FAI CLIC E DESCUBRE O NOVO DESEÑO DA WEB CULTURAL NOTICIASOROSAL.ES

Noticias O Rosal estreou o 7 de marzo novo deseño e contidos. Este blog manterase na rede, de momento, ata novo aviso, como complemento á páxina web

A VILA DO ROSAL DESPIDE CON EMOCIÓN A JOSÉ MARTÍNEZ GONZÁLEZ "PEPIÑO BERDEAL"

O ex-funcionario do Concello do Rosal e presidente da Asociación de Comerciantes da vila, era un dos veciños máis apreciados dos últimos tempos

VITORIA DE GABRIEL MARCELLI EN LLEIDA NO CAMPIONATO DE ESPAÑA DE TRIAL

O piloto rosaleiro vence na categoría júnior na proba valedeira para o “Spa RFME Campeonato de España de Trial Individual 2015”

ACTO DE CLAUSURA DO CURSO DE MONITOR DE FÚTBOL BASE CELEBRADO EN O ROSAL

A Casa Consistorial acolleu a entrega de diplomas e clausura do Curso coa presenza dos coordinadores José Luis Mosquera e Manuel Mosquera.

MÁXIMA EXPECTACIÓN ANTE A CHEGADA DA SEXTA EDICIÓN DA CARPA CARNAVAL DE FORNELOS

Entre outros, actuarán dende o venres 13 ata o martes 17 de febreiro, nestas Festas de Entroido: Traffic House, Dj Carlie, Diego Mei, Vallejo, Micy Dj, etc

A PRAZA DO CALVARIO ACOLLEU A VISITA E RECEPCIÓN DOS REIS MAGOS DE ORIENTE

As Súas Maxestades estiveron durante horas na vila do Rosal repartindo multitude de agasallos a pequenos e maiores, entre eles, libros e lambetadas

A ROMARÍA DE SAN MARTIÑO 2014 EN O ROSAL CELEBROUSE O DOMINGO 30 DE NOVEMBRO

A saída do Santo en procesión dende a igrexa parroquial de Santa Mariña, na Praza do Calvario, ata a súa ermida, foi ás 10:30 horas.

O PILOTO ROSALEIRO GABRIEL MARCELLI PROCLÁMASE TRICAMPIÓN DE ESPAÑA DE TRIAL

Gabriel Marcelli Carballido adxudícase o título tras vencer en Cabanillas de la Sierra (Madrid). Tamén consegue ser Campión Galego por quinta vez.

PRESENTACIÓN DA SEGUNDA EDICIÓN DO EVENTO DEPORTIVO “15K DEL ATLÁNTICO”

A carreira e a andaina 15k del Atlántico celébranse este domingo 5 de outubro percorrendo os concellos de Oia, O Rosal e A Guarda

O ESPECIALISTA DEFENSIVO ARKAITZ VARGAS FICHA POLO ACANOR ATLÉTICO NOVÁS

Na imaxe da presentación, Manolo “Campelo”, Moncho Vicente, Andrés Senra, Daniel Martínez, Arkaitz Vargas, Roberto Fernández e Modesto Augusto

ÉXITO TOTAL DA I EDICIÓN DA ANDAINA E CARREIRA “10K O ROSAL. FEIRA DO VIÑO”

Na imaxe, os gañadores absolutos da carreira 10k O Rosal Feira do Viño. No máis alto do pódium, Nuno Costa e Paula Mayobre. Más info neste enlace.

OS COORDINADORES DO 10K O ROSAL, ENTREVISTADOS NA RADIO MUNICIPAL DE TUI

Os rosaleiros Juan Ramón Martínez Barbosa, Óscar Vicente Rodríguez e Serafín Martínez Acevedo falaron da andaina e da carreira nos estudos da RMT

REPORTAXE FOTOGRÁFICA DA XIV ANDAINA “VAL DO ROSAL. O PARAÍSO DENDE AS ALTURAS”

Na imaxe, os participantes desta andaina, que visitaron o punto máis alto da vila, nos montes do Campo do Couto e os petroglifos próximos á Fonte do Home.

NOVA VITORIA DE GABRIEL MARCELLI CARBALLIDO NO CAMPIONATO DE ESPAÑA DE TRIAL

O piloto rosaleiro, imparable, é o favorito para facerse -por terceira vez- co Campionato de España de Trial. As próximas citas, Vila de Cruces e Andorra.

