Visita turística a O Rosal dos maiores de Allariz (Ourense)

O xoves 18 de setembro, previo contacto co Departamento de Turismo que dirixe Ángeles Vicente Manzano, tivo lugar unha visita a O Rosal dunha representación dos maiores -según eles mesmos, mozos- de Allariz. Acompañando ao grupo estaban, entre outras, a Concelleira de Benestar Social, Pilar Gallego Cid e a rosaleira Ana Pérez Cardoso, Técnica de Igualdade dese concello ourensán. En primeiro lugar e ás 10'30 horas visitaron a igrexa parroquial de Santa Mariña, onde os agardaban o guía municipal rosaleiro e o noso abade, D. Julio Ramos quen amablemente lles ofreceu unhas pequenas explicacións do templo e do altar maior barroco. Seguidamente tomaron uns cafeciños e puxeron rumbo aos Muíños do Folón. Aquí puideron admirar a conversión do millo en fariña na demostración de moenda que se realizou no "Muíño das Laxes". Rematada esta, comezaron o percorrido polos nosos muíños rosaleiros, facendo (como bos mozos) a ruta completa nun ambiente de ledicia e cordialidade. As Aceñas foi o seu seguinte destino, onde pararon a comer antes de achegarse ao veciño concello da Guarda. Aquí vos deixamos as fotografías da súa estadía na nosa Vila:

http://orosalenimaxes.blogspot.com/2008/09/visita-dos-maiores-mozos-de-allariz-o.html