas, destacando por exemplo o noso terceiro posto do Grupo N-3 no Rally do Albariño.

ZAIRA SOLLA RODRÍGUEZ, COPILOTO (A Cachada-Marzán, 25-XI-1990)



-Zaira, ao igual que Sergio -e en verdade, sorprendidos- preguntámoste polos teus comezos no mundo do motor e os rallys. ¿Como xurde esta paixón?

Pois mira, iso xa me vai na sangue (risas). O meu pai era moi afeccionado ao mundo dos rallyes e claro comecei a ir a miralos cando era moi pequena, cando tiña máis ou menos 10 anos.

-¿Xa con dez aniños?

Si, fun coa miña nai e uns amigos ao Campionato de España de Rallys de terra, que precisamente rematou nas inmediacións da coñecida adega Terras Gauda. Eu, como digo, era pequena e para ir aos rallys tiña complicado asistir, pero a miña nai intentaba levarme aos máis próximos (Rías Baixas, Subida a Oia…)

Con 18 anos comezo con Sergio e prosigo coa miña afección ao mundo do motor. Agora xa viaxando por Galicia e Asturias, intentando seguir as máximas probas posibles.

-“¿Se me compro un coche ves comigo de copiloto?” Esta foi a pregunta -máis que directa- que lle realizou Sergio a Zaira.

¡Eu non mo cría!, pensei: “¿Estaramo dicindo en serio?..”, ata que vin que el comezaba a interesarse por un vehículo adecuado para competir. Entón aí xa vin que a cousa si ía en serio e puxémonos a buscar un coche que nos gustara aos dous e a adestrar en condicións.




-¿Como e por que vos decantáchedes polo Peugeot 106 Rally?

Tiñamos en mente varios modelos e si que nos tiraba un pouco a marca Peugeot. Para comezar, informámonos ben en páxinas webs especializadas e consultamos a varios profesionais do motor. Despois de buscar moito e pensar todas as posibilidades ao final gustounos este Peugeot 106 Rally, xa a primeira vista. Comprámolo en Asturias a un recoñecido equipo de Mieres. É un coche fiable: pequeno, estable, rápido, manexable… sen dúbida, moi competitivo.


-¿Que diferencia hai dun coche de rally a un turismo ordinario?

Un coche de rallys vén preparado cun sistema de seguridade moi distinto aos coches de rúa. En primeiro lugar, teñen barras antivolcaxe (vuelco), que están por todo o coche: polos laterais, polo teito… tamén contan con asentos especiais e específicos (baquets), cintos de seguridade (arneses)…. Vén equipado con varios extintores: un é manual, que está aos pés do copiloto e outro é automático, que se atopa ao alcance de piloto e copiloto. ¡Uff! ¡Moitísimas cousas!


-Temos constancia dende Noticias O Rosal que hai varios pilotos rosaleiros disputando carreiras de rallys en Portugal. ¿Por qué vos decidíchedes entón polo Galego?

Sabemos que ao Campionato Galego asiste moitísimo público das catro provincias, xente que vén da propia Portugal, e por suposto coñecida nosa, polo tanto teríamos máis afección apoiándonos. Ademais, compites na túa terra. Son rallys máis completos, máis quilómetros cronometrados.

Recoñecemos que o Galego ten un custo superior ao Campionato Portugués, pero, a verdade, é non é por nada, preferimos correr en Galicia e non en Portugal, por iso de que somos da terriña.

-¿Por qué a Copa Kumho?

Porque dentro do Campionato Galego de Rallys existen varias copas de promoción e está é unha das máis atractivas e na que podemos competir con opcións a facer un bo papel, xa que cumprimos todos os requisitos, isto é:

a) O coche ten un motor 1600 cc

b) Pola miña idade –afirma Sergio- case competiríamos na Junior, pero finalmente participaremos na Copa Kumho Senior, xa que é para maiores de 25 anos.

c) Podemos loitar contra outros pilotos que corren nas nosas mesmas condicións, isto é, con vehículos moi similares en cuanto a motor, rodas…



-¿Quen organiza esta Copa Kumho do Campionato Galego de Rallys?

Pois a organizadora é a Federación Galega de Automobilismo coa ASR TYRES, S.L., tendo o apoio e colaboración da Consellería de Presidencia da Xunta de Galicia e a Secretaría Xeral para o Deporte.


-¿Cal é a primeira proba á que tedes intención de asistir se logrades conseguir os suficientes patrocinadores para este proxecto? ¿Cantas disputaríades neste 2011?

A primeira proba será o 12 de marzo, cando se celebre o XVII Rally do Cocido, en Lalín. O Campionato consta de nove: en abril, o Rally Ría de Noia, en maio, o Rally comarca de Ulloa, en xuño o Rally Cidade de Narón, en xullo o Rally Condado-Gedas, en setembro, o Rally San Froilán, en outubro o Rally Ourense-Baixa Limia, en novembro o Rally Botafumeiro e xa en decembro, o Rally do Albariño.