O ROSAL E O ATLÉTICO NOVÁS QUEREN FACER HISTORIA, por Juan Ramón Martínez Barbosa

Artigo do director de Noticias O Rosal, onde fala da Fase de Ascenso á División de Honor Prata do balonmán nacional que se celebra os días 2, 3 e 4 de maio

DEPORTISTAS E CLUBS, HOMENAXEADOS NO II RECOÑECEMENTO AO MÉRITO DEPORTIVO

O pasado sábado 12 de abril o Auditorio Municipal acolleu os premios aos mellores deportistas e clubs da vila. Na imaxe, autoridades e homenaxeados.

REPORTAXE FOTOGRÁFICA DA XIII ANDAINA O ROSAL. COÑECE O TEU CONCELLO

A vindeira andaina deportivo-cultural pola vila do Rosal celebrarase o vindeiro sábado 10 de maio, con saída dende o Alto da Portela (Marzán)

O 12 DE ABRIL CELÉBRASE O II ACTO DE RECOÑECEMENTO AO MÉRITO DEPORTIVO DO ROSAL

Na imaxe de 2011, na I edición, Gerardo Álvarez (ciclismo), Manolo Armán (balonmán) e Félix Piñel (atletismo) reciben os premios “Mención de Honra”.

ACTUACIÓN DO GRUPO ADREDDE NA FESTA DE ENTROIDO 2014 DE FORNELOS (O ROSAL)

O sábado 1 de marzo achegámonos ata Fornelos para ver en directo a animada actuación do Grupo Adredde e comprobar o ambientazo de Entroido

O LIBRO “MOLINOS” PRESÉNTASE EN PONTEVEDRA CON MENCIÓN ESPECIAL PARA O ROSAL

A nosa vila estivo representada polo alcalde, Jesús Mª Fernández Portela, así como por Tamuxe e Juan Ramón, autores do libro da historia dos Muíños do Folón-Picón

O ENTROIDO DE FORNELOS 2014, SERÁ, SEN DÚBIDA, DOS MÁIS ESPECTACULARES DA HISTORIA

Impresionante programa de Festas, con orquestras e grupos musicais, actuacións para nenos, Corrida do Galo, Frixidelas e como non, a 5ª edición da CARPA.

O ROSAL HOMENAXEA AO CICLISTA RAÚL FERNÁNDEZ, CAMPIÓN DE GALICIA E DE ESPAÑA

Na imaxe, Raúl Fernández na compaña dos seus compañeiros e directivos do Club Ciclista O Rosal, na recepción ofrecida no Concello.

RAÚL FERNÁNDEZ PROCLÁMASE EN CASTELLÓN CAMPIÓN DE ESPAÑA DE CICLOCROSS

Na imaxe, Raúl, flanqueado á esquerda polo exciclista profesional Serafín Martínez Acevedo e á dereita polo triatleta internacional, Óscar Vicente Rodríguez.

PROXIMAMENTE ANUNCIARASE A DATA DA II RUTA GUIADA ORGANIZADA POR NOTICIAS O ROSAL

A I Ruta Guiada Noticias O Rosal levou aos participantes a coñecer todos os segredos da ruta e historia dos emblemáticos Muíños do Folón e do Picón.

OS REIS MAGOS REPARTEN AGASALLOS A CENTOS DE NENOS/AS EN O ROSAL

Reportaxe fotográfica (máis de 300 imaxes) da visita e recepción na vila do Rosal de Melchor, Gaspar e Baltasar.

NOVO CONXUNTO DE GRAVADOS CRUCIFORMES NO LUGAR DAS CORTES

O historiador rosaleiro Xoán Martínez Tamuxe fala no seu blog deste achádego, recreación da cruz cristiá (séculos IV-V d. C.)

SERGIO RODRÍGUEZ, NETO DO CABAQUEIRO MANUEL "TRINTIÑA", INAUGURA “O BAR DO TRINTA"

Na imaxe, Serafín Martínez Acevedo (exciclista profesional e emprendedor deportivo), con Sergio (xerente do Bodegón-Tapería Os Seixiños. O Bar do Trinta).

TABAGÓN EN FESTAS (DÍAS 29, 30 E 31)

EN PROBAS

EN PROBAS

17 ene 2011

VI Galiexpo Motor Show, por Cristóbal Coímbra


Reportaxe fotográfica de Cristóbal Coímbra.

Os días 14, 15 e 16 de xaneiro tivo lugar no Ifevi de Vigo a sexta edición de Galiexpo Motor Show, que contou -entre outros- coa participación do vigués Jorge Casales (campión de Europa júnior de trial) e pola que pasaron miles de persoas.




O evento foi presentado o venres no concello vigués nun acto que contou coa presenza do tenente de alcalde, Santi Domínguez, a delegada da Xunta en Vigo, Lucía Molares, o responsable da organización, Ricardo Portabales e o mencionado deportista, Casales.

Galiexpo contou con zona de exposición de tunning, coches clásicos e motos, ademais de exhibicións e un "mercadillo" para compraventa de pezas e elementos relacionados co mundo do motor.

16 ene 2011

RM Río Miño nos medios de comunicación



Transcribimos literalmente esta nova nota de prensa remitida á nosa redacción por José Benito Guerreiro Álvarez:

"O Proxecto de Trazabilidade para a pesca do Río Miño segue avanzando e o equipo de promotores está traballando a reo para que, como moi tarde na primeira semana de marzo, sacar ao mercado as primeiras lampreas cun sistema de marcaxe tan innovador que permitirá comprobar que esas lampreas proceden do Río Miño aínda despois de cociñadas.

Algo moi importante para valorizar os recursos pesqueiros do Miño, que neste momento se atopa en plena campaña de pesca e, desta forma, diferenciar os peixes pescados no Miño doutros foráneos, que son introducidos no mercado como procedentes do Miño, cando en realidade non o son.

Solventadas as primeiras dificultades económicas, agora os promotores están en pleno proceso de desenrolo da tecnoloxía necesaria para poñer en marcha este proxecto e pouco a pouco van encontrando solución a todos os contratempos que van xurdindo.

As sensacións do equipo de traballo son moi boas, xa que son moitos os medios de comunicación que, despois da presentación oficial que se fixo no V Simpósio Ibérico sobre a bacía hidrográfica do Río Minho o pasado 20 de novembro en Vila Nova de Cerveira, están mostrando interese polos pasos que están dando para poñer en marcha este sistema de comercialización da pesca.

Ata agora, ademais da cobertura que lle están dando os diferentes medios dixitais da comarca do Baixo Miño, xa se realizaron entrevistas en diversos medios escritos: Radio Tui e Cadena Ser e nos próximos días darase unha cobertura maior na Radio Galega, TVG e TVE.

Estes serán os medios de comunicación nos que poderemos ver e escoitar máis información sobre este innovador proxecto:

O lunes 17 de xaneiro, en directo, no programa A Solaina da TVG a partir das 5 da tarde.

O lunes 24 de xaneiro unha unidade móvil da TVG desplazarase ata o pantalán de San Miguel de Tabagón e fará varias conexións en directo no programa A Revista e entrevistará a varios dos pescadores que están apoiando este proxecto.

En data aínda sen confirmar, ao longo do mes de xaneiro, un equipo de TVE, do programa Comando Actualidad, desprazarase ata a comarca do Baixo Miño para gravar un día de traballo dun pescador do Miño e tamén unha introducción ao sistema de trazabilidade que se porá en marcha a principios de marzo.

Sen dúbida algunha, esta e outras iniciativas que se irán poñendo en marcha nun futuro, están espertando un gran interese entre os medios de comunicación e isto non fai máis que confirmar o gran potencial económico que ten o Río Miño.

Innovación en tempos de crise para dinamizar a comarca do Baixo Miño".

14 ene 2011

Cruz Roja orienta sobre a búsqueda de emprego



Segundo nos comunica Neli Rodríguez, da Asemblea Comarcal de Cruz Roja Baixo Miño, esta entidade "retoma el proyecto dirigido a orientar, y crear hábitos relacionados con la búsqueda activa de empleo además de continuar con su punto de información y Orientación Laboral.
En breve se iniciará un taller de empleo en el cual trabajaremos los siguientes puntos: habilidades sociales para la búsqueda de empleo; factores que influyen en la búsqueda de empleo, la autoestima; cómo enfrentarse a una entrevista de trabajo y elaboración del currículum.

Las plazas de esta formación, de carácter gratuito, serán limitadas, pero en el caso de la existencia de gran demanda se crearía otro taller. Abriremos el plazo de inscripción el próximo lunes 17 de enero.

Además de este taller, la Asamblea contará con un Punto de Información y Orientación Laboral, en el cual continuaremos desarrollando las habilidades y ofreciendo los recursos necesarios para la búsqueda activa de empleo, así como acompañar y asesorar sobre la elaboración del currículum.

Para poder acercarse al Punto de Información Laboral, será necesario contactar y reservar una cita previa.

En los últimos meses, debido a la situación de crisis que afecta a nivel mundial, se incrementó el número de personas que perdieron su empleo, a eso se le une el número de personas que salieron de su país tratando de mejorar su situación intentando incorporarse al mundo laboral español.