-¿Contades con equipo mecánico ou de apoio?

Si, por suposto. Contamos cun experimentado equipo que xa ten participado en varios Campionatos de Galicia e de España de Rallys.

Entre outros están: Enrique Moreira, o noso electromecánico, que se encargará do sistema eléctrico e dos problemas que puidera sufrir o coche; Fernando Álvarez, mecánico, centrarase en temas concretos do motor e o coche en xeral; dous axudantes de mecánico, Jonathan Martínez e Jorge Treinta, así como moitos máis asistentes e colaboradores en diferentes ámbitos que se unirán se o proxecto definitivamente vai adiante.



-¿Canto fai falta para que poidades cumprir o voso sono de poder participar alomenos na primeira proba de marzo?

Contando que temos que comprar as rodas regramentarias da Copa kumho (204 € a unidade), sacar as correspondentes licenzas (300 € o piloto e 180 € o copiloto, e a asistencia, 80 €), ademais do seguro (500 €), calculamos que o presuposto necesario para cubrir a nosa primeira proba sería ao redor dos 3000 euros, pero claro está, que a partir do primeiro rally xa non hai gastos como eses da licenza, seguro, etc.

Así que para cada rally teríamos que dispor de polo menos 600 euros, xa que a inscrición ten un custo de 330 euros e xa só en gasolina precisamos outros 200 euros. E bueno, despois gastos de adestrar, comer, durmir, a peaxe das autopistas, etc.

-¿Tedes algún tipo de subvención? ¿Contades con algún presuposto para comezar?

Pois é unha mágoa pero non temos subvención algunha. Iso si, dende hai tempo abrimos unha conta na que ingresamos cada mes certa cantidade, para aforrar para os gastos do equipo. A nosa ilusión, sería que algunha empresa ou empresas do Rosal ou do Baixo Miño nos axudaran neste proxecto. Cremos que sería unha boa oportunidade para calquera patrocinador, xa que a súa empresa iría rotulada no propio coche, disporemos en breve dunha páxina web do equipo onde se poñería tamén a súa publicidade, canal con todos os nosos vídeos en Youtube, enlaces a outras páxinas do motor, etc.


-¿Cal sería entón o impacto mediático e publicitario da vosa participación? ¿Qué gaña unha empresa ou institución se vos axuda no voso proxecto?

Primeiro que a publicidade que xeraríamos chegaría a toda Galicia, a gran parte de España e aínda de Portugal, xa que a cada rally asisten miles de persoas de todos os puntos da xeografía nacional e aínda da lusa.

Se finalmente algunha empresa nos axudara un pouquiño, xa tivemos o primeiro contacto co representante dun equipo de prensa acreditado, que seguirían paso a paso a nosa andaina por todas as probas da Copa Kumho.

O coche e a súa publicidade aparecerá en miles de fotografías en toda a Rede, centos de vídeos nas páxinas de motor, varias aparicións en programas de TV, e presenza continua nas revistas especializadas. E claro, se facemos un bo papel a repercusión sería moito maior.

Temos a intención tamén de facer camisetas e todo tipo de “merchandising” co logotipo do equipo e os patrocinadores para distribuílos nos rallys e a través da nosa propia web, que estará enlazada ás principais páxinas e blogs do motor galego e nacional.

-Pois ata aquí chegamos. Fin do primeiro tramo. Dende Noticias O Rosal brindámosvos o noso humilde e incondicional apoio nesta nova experiencia deportiva. E tan só nos queda darvos novamente as grazas por atendernos e desexarvos moita sorte e animar a empresarios e institucións a que tamén colaboren con vós neste proxecto para o Campionato Galego de Rallys. ¿Queredes deixar algún teléfono de contacto ou algunha mensaxe máis?

Pois si, agradecidos. Todas aquelas persoas ou patrocinadores que desexen axudarnos de calquera forma ou queiran máis información deste proxecto poden contactar con nós nestes teléfonos e correo electrónico:

Sergio Alonso Treinta (piloto): 620 110 776

Zaira Solla Rodríguez (copiloto): 699 724 114

E-mail do equipo: s.alonso_30@hotmail.com

E nada máis, dende Alonso30 Competición, moitas grazas de verdade pola oportunidade que nos brindades de dar a coñecer un pouco máis o noso proxecto deportivo neste apaixonante mundo dos rallys e esperamos deixar ben alto o pavillón do Rosal e o Baixo Miño alá por onde vaiamos.

FIN DO PRIMEIRO TRAMO
Praza do Calvario, 31 de xaneiro de 2011.