Desde Cruz Roja, como entidad de carácter social se realiza una intensa labor con los colectivos más desfavorecidos, entre ellos los desempleados. Por todo esto pondremos en marcha las siguientes líneas de actuación:

• Facilitar el acceso a las nuevas tecnologías.
• Ofrecer asesoramento para la búsqueda de empleo.
• Fomentar hábitos constantes de búsqueda activa de empleo".

Para máis información poden dirixirse a:
Cruz Roja Baixo Miño
r/ Agustín Nandín Lomba, nº 1 Baixo.
Teléfono: 986614609 / 606348471

13 ene 2011

Bases do Concurso-Desfile de Entroido 2011

 
  "As fillas da Conexa", o pasado ano 2010
 
BASES

PRIMEIRA.- O Concello do Rosal convoca o tradicional concurso de carrozas, comparsas, grupos e disfraces individuais que se celebrará con motivo do Entroido 2011 o domingo, 6 de marzo, ás 11:30 horas.

O desfile percorrerá a rúa Ramón Franco (desde o cruce coa Lomba) e a rúa Julio Sesto (ata a rotonda da feira)

SEGUNDA.- A inscrición dos participantes farase no Rexistro do Concello, en impreso normalizado para este fin, ata ás 13:00 h. do mércores día 2 de marzo.

Xunto coa solicitude de inscrición, deberán achegar:
- Maiores de idade: fotocopia do DNI.
- Menores de idade: fotocopia do DNI da persoa que os represente e autorización para participar no concurso.
- Unha breve descrición do disfrace que se presenta a concurso.

As persoas que non presenten solicitude no rexistro xeral tamén poderán participar no desfile pero non terán opción a premio.

TERCEIRA.- As modalidades que poderán participar no concurso son:

- Carroza: Considéranse carrozas un grupo como mínimo de 6 persoas representando algún tema enriba dun móbil ( carro, tractor, motocultor. O condutor poderá ou non ir incluído, déixase a criterio dos participantes).
- Comparsa: Participarán no grupo un mínimo de 10 persoas.
- Grupo: Participarán un número de 3 a 9 persoas
- Individual: Fará constar o nome do disfrace e da persoa que se presenta
(inclúense nesta categoría, a parella de disfraces que pola súa condición requiran participar xuntos, e considérase incluído na categoría xuvenil-adulto, cando un deles teña máis de 12 anos).
Inclúense nesta categoría as modalidades de:
- Infantil, ata 12 anos
- Xuvenil-adulto, a partir de 13 anos

CUARTA.- A cualificación das carrozas, comparsas, grupos e disfraces individuais será determinada polo Xurado do concurso, que estará formado por un Presidente (a concelleira de cultura ou a persoa en quen delegue) e cinco vogais en representación das entidades socioculturais do Concello, que serán nomeados pola Concellaría de Cultura actuando como secretario/a o de menor idade.

QUINTA.- Cada membro do Xurado cualificará de 1 a 10 cada carroza, comparsa, grupo e disfrace individual participante. No suposto de empate, procederase a unha segunda puntuación.

SEXTA.- Concederanse os seguintes premios:

A) CARROZAS:

1º PREMIO……...…………………………………………………...…300 €
2º PREMIO …………………………………………………………….225 €
3º PREMIO …………………………………………………………….175 €

B) COMPARSAS:

1º PREMIO …………………………………………………………… 225 €
2º PREMIO ………………………………………………….…………200 €
3º PREMIO ………………………………………………….…………175 €

C) GRUPOS:

1º PREMIO……………………………………………………………. 175 €
2º PREMIO……………………………………………………………..125 €
3º PREMIO……………………………………………………………..100 €


D) INDIVIDUAIS:

INFANTIL:

1º PREMIO ………………………………………………………….…115 €
2º PREMIO ……………………………………………………………. 80 €
3º PREMIO ……………………………………………………………. 65 €

XUVENIL-ADULTO:

1º PREMIO ………………………………………………………….…115 €
2º PREMIO ……………………………………………………………. 80 €
3º PREMIO ……………………………………………………………. 65 €

Os premios poderán ser declarados desertos polo Xurado do Concurso.

SÉTIMA.- A entrega de premios terá lugar o mesmo día de celebración do Entroido: unha vez feita a avaliación polo Xurado, o secretario fará público o resultado, mediante a lectura da acta correspondente.

OITAVA.- A participación no concurso supón a aceptación de todas e cada unha das presentes bases, sendo a decisión do Xurado inapelable.

O Rosal, 11 de Xaneiro de 2011
O ALCALDE

Jesús Mª Fernández Portela


11 ene 2011

Actuación do Ballet Studio 88 no Auditorio


O domingo 9 de xaneiro tivo lugar no Auditorio Municipal do Rosal a actuación do Ballet Studio 88, presentando o seu espectáculo "Coa danza a todas as partes".


Este evento foi promovido polo Concello do Rosal e organizado pola Asociación Studio 88-Ballet Studio 88, co seu director artístico, Josué Álvarez, ao seu fronte.

Cabalgata dos Reis Magos. O Rosal, 2011


O día 5 de xaneiro, a Cabalgata de Reis 2011 celebrouse no Rosal como cada ano, baixo a organización do Concello e a Asociación de Comerciantes (ACOR), coa colaboración de diferentes entidades e empresas da vila: Comunidade de Montes de Santa Mariña, Comunidade de Montes de San Xoán de Tabagón, A Caixa, Nova Caixa Galicia, Terras Gauda, Valmiñor, Lagar de Cervera, Santiago Ruiz, Señorío da Torre, Quinta de Couselo, Cooperativa Porta do Río Miño, Cooperativa El Pilar, HidroMiño, Excavaciones Pérez, Restaurante Juan, Soper S.L. Construcións, Talleres Sport Novás, Carpal S.L., Talleres Cunchada, Telesón/Milar, Mar Azul Conxelados, Asnela, Sacha e Addict.

Lembrar que precisamente este acontecemento comezou no Rosal en 1968 grazas ao impulso de José Martínez González (Pepe Berdeal), durante moitos anos funcionario do Concello e hoxe presidente desa Asociación.




Segundo afirma Pepe, que leva por tanto 43 anos ao fronte desta Cabalgata rosaleira, naqueles tempos os Reis Magos de Oriente e a súa comitiva ían en camións descubertos. Na actualidade, as Súas Maxestades realizan o traxecto (que dura 6 horas) comodamente en microbús, para repartir uns 300 kg de caramelos e percorrer máis de 50 quilómetros por todos os barrios e lugares do municipio.





Xa pola tarde, os Reis fixeron un alto no camiño para estar con máis calma con todos os nenos e nenas. Así, sobre as 17 horas saudaron dende a balconada do Concello aos centos de persoas que se concentraban na Praza do Calvario, para xa de seguido ter a recepción oficial no Salón de Plenos municipal, onde agasallaron aos máis pequenos cun libro e lambetadas.

Ao final desta “visita real” todos os asistentes foron convidados polo Concello do Rosal a unha gran chocolatada.

7 ene 2011

A ruta dos Muíños será o vindeiro sábado día 15



Aprázase por mal tempo ao vindeiro sábado, día 15 ás 3 da tarde, o percorrido polos MUÍÑOS DO FOLÓN E PICÓN que debía celebrarse mañá.

A actividade, que é gratuíta e aberta a quen desexe disfrutar dunha agradable xornada, está organizada polo Concello do Rosal para fomentar o contacto coa natureza, o deporte e por suposto, a cultura. (Lembrar que os nosos muíños están declarados BEN DE INTERESE CULTURAL pola Xunta de Galicia (1998) e hoxe por hoxe é un dos claros referentes do turismo no Baixo Miño).

Se aínda te queres apuntar diríxete ao Concello ou solicita máis información chamando ao teléfono 986 62 50 00.

4 ene 2011

Os Reis Magos sairán ás 10 da Praza do Calvario




O mércores 5 de xaneiro -e a pesares da choiva- celebrarase a Cabalgata de Reis do Rosal, coa visita ás 9:30 da mañá aos nenos e nenas da Gardería Municipal.

Xa ás 10 h, terá lugar a saída dende a Praza do Calvario, nun percorrido que levará ás Súas Maxestades por todo o concello rosaleiro.

Despois de comer, Melchor, Gaspar e Baltasar seguirán coa súa ruta para finalmente as 17 horas volver de novo á Casa do Concello, onde repartirán agasallos no Salón de Plenos a todos os nenos/as que ata alí se acheguen.

Dende o Concello anúnciase que para conmemorar a chegada dos Reis Magos convidarase a unha CHOCOLATADA no Salón de Exposicións.

Novo servicio de Cruz Roja Baixo Miño

Segundo nos comunica Neli Rodríguez, da Asamblea Comarcal de Cruz Roja Baixo Miño, o vindeiro xoves situarán ao lado do centro de Saúde de Tui un punto informativo sobre un proxecto de vital importancia para mellorar a calidade de vida dos menores en situación de vulnerabilidade e das súas familias. Velaquí vos deixamos a nota de prensa íntegra:

"El pasado mes de diciembre, Cruz Roja ha iniciado un Servicio de Asesoramiento y Préstamo de Productos de Apoyo con la financiación del Ministerio de Sanidad y Política Social.

Este nuevo servicio está dirigido a personas que presentan limitaciones físicas, psíquicas y/o sensoriales con dificultades para desenvolverse de forma autónoma en las actividades básicas e instrumentales de la vida diaria como asearse, comer, trasladarse, llamar por teléfono, etc.….

Los productos de apoyo, antes llamados ayudas técnicas, suponen para estas personas elementos fundamentales para facilitar su vida cotidiana, su libertad de acción y movimiento y para adaptar los entornos de acuerdo a la accesibilidad universal. Y para los cuidadores mejoran su calidad de vida, ya que facilitará la atención a las personas dependientes.

La accesibilidad universal establece el compromiso para garantizar que los productos y el entorno sean utilizables y practicables para todos en condiciones de seguridad y comodidad independientemente de la posible capacidad restringida que de forma permanente o temporal algunas personas presentan.

Por todo ello, Cruz Roja en el Baixo Miño organiza, en primer lugar, el préstamo de algunos de estos productos, en concreto, aquellos que facilitan el traslado y el aseo (silla de ruedas, andadores, muletas, sillas giratorias de bañera, cojines antiescaras, asas de bañeras, etc) y, en segundo lugar, el asesoramiento respecto al tipo y utilidad de productos de apoyo existentes y los procedimientos para poder acceder a ellos.

Todas las personas que estén interesadas y/o deseen recibir más información sobre este servicio pueden dirigirse a:

Cruz Roja Asamblea Comarcal Baixo Miño
C/ Agustín Nandín Lomba, nº1 bajo.
Teléfono: 986 614 609 / 606 348 471

3 ene 2011

O Rosal. Coñece o teu concello. ¡Apúntate!



O Concello do Rosal comezará en xaneiro de 2011, unha iniciativa pioneira no Baixo Miño.

Coa denominación “Coñece o teu Concello”, os primeiros sábados de cada mes (en caso de mal tempo, sería o seguinte) realizaranse uns percorridos turístico-culturais polas catro parroquias rosaleiras.

Quen desexe participar nalgunha destas andainas ten que inscribirse previamente no Concello, chamando ao Departamento de Turismo (986 62 50 00) ou ben enviando un correo electrónico cos seus datos (nome, D.N.I. e teléfono) a turismo@concellodorosal.es

A primeira cita será o día 15 de xaneiro, ás 15:00 horas, cando se fará a ruta dos Muíños do Folón e do Picón, homologada pola Federación Galega de Montañismo e onde se visitará a súa oficina turística, que á vez é o primeiro destes enxeños hidráulicos. Se a forza de auga o permite se fará unha curiosa demostración de moenda para converter o millo en fariña.

A seguir se comezará o percorrido de preto de 3’5 km polos muíños, considerados Ben de Interese Cultural pola Xunta de Galicia. Coñeceremos todos os segredos que os envolven, a súa historia e as súas lendas. Visitaremos lugares verdadeiramente máxicos e cunhas panorámicas cara a desembocadura, o Val e Portugal, sen dúbida, únicas.

 
PROGRAMA

XANEIRO

Día 8 (aprázase ata o 15): Muíños do Folón-Picón con visita ás Pozas da Cal. Saída: Oficina de Información (1º muíño, Martín), ás 15:00 horas.

FEBREIRO

Día 5: Senda de pescadores (Eiras-Aceñas). Saída: Muíño das Aceñas, ás 15:30 horas.

MARZO

Día 5: Sanxián – Portecelo. Camiño Portugués da Costa. Saída: inmediacións do Bar Horizonte, ás 15:30 horas.

 
ABRIL

Día 2: Igrexa Parroquial Santa Mariña - Capela de Santa Ana - Capela de San Vicente-Sepulcros de Marzán. Saída: Praza do Calvario ás 15:30 h.

MAIO

Día 7: Ponte do Tamuxe - Aula Natureza Aceñas - Serra do Pijorro. Saída: Ponte vella do Tamuxe.

XUÑO

Día 4: Ruta das Pesqueiras (Urgal-Fornelos). Saída: Pontiña do Urgal.

XULLO E AGOSTO: Descanso

SETEMBRO

Día 3: Ruta dos petróglifos. Saída: Praza do Calvario.

OUTUBRO

Día 1: Ruta dos cruceiros. Saída: Praza do Calvario.

NOVEMBRO

Día 5: Igrexa parroquial San Xoán de Tabagón - Cruceiro dos Maios - Capela da Madanela (Eiras). Saída: Praza do Calvario.

DECEMBRO

Día 3: Niño do Corvo. Saída: Praza do Calvario.

Recomendacións: roupa cómoda, auga e cámara.

Misa de Nadal con "belén vivente" en Santa Mariña


O sábado 25 de decembro, e como cada ano, tivo lugar na igrexa parroquial de Santa Mariña a tradicional Misa de Nadal, coa participación dos máis pequenos nun simpático "belén vivente".

Oficiou a cerimonia relixiosa o abade párroco, D. Julio Ramos Rodríguez, cantou o coro parroquial e houbo proxección de imaxes nunha pantalla colocada para a ocasión.

31 dic 2010

Celebrouse o sorteo de Nadal de A.C.O.R.


A Asociación de Comerciantes do Rosal (A.C.O.R.) que preside José Martínez González (Pepe Berdeal) entregou na súa sede, os premios que ofertaba con motivo do Sorteo de Nadal deste ano 2010.



Na imaxe, Montse Silva Salceda, o seu marido Arturo Gómez Martínez e a súa filla, Ainoha, agasallados cunha cesta, na compaña do presidente de ACOR.

Relación de agasallos, premiados e comercios onde se entregaron os vales:
Vale de 300 €: Laurentina Martínez (Moda Sara Carrera)

Vale de 250 €: Gloria Martínez Álvarez (Perfumería Pili)

Vale de 200 €: Ana Cruz González (Mapfre)
Un xamón: Laudelina (Tele-Son)

Unha cesta: Elena Alonso Pereira (Calzados Antica)

Unha cesta: Montse Silva Salceda (Estanco O Rosal)
Vale de 150 €: Nieves Acosta Rocha (Restaurante Juan)

Vale de 75 €: Vicente Alonso (Tenda Paquín)

Vales de 50 €: Sabi González (Estanco O Rosal)

Remedios Rodríguez Álvarez (Cooperativa El Pilar)

Aurelia Coímbra Vidal (Confecciones Mary)

Vales de 20 €: Rosi Fernández Fernández (Calzados Antica)

Antonio R (Spa Esencial Nº 5)

Gustavo (Cooperativa El Pilar)

Celia Coímbra (Augaluz)

María Araújo (E&M)

Jorge Obispo (Ferretería O Calvario)

Flor de la Fuente (Moda Sacha)

Xurxo Lourenzo (Tenda Paquín)

Orlando Estévez (Electricidad O Rosal)

Loli González (Perfumería Pili)

Vales de 10 €: Eva Pacheco (Moda Sara Carrera)

Loli Costas (Activa Dixital)

Carmen Guerreiro (Confecciones Mary)

Natalia Santos (A Competencia)

Salud Rodríguez (Moda Sara Carrera)

Loli Iglesias (Confecciones Mary)

David Alonso (Tenda Paquín)

Lucindo (Alimentación Armán)

Javi Acevedo (Moda Sara Carrera)

Sofi Vázquez (Augaluz)

30 dic 2010

Sevi e Dani, Campións de España de Futbolín


Os días 5, 6 e 7 de decembro celebrouse en Padrón (A Coruña) o “XIV Campeonato Nacional de Futbolín”.

Ata alí se desprazaron as mellores parellas de toda España para disputar este torneo en diferentes modalidades (combinada, parado, feminino e movemento).

O rosaleiro Carlos Álvarez Antúnez (Sevi) e o goianés Daniel Rodríguez Martínez –membros da futura asociación sociocultural baixomiñota “Os Cabaqueiros do Futbolín”- proclamáronse Campións de España desta última (movemento F-2) tras gañar na final aos cataláns Javier e Óscar.


Aproveitando a vitoria e o remate deste ano “futbolineiro” na nosa vila, foron recibidos e felicitados na casa consistorial polo alcalde rosaleiro Jesús Mª Fernández Portela e o concelleiro de Deportes, Ángel Martínez Villa.

Acompañaron aos Campións de España nesta recepción, ademais de familiares e amigos –entre outros- Sergio Casal Fernández (Yeya), vencedor con Luis Martínez Pereira, do I Campionato Os Cabaqueiros 2009 e Mary Domínguez Rodríguez, xunto con Ruth Mª Martínez, gañadora do I Campionato Feminino Noticias O Rosal 2010.



Tanto o Alcalde como o edil de Deportes mantiveron unha animada charla con Sevi e Dani e os demais xogadores e animáronos a seguir nesta liña, facendo mención ao primeiro torneo creado e organizado polo Concello o ano pasado (“Os Cabaqueiros”), que serviu como impulso para animar á xuventude e recuperar este xogo tradicional non só xa na vila do Rosal senón na comarca do Baixo Miño.

Rematou este acto cunha sesión fotográfica para a lembranza, cos campións e os seus respectivos trofeos, diante da Casa do Concello e tamén fronte ao “Daorde de Lurio” (monumento de pedra, obra de Pepe Antúnez Pousa, en homenaxe ao Cabaqueiro).

29 dic 2010

César e Carmen, elixidos mellores praceiros 2010


César Santomé Lemos e Carmen Rodríguez Martínez foron elixidos “Mellores praceiros 2010” polos clientes da Praza de Abastos do Rosal dentro do programa “Este inverno presume de praceiro”, promovido pola Dirección Xeral de Comercio da Xunta de Galicia.



O concelleiro de Xuventude e Emprego do Rosal, Pablo Díaz Flores, xunto con Araceli del Pozo Galiñanes, Axente de Emprego e Desenvolvemento Local, foron os encargados de facerlle entrega aos praceiros dun pequeno agasallo e do correspondente diploma acreditativo.

27 dic 2010

Premiados no I Torneo de Futbolín Bar Floro



Recentemente tivo lugar no Bar Floro (O Rosal) o acto de entrega de premios do I Torneo de Futbolín que leva o nome deste coñecido local da vila.

Esta competición, que tivo a colaboración de “Os Cabaqueiros do Futbolín”, foi disputada por 17 parellas (34 participantes), sendo gañada por Carlos Alberto Álvarez da Concepción e Marcos Casal Fernández que venceron a Rubén Santos Paz (Delio) e Carlos Álvarez Antúnez (Sevi) nunha apaixonante e reñida final que se decidiu na última bola.

O terceiro posto foi para Sergio Casal Fernández (Yeya) e Juan Ramón Martínez despois de gañar á parella formada por Sergio Rodríguez Álvarez e Ángel Martínez Diego.




A propietaria do local, Amparo Álvarez Rivero xunto coa súa irmá Delia, fixeron entrega dos trofeos e agasallos conmemorativos desta efeméride nun sinxelo pero animado acto.


Este torneo de futbolín “Bar Floro” 2010, tivo a novidade de que aparte do premio en metálico e das tradicionais copas tamén se obsequiou cunhas figuriñas realizadas a man, en exclusiva, para esta ocasión ás tres primeiras parellas clasificadas e de participación para todos os demais “futbolineiros/as”.

Destacar o bo ambiente e o compañeirismo reinantes durante todo o evento, así como a presenza de catro mulleres no campionato (Noelia Álvarez Baquero, Maite Martínez González, Mary Domínguez Rodríguez e Sonia Castro Rodríguez), que deron máis dunha sorpresa co seu crecente nivel de xogo e sobre todo ao eliminar da loita polos títulos a varios dos favoritos.

Fóra palabras como “competición e rivalidade”, este tipo de acontecementos (por que non, deportivos) son -sen dúbida- unha boa ocasión para rescatar do esquecemento a este vello xogo tradicional e desta maneira unir aínda máis á xuventude e aos “non tan mozos” e pasar unha xornada de convivencia realmente agradable.

Os “Cabaqueiros do Futbolín” queren agradecer publicamente o trato dispensado polas organizadoras do campionato e responsables do Bar Floro, Amparo e Delia, desexándolles unhas Felices Festas e animándoas a seguir con este tipo de loables iniciativas.

26 dic 2010

Encontro de corais no Auditorio Municipal

O coro "Ecos do Folón", na súa presentación, hai xusto un ano (26 de decembro de 2009)

Hoxe, domingo 26 de decembro ás 19:00 horas terá lugar no Auditorio Municipal do Rosal o encontro de corais “Ecos de Nadal”, organizado polo Coro “Ecos do Folón” de Fornelos, coa colaboración do Concello, a Deputación Provincial e a Comunidade de Montes de Santa Mariña do Rosal.

Neste acto actuarán as seguintes corais:

CORAL DO CLUB DA TERCEIRA IDADE (A Guarda)
Director: D. Javier Domínguez Millán

CORAL POLIFÓNICA “VAGALUME” (Santa María de Oia)
Director: D. César Lorenzo Álvarez

CORAL POLIFÓNICA (A Guarda)
Directora: Dna. Marisilda Sánchez Lomba

CORO “ECOS DO FOLÓN” (Fornelos, O Rosal)
Director: D. Jorge Fernández